హీరో ఎలక్ట్రిక్ స్కూటర్లపై దీపావళి ఆఫర్లు - వివరాలు

వీటితో పాటు, ఎంపిక చేసిన డీలర్‌షిప్‌లలో వడ్డీ లేని రుణ సదుపాయాన్ని కూడా కంపెనీ అందుబాటులోకి తెచ్చింది. హీరో మోటోకార్ప్ అందిస్తున్న లిథియం అయాన్ మరియు లీడ్ యాసిడ్ స్కూటర్లపై ఈ ఆఫర్లను పొందవచ్చు. అయితే, ఈ డిస్కౌంట్ ఆఫర్లు నవంబర్ 14 వరకు మాత్రమే అందుబాటులో ఉంటాయని కంపెనీ తెలిపింది.

హీరో ఎలక్ట్రిక్ కంపెనీకి దేశవ్యాప్తంగా 500కి పైగా డీలర్‌షిప్‌లు ఉన్నాయి. హీరో ఎలక్ట్రిక్ యొక్క లీడ్ యాసిడ్ మోడల్‌పై 3000 రూపాయల నగదు తగ్గింపు మరియు ఎంపిక చేసిన మోడళ్లపై 5,000 రూపాయల వరకూ నగదు తగ్గింపు కంపెనీ అందిస్తోంది.

అంతే కాకుండా, హీరో ఎలక్ట్రిక్ యొక్క తమ రిఫెరల్ పథకాన్ని సద్వినియోగం చేసుకునే వినియోగదారులకు రూ.1000 వరకు అదనపు ప్రయోజనాలను అందిస్తోంది. ఇవన్నీ కలుపుకుంటే, ఎలక్ట్రిక్ స్కూటర్లపై గరిష్టంగా రూ .6000 వరకూ తగ్గింపును పొందవచ్చు. అయితే, కంపెనీ ఇటీవలే విడుదల చేసిన ఆప్టిమా హెచ్ఎక్స్ సిటీ స్పీడ్ మరియు నైక్స్ హెచ్ఎక్స్ సిటీ స్పీడ్ మోడళ్లపై మాత్రం ఎలాంటి తగ్గింపులను ఇవ్వటం లేదు.

హీరో ఎలక్ట్రిక్ ఆప్టిమా హెచ్ఎక్స్ సిటీ స్పీడ్ మరియు నైక్స్ హెచ్ఎక్స్ సిటీ స్పీడ్ లను వరుసగా 57,560 రూపాయలు మరియు 63,990 రూపాయల ధరతో విడుదల చేసింది. ప్రస్తుతం ఈ మోడళ్లపై ఎటువంటి తగ్గింపులు ఇవ్వడం లేదు.

ఈ పండుగ సీజన్‌లో తమ కస్టమర్ల ఆనందాన్ని మరింత రెట్టింపు చేసేందుకు ఈ కొత్త ఆఫర్లను ప్రకటించినట్లు కంపెనీ పేర్కొంది. ఈ ఆఫర్ల ద్వారా దేశంలో ఎలక్ట్రిక్ వాహనాల వినియోగం పెరిగి, కాలుష్యం కొంతైనా తగ్గుతుందని కంపెనీ ఆశాభావం వ్యక్తం చేసింది.

హీరో ఎలక్ట్రిక్ తమ అన్ని ఎలక్ట్రిక్ స్కూటర్లపై మూడు రోజుల రిటర్న్ పాలసీని, కొత్త కస్టమర్ల కాన్ఫరెన్స్‌పై రూ.2,000 క్యాష్‌బ్యాక్ ఇస్తున్నట్లు తెలిపింది. ఈ కొత్త ప్రణాళిక ద్వారా ప్రస్తుత పండుగ సీజన్లో ఎక్కువ మంది కస్టమర్లను ఆకర్షించాలని కంపెనీ లక్ష్యంగా పెట్టుకుంది.

లాక్‌డౌన్ అనంతరం, హీరో ఎలక్ట్రిక్ దేశంలో ప్రోత్సాహకర అమ్మకాలను నమోదు చేసుకుంది. ఇటీవలి కాలంలో కంపెనీ మూడు కొత్త ఎలక్ట్రిక్ స్కూటర్లను (ఆప్టిమా-హెచ్ఎక్స్, ఎన్వైఎక్స్-హెచ్ఎక్స్ మరియు ఫోటాన్-హెచ్ఎక్స్) కూడా మార్కెట్లో విడుదల చేసింది.