2021 మోటోజిపి కోసం డ్యుకాటితో జట్టు కట్టిన 'జాక్ మిల్లర్'

ఇటలీలోని బోర్గో పనిగేల్ ప్రాంతానికి చెంది ఈ డ్యుకాటి రేసింగ్ బ్రాండ్ ప్రస్తుతం ఆస్ట్రేలియన్ జిపి రైడర్ అయిన జాక్ మిల్లర్‌తో ఈ మేరకు నెక్స్ట్ సీజన్ కోసం ఓ ఒప్పందాన్ని కుదుర్చుకుంది. బహుశా 2022 సీజన్‌లో కూడా ఇతనే డ్యుకాటి టీమ్ తరఫున పోటీ చేసే ఆస్కారం ఉంది.

జాక్ మిల్లర్‌కు 20 ఏళ్ల వయస్సు ఉన్నప్పుడు 2015లో మోటోజిపిలోకి ప్రవేశించాడు. స్వతహాగా బైక్స్ అంటే ఎంతో ఇష్టం ఉన్న జాక్ మిల్లర్ టీఎమ్ ఎల్‌సిఆర్, మార్క్ విడిఎస్ రేసింగ్ వంటి పాపులర్ రేసింగ్ జట్ల తరఫున పోటీలో పాల్గొన్నాడు. ఆ తర్వాత 2018లో ప్రమాక్ రేసింగ్ టీమ్‌తో ఒప్పందం కుదుర్చుకున్నాడు.

గడచిన సీజన్‌లో 8వ స్థానంలో నిలిచి, ఐదు పోడియం‌లను ఫినిష్ చేశాడు. గడచిన రెండేళ్లుగా ప్రమాక్ రేసింగ్ టీమ్ తరఫను పోటీ చేస్తూ వచ్చిన జాక్ మిల్లర్ ప్రస్తుతం 43వ రేసర్ ర్యాంకింగ్ స్థానంలో ఉన్నాడు.

డ్యుకాటి సంస్థతో తన మోటోజిపి కేరీర్‌ను పంచుకోవటం చాలా ఆనందంగా ఉందని, తనపై విశ్వాసం ఉంచి, తనకి ఈ అవకాశం ఇచ్చిన డ్యుకాటి యాజమాన్యంలోని క్లాడియో, గిగి, పావ్లో, డేవిడ్ తదితరులకు ధన్యవాదములు తెలియజేస్తున్నాని జాక్ మిల్లర్ చెప్పారు. 2021 సీజన్‌కి అఫీషియల్ డ్యుకాటి రైడర్‌గా చేరడం పట్ల తాను పూర్తి బాధ్యతాయుతంగా వ్యవహరిస్తాని అన్నారు.

ఈ సందర్భంగా డ్యుకాటి మోటార్ మోల్డింగ్ ఛీఫ్ ఎగ్జిక్యూటివ్ ఆఫీసర్ క్లాడియో డామెనికలి మాట్లాడుతూ.. జాక్ మిల్లర్ ప్రమాక్ రేసింగ్ టీమ్‌లో చేరినప్పటి నుండి క్రమక్రమంగా తన సామర్థ్యాన్ని మెరుగుపరచుకుంటూ వచ్చాడని, చాంపియన్‌షిప్‌లో అత్యంత వేగవంతమైన మరియు నైపుణ్యమైన రైడర్‌గా తనని తాను నిరూపించుకున్నాడని అన్నారు.

వచ్చే ఏడాది జరగబోయే మోటోజిపిలో డ్యుకాటి టీమ్ తరఫున తమ అధికారిక డెస్మోసెడిసి జిపి బైక్‌ని నడిపేందుకు జాక్ మిల్లర్ ఒప్పుకున్నందుకు తమకెంతో సంతోషంగా ఉందని డామెనికలి అన్నారు. నెక్స్ట్ సీజన్ మోటోజిపిలో తమ జట్టు తరఫున పాల్గొనడానికి జాక్ మిల్లర్ సరైన వ్యక్తి అని డ్యుకాటి భావిస్తోంది.

జాక్ మిల్లర్ డ్యుకాటి రేసింగ్ జట్టులో చేరడంపై డ్రైవ్‌స్పార్క్ అభిప్రాయం.

డ్యుకాటి ఫ్యాక్టరీ జట్టులో మిల్లర్ ఒకరిగా చేరటం నిజంగా ఆ జట్టుకు మరింత బలం చేకూర్చనుంది. జాక్ మిల్లర్ తన మోటోజిపి కెరీర్‌లో చాలా వేగంగా మంచి పేరును తెచ్చుకున్నాడు. ఈసారి సీజన్‌లో డ్యుకాటి చాంపియన్‌షిప్ కొట్టాలని మనం కూడా కోరుకుందాం.