జెమోపాయ్ మిసో మినీ ఎలక్ట్రిక్ స్కూటర్ : ధర & ఇతర వివరాలు

మిసో మినీ ఎలక్ట్రిక్ స్కూటర్ దిగుమతి చేసుకున్న బ్యాటరీ సెల్స్ మినహా ఇది పూర్తిగా మేడ్ ఇన్ ఇండియా ఉత్పత్తి. ఈ మినీ స్కూటర్ ఒకే ఛార్జ్ తో 75 కిలోమీటర్ల పరిధిని అందిస్తుంది. మినీ ఎలక్ట్రిక్ స్కూటర్‌లో 48 వి, 1 కిలోవాట్ రిమూవబుల్ బ్యాటరీ, హెక్సా హెడ్‌లైట్ మరియు ఎల్‌ఇడి బ్యాటరీ ఇండికేటర్ ఉన్నాయి. జెమోపాయ్ మిసో ఓనర్స్ కోసం మూడేళ్ల ఫ్రీ సర్వీస్ ప్యాకేజీని కూడా అందిస్తోంది.

జెమోపాయ్ ఎలక్ట్రిక్ సహ వ్యవస్థాపకుడు అమిత్ రాజ్ సింగ్ మాట్లాడుతూ, కరోనా మహమ్మారి ప్రజల సాధారణ జీవితాన్ని మరియు వ్యాపారాలను బాగా దెబ్బతీసింది. కానీ అనేక పద్ధతులతో కంపెనీలు అభివృద్ధి మార్గం వైపు దూసుకేతున్నాయి.

ప్రస్తుతం కరోనా సంక్షోభాలతో పోరాడుతున్నప్పుడు మరియు సురక్షితంగా ఉన్నప్పుడు జీవితం మరియు వ్యాపార కొనసాగింపును సమతుల్యం చేస్తున్నప్పుడు, మైక్రో మొబిలిటీ రోజువారీ రాకపోకలకు నావిగేట్ చేయడానికి సురక్షితమైన మరియు స్థితిస్థాపక మార్గాలలో ఇది ఒకటిగా ఉంటుంది అని ఆయన చెప్పారు.

తమ గమ్యస్థానానికి ఇబ్బంది లేకుండా ప్రయాణించాలనుకునే యువకులకు మిసో ఖచ్చితంగా మంచి వాహనం అని కంపెనీ తెలిపింది. రోజూ కార్యాలయాలకు ప్రయాణించే వారికి ఇది ఉత్తమ చాలా బాగా ఉపయోగపడుతుంది. మిసో యొక్క సింగిల్ సీటు సామాజిక దూరాన్ని కొనసాగించడానికి సహాయపడుతుందని కూడా మిస్టర్ సింగ్ తెలిపారు.

జెమోపాయ్ మిసో మినీ ఎలక్ట్రిక్ స్కూటర్ ఫైరీ రెడ్, డీప్ స్కై బ్లూ, లూషియస్ గ్రీన్ మరియు సన్‌సెట్ ఆరెంజ్ అనే నాలుగు కలర్ ఎంపికలలో లభిస్తుంది. అంతే కాకుండా ఈ స్కూటర్ రెండు వేరియంట్లలో లభిస్తుంది. ఒకటి 120 కిలోగ్రాముల వరకు పేలోడ్ సామర్ధ్యం కలిగిన క్యారియర్ ఉండేది, మరియు మరొకటి క్యారియర్ లేకుండా ఉండేది.

శుభవార్త ఏమిటంటే మిసో మినీ ఎలక్ట్రిక్ స్కూటర్‌కు డ్రైవింగ్ లైసెన్స్ లేదా ఆర్టీఓ పర్మిట్ అవసరం లేదు, ఎందుకంటే ఇది 25 కిలోమీటర్ల వేగంతో ఉంటుంది. స్కూటర్ కూడా లాంగ్ ట్రావెల్ సస్పెన్షన్‌తో వస్తుంది.

రూ. 44,000 ఎక్స్-షోరూమ్ ధరతో, జెమోపాయ్ మిసోను బ్రాండ్ యొక్క వెబ్‌సైట్ ద్వారా బుక్ చేసుకోవచ్చు. అన్ని ప్రీ-బుకింగ్‌లకు బ్రాండ్ రూ. 2,000 ప్రారంభ డిస్కౌంట్‌ను కూడా అందిస్తోంది. జూలై 2020 నుండి 60 కంపెనీ డీలర్‌షిప్‌ల ద్వారా కూడా ఈ స్కూటర్ అందుబాటులో ఉంటుంది.