దేశీయ మార్కెట్లో రివాల్ట్ ఎలక్ట్రిక్ బైక్స్ డెలివరీ షురూ..

కరోనా వైరస్ కారణంగా దేశవ్యాప్తంగా లాక్‌డౌన్ ప్రకటించిన సమయంలో, రివాల్ట్ తన రెండు ఎలక్ట్రిక్ బైక్‌లైన ఆర్‌వి 300 మరియు ఆర్‌వి 400 ఉత్పత్తిని నిలిపివేసింది. ఇటీవల కాలంలో ప్రభుత్వం తరువాత లాక్-డౌన్ ని కొన్ని నిబంధనలతో సడలించడం వల్ల రివాల్ట్ ఈ రెండు ఎలక్ట్రిక్ బైకుల ఉత్పత్తిని తిరిగి ప్రారంభించింది. ఇటీవల ఈ ఆర్‌వి 300, ఆర్‌వి 400 బైకులు చెన్నై, అహ్మదాబాద్‌లోని డీలర్లకు చేరాయి.

ఇప్పుడు ఈ రెండు ఎలక్ట్రిక్ బైకుల డెలివరీ ప్రారంభమైంది. గతేడాది ఆర్‌వి 300, ఆర్‌వి 400 ఎలక్ట్రిక్ బైక్‌లు ఢిల్లీ, పూణేల్లో మాత్రమే లభించాయి. అయితే ఇప్పుడు చెన్నై, అహ్మదాబాద్‌లలో కూడా ఏ రివోల్ట్ ఎలక్ట్రిక్ బైక్‌లు అందుబాటులో ఉన్నాయి.

ఈ రివాల్ట్ ఆర్‌వి 300, ఆర్‌వి 4000 ఎలక్ట్రిక్ బైక్‌లలో ఫీచర్లను గమనించినట్లయితే ఇందులో ఎల్‌ఇడి హెడ్‌ల్యాంప్‌లు, ఎల్‌ఇడి టెయిల్ లైట్లు, ఫుల్ డిజిటల్ ఇన్‌స్ట్రుమెంట్ క్లస్టర్ మరియు ఇతర ఫీచర్లు ఉన్నాయి.

ఈ రెండు ఎలక్ట్రిక్ బైక్‌లకు సస్పెన్షన్ కోసం ముందు భాగంలో ఇన్వర్టెడ్ ఫోర్కులు మరియు వెనుక భాగంలో మోనో-షాక్ సస్పెన్షన్ సెటప్ అమర్చారు. ఈ బైక్ యొక్క బ్రేకింగ్ సిస్టమ్ విషయానికొస్తే, రెండు డిస్క్ బ్రేకులు ఉన్నాయి. అంతే కాకుండా రెండు ఎలక్ట్రిక్ బైక్‌లు కూడా AI టెక్నాలజీని కలిగి ఉన్నాయి.

ఆర్‌వి 300 మరియు ఆర్‌వి 400 ఎలక్ట్రిక్ బైక్‌లలో లిథియం అయాన్ బ్యాటరీ ప్యాక్ అమర్చారు. ఆర్‌వి 300 లో ఎలక్ట్రిక్ బైక్‌లో 60వి 2.7 kWh బ్యాటరీ ఉంటుంది. ఈ రివాల్ట్ ఆర్‌వి 300 ఒకే ఛార్జీతో 180 కి.మీ వరకు ప్రయాణిస్తుంది. ఇందులో మూడు రైడింగ్ మోడ్‌లు ఉన్నాయి. అవి ఎకో, నార్మల్ మరియు స్పోర్ట్స్. ఈ ఎలక్ట్రిక్ బైక్ స్పోర్ట్ మోడ్‌లో గంటకు 85 కి.మీ వేగంతో ఉంటుంది.

రివాల్ట్ ఆర్‌వి 400 ఎలక్ట్రిక్ బైక్‌లో 72 వి 3.24 కిలోవాట్ల ప్యాక్ ఉంది. ఈ ఎలక్ట్రిక్ బైక్ ఒకేసారి పూర్తి ఛార్జీతో గరిష్టంగా 150 కి.మీ వరకు ప్రయాణిస్తుంది. ఈ బైక్‌లో కూడా అదే మూడు-రైడ్ మోడ్ లు ఉంటాయి.

రివాల్ట్ ఆర్‌వి 300 మరియు ఆర్‌వి 400 ఎలక్ట్రిక్ బైక్‌లు చూడటానికి చాలా ఆకర్షణీయంగా మరియు స్టైల్ గా ఉండటమే కాకుండా, వినియోగదారులకు చాలా అనుకూలంగా ఉంటుంది. ఈ రెండు బైక్‌లు అధునాతన ఫీచర్స్ కలిగి ఉంటాయి.