టీవీఎస్ జూపిటర్ డిస్క్ బ్రేక్ వేరియంట్ విడుదల: ధర, ఫీచర్లు

గతంలో లభించినట్లుగా టీవీఎస్ జూపిటర్ ఇప్పుడు ఫ్రంట్ డిస్క్ బ్రేక్ కలిగి ఉంటుంది. టీవీఎస్ జూపిటర్ జెడ్‌ఎక్స్ వేరియంట్ డిస్క్ బ్రేక్‌తో పాటుగా ‘ఐ-టచ్‌స్టార్ట్' టెక్నాలజీతో లభిస్తుంది. ఇది ‘వన్-టచ్ సింగిల్-స్టార్ట్' సిస్టమ్‌ను కలిగి ఉండి, ఇంజన్‌ను స్టార్ట్ చేసినప్పుడు ఇగ్నిషన్ సమయంలో ఇంజన్ క్రాంకింగ్ సౌండ్ లేకుండా సైలెంట్‌గా స్టార్ట్ అవుతుంది. ఈ టెక్నాలజీ వలన బ్యాటరీ లైఫ్ మెరుగు పడుతుందని కంపెనీ తెలిపింది.

కొత్త టీవీఎస్ జూపిటర్ జెడ్‌ఎక్స్ డిస్క్ బ్రేక్ వేరియంట్‌లోని ఇతర అప్‌డేట్స్‌ను గమనిస్తే, ఇది కొత్త ‘ఆల్ ఇన్ వన్' లాక్ సిస్టమ్‌ను కూడా కలిగి ఉంటుంది. ఈ సిస్టమ్‌లోనే ఇగ్నిషన్, బూట్ లాక్ మరియు ఫ్యూయెల్ క్యాప్ రిలీజ్ వంటి అన్ని ఫంక్షన్లను ఉంటాయి. ఈ మార్పులు మినహా, కొత్త టీవీఎస్ జూపిటర్ జెడ్‌ఎక్స్ వేరియంట్లో వేరే ఏ ఇతర మార్పులు లేవు.

ఇంజన్ విషయానికి వస్తే, కొత్త టీవీఎస్ జూపిటర్‌లోని 110సీసీ ఇంజన్‌ను ఇప్పటికే కొత్త కాలుష్య నిబంధనలకు అనుగుణంగా అప్‌గ్రేడ్ చేశారు. ఇందులోని 109సీసీ సింగిల్ సిలిండర్ ఎయిర్-కూల్డ్ ఇంజన్ గరిష్టంగా 7000 ఆర్‌పిఎమ్ వద్ద 7.4 బిహెచ్‌పి శక్తిని మరియు 5500 ఆర్‌పిఎమ్ వద్ద 8.4 ఎన్ఎమ్ టార్క్‌ను ఉత్పత్తి చేస్తుంది.

కొత్త టీవీఎస్ జూపిటర్ జెడ్‌ఎక్స్ డిస్క్ బ్రేక్ వేరియంట్‌ను మూడు కలర్ ఆప్షన్లలో లభిస్తుంది. అవి - స్టార్‌లైట్ బ్లూ, మ్యాట్ స్టార్‌లైట్ బ్లూ మరియు రాయల్ వైన్. కొత్త జెడ్ ఎక్స్ డిస్క్ వేరియంట్‌ను మిడ్-స్పెక్ జూపిటర్ జెడ్ఎక్స్ డ్రమ్ మరియు టాప్-ఎండ్ జూపిటర్ క్లాసిక్ ఎడిషన్‌కు మధ్యలో ప్రవేశపెట్టారు.

టీవీఎస్ జూపిటర్ జెడ్ఎక్స్ వేరియంట్‌లో కొత్తగా చేర్చిన డిస్క్ బ్రేక్‌లు మరియు సైలెంట్-స్టార్ట్ సిస్టమ్‌తో పాటుగా ఇందులో ఎల్‌ఈడి హెడ్‌ల్యాంప్‌లు, ఇరువైపులా 12 అంగుళాల చక్రాలు, టెలిస్కోపిక్ ఫ్రంట్ ఫోర్కులు మరియు వెనుక భాగంలో మోనో-షాక్ సస్పెన్షన్ సెటప్, పెద్ద 21-లీటర్ల బూట్ సామర్థ్యం మరియు 6-లీటర్ల ఇంధన ట్యాంక్ వంటి ఫీచర్లు ఉన్నాయి.

డిస్క్ బ్రేక్‌ మరియు సైలెంట్-స్టార్ట్ సిస్టమ్‌తో విడుదలైన కొత్త టీవీఎస్ జూపిటర్ జెడ్‌ఎక్స్ ధర రూ.69,052, ఎక్స్-షోరూమ్, ఢిల్లీగా ఉంది.

టీవీఎస్ జూపిటర్ జెడ్ఎక్స్ డిస్క్ వేరియంట్ విడుదలపై డ్రైవ్‌స్పార్క్ అభిప్రాయం.

టీవీఎస్ జూపిటర్ ఇప్పటి వరకూ డ్రమ్ బ్రేక్స్ మాత్రమే లభ్యమయ్యేది, కంపెనీ ఇందులో డిస్క్ బ్రేక్ వేరియంట్‌ను పరిచయం చేయటంవల ఈ మోడల్‌లో మొత్తం వేరియంట్ల సంఖ్య నాలుగుకి చేరింది. ఇది ఈ విభాగంలో హీరో మాస్ట్రో ఎడ్జ్ మరియు హోండా యాక్టివా 6జి వంటి మోడళ్లకు పోటీగా నిలుస్తుంది.