సరికొత్త డాజ్ స్కూటర్‌ను పరీక్షిస్తోన్న టీవీఎస్

తాజాగా టీవీఎస్ ప్రతినిధులు సరికొత్త డాజ్ స్కూటర్‌కు బెంగళూరు పరిసర ప్రాంతాల్లో రహదారి పరీక్షలు నిర్వహించింది. టీవీఎస్ గతంలో 2016 ఇండియన్ ఆటో ఎక్స్-పో వాహన ప్రదర్శన వేదిక మీద ఆవిష్కరించింది. అయితే, ఇప్పటి వరకు విపణిలోకి లాంచ్ చేయలేదు.

Recommended Video

This New Year 2018 Brings The New Swift Sport To India - DriveSpark

టీవీఎస్ మోటార్స్ తొలుత ఈ డాజ్ స్కూటర్‌ను ఇండోనేషియా మార్కెట్ కోసం అభివృద్ది చేసింది. టీవీఎస్ డాజ్ స్కూటర్‌ను ఇప్పటికే పలు ఆగ్నేయాసియా దేశాలలో అందుబాటులో ఉంచింది. అయితే, దేశీయంగా స్కూటర్ల సంఖ్యను పెంచుకునేందుకు ఇప్పుడు భారత్‌ కోసం ఖరారు చేసింది.

టీవీఎస్ డాజ్ స్కూటర్‌ను కార్బోరేటర్ మరియు ఫ్యూయల్ ఇంజెక్టెడ్ రెండు రకాల వెర్షన్‌లో తీసుకొచ్చేందుకు సన్నాహాలు చేస్తోంది. సాంకేతికంగా ఇందులో ఉన్న 110సీసీ కెపాసిటి గల గాలితో చల్లబడే సింగల్ సిలిండర్ 8.57బిహెచ్‌పి పవర్ మరియు 8.3ఎన్ఎమ్ గరిష్ట టార్క్ ప్రొడ్యూస్ చేస్తుంది.

డాజ్ స్కూటర్ డిజైన్ చూడటానికి కాస్త వింతగా ఉంటుంది. ఎందుకంటే, ఇప్పటి వరకు ఇలాంటి తరహా స్కూటర్లు మన విపణిలోకి పరిచయం కాలేదు. ట్రెండింగ్ బాడీ గ్రాఫిక్స్, పెద్ద పరిమాణంలో ఉన్న 14-అంగుళాల పరిమాణం గల అల్లాయ్ వీల్స్‌తో వస్తోంది.

Trending On DriveSpark Telugu:

ముందు వైపున టెలిస్కోపిక్ ఫ్రంట్ ఫోర్క్స్ మరియు వెనుక వైపున సింగల్ షాక్ అబ్జార్వర్, అదే విధంగా ఫ్రంట్ వీల్‍‌కు 200ఎమ్ఎమ్ డిస్క్ బ్రేక్ మరియు రియర్ వీల్‌కు 130ఎమ్ఎమ్ డిస్క్ బ్రేక్ రానుంది.

టీవీఎస్ 110 స్కూటర్ల శ్రేణిలో ఉన్న స్తూటీ జెస్ట్ మరియు జూపిటర్ సరసన చేరనుంది. దీని ధర సుమారుగా రూ. 55,000ల నుండి రూ. 60,000 మధ్య ఉండే అవకాశం ఉంది.

టీవీఎస్ ఈ 110సీసీ డాజ్ స్కూటర్‌తో పాటు హోండా గ్రాజియాను ఎదుర్కొనేందుకు 125సీసీ కెపాసిటి గల కొత్త స్కూటర్‌ను సిద్దం చేస్తోంది. అధునాతన ఫుల్లీ డిజిటల్ ఇంస్ట్రుమెంట్ క్లస్టర్ కన్సోల్‌ మరియు ఎన్నో కొత్త ఫీచర్లను 125సీసీ స్కూటర్లో పరిచయం చేయనుంది.

Trending DriveSpark Telugu YouTube Videos

Subscribe To DriveSpark Telugu YouTube Channel - Click Here