భారత్‌లో సిఎఫ్ మోటో 300ఎన్‌కె బిఎస్ 6 లాంచ్ : ధర & వివరాలు

సిఎఫ్ మోటో 300ఎన్‌కె బిఎస్ 6 భారత మార్కెట్లో కంపెనీ విడుదల చేసిన మొట్టమొదటి బిఎస్ 6 కంప్లైంట్ మోడల్. అయితే ఇది బిఎస్ 4 వెర్షన్‌తో సమానంగా ఉంది. దీని స్టైలింగ్ అదే విధంగా ఉంచబడింది. కానీ ఈ కొత్త మోడల్ కొన్ని అప్డేట్స్ కారణంగా క్రొత్త రూపాన్ని కలిగి ఉంటుంది. కావున ఇది చూడటానికి చాలా ఆకర్షణీయంగా కనిపిస్తుంది.

సిఎఫ్ మోటో 300ఎన్‌కె బిఎస్ 6 లో ఫుల్ ఎల్‌ఇడి హెడ్‌ల్యాంప్, డిజిటల్ ఇన్‌స్ట్రుమెంట్ క్లస్టర్, మస్క్యులర్ ఫ్యూయల్ ట్యాంక్, అడ్జస్టబుల్ రియర్ సెక్షన్, స్ప్లిట్ సీట్ సెటప్, అండర్ బెల్లి ఎగ్జాస్ట్, రియర్ ఫెండర్ పై నంబర్ ప్లేట్ మరియు 5 స్పోక్ అల్లాయ్ వీల్ వంటివి ఉన్నాయి.

ఈ కొత్త బైక్ యొక్క కలర్ మరియు గ్రాఫిక్స్ పాత మోడల్ మాదిరిగానే ఉన్నాయి. ఇందులో అప్సైడ్ డౌన్ టెలిస్కోపిక్ ఫోర్క్ మరియు సస్పెన్షన్ కోసం వెనుక మోనో షాక్ ఉన్నాయి. బ్రేకింగ్ కోసం, ఈ బైక్ రెండు చక్రాలపై డిస్క్ బ్రేక్‌లతో పాటు డ్యూయల్ ఛానల్ ఎబిఎస్‌ కూడా కలిగి ఉంది.

ఈ బైక్ లో ఉన్న ఇంజిన్ బిఎస్ 6 ఉద్గార ప్రమాణం అనుకూలంగా అప్డేట్ చేయబడింది. కానీ దీనికి సంబంధించిన సమాచారం అధికారికంగా ప్రకటించబడలేదు. అయితే దీని పవర్ మరియు టార్క్‌లో పెద్ద మార్పులు ఉండే అవకాశం లేదని మేము భావిస్తున్నాము. కానీ ఈ బైక్ ప్రియులు నిరాశ చెందాల్సిన అవసరం లేదు.

దీని బిఎస్ 4 మోడల్‌లో 292.4 సిసి, సింగిల్ సిలిండర్, లిక్విడ్ కూల్డ్, ఫ్యూయల్ ఇంజెక్ట్ ఇంజన్ అమర్చారు, ఇది 33.5 బిహెచ్‌పి పవర్ మరియు 20.5 న్యూటన్ మీటర్ టార్క్‌ను అందించింది. కానీ ఈ కొత్త బిఎస్ 6 ఇంజిన్ ఏ విధమైన గణాంకాలను అందిస్తుందనే విషయం త్వరలో కంపెనీ వెల్లడిస్తుంది.

సాధారణంగా 2020 ఏప్రిల్ నించి బిఎస్ 6 ఉద్గార ప్రమాణాలు అమలులోకి వచ్చాయి. అయితే సిఎఫ్ మోటో కొత్త ప్రమాణాలకు అనుగుణంగా దాని మోడళ్లను ఇంకా నవీకరించలేదు. కానీ కంపెనీ ఇప్పుడు తన మొదటి బిఎస్ 6 మోడల్‌ను మార్కెట్లోకి తీసుకువచ్చింది. ఇదే విధంగా తన ఇతర మోడళ్లను కూడా త్వరలో బిఎస్ 6 ఉద్గార ప్రమాణాలకు అనుకూలంగా అప్డేట్ చేసి తీసుకురాగలదు.