స్వల్పంగా తగ్గిన Honda Motorcycle సేల్స్.. కారణం అదేనా?

కంపెనీ విడుదల చేసిన నివేదికల ప్రకారం, Honda Motorcycle (హోండా మోటార్‌సైకిల్) కంపెనీ గత నెలలో అంటే ఆగష్టు 2021 లో మొత్తం 4,30,683 యూనిట్ల వాహనాలను విక్రయించింది. గత సంవత్సరంతో పోలిస్తే, ఈ సంవత్సరం కంపెనీ అమ్మకాలు 2.99 శాతం తగ్గినట్లు నివేదికల ద్వారా తెలుస్తుంది. Honda Motorcycle కంపెనీ గత ఏడాది అనగా 2020 ఆగస్టులో 4,43,969 యూనిట్ల వాహనాలను విక్రయించినట్లు తెలిపింది.

దేశీయ మార్కెట్లో కంపెనీ యొక్క అమ్మకాల విషయానికి వస్తే, Honda Motorcycle గత నెలలో 4,01,469 వాహనాలను విక్రయించగా, గత ఏడాది ఆగస్టులో కంపెనీ 4,28,231 యూనిట్ల వాహనాలను విక్రయించింది. ఈ సంవత్సరం దేశీయ మార్కెట్లో, కంపెనీ 26,762 యూనిట్ల తక్కువ వాహనాలను విక్రయించి 6.25 శాతం తగ్గుదలను నమోదు చేసింది.

ఇక Honda Motorcycle కంపెనీ యొక్క ఎగుమతి విషయానికి వస్తే, గత నెలలో కంపెనీ భారతీయ తీరాల నుండి మొత్తం 29,214 వాహనాలను విదేశీ మార్కెట్లకు రవాణా చేసింది. అదే సమయంలో, గత సంవత్సరం ఆగస్టు నెలలో, కంపెనీ విదేశీ మార్కెట్ల కోసం మొత్తం 15,738 వాహనాలను పంపింది. ఈ ఏడాది ఆగస్టులో, కంపెనీ గత సంవత్సరం కంటే 13,476 యూనిట్లు ఎక్కువగా ఎగుమతి చేసింది. ఎగుమతుల విషయంలో ఏకంగా 85.63 శాతం భారీ వృద్ధి నమోదైంది.

Honda Motorcycle కంపెనీ యొక్క మొత్తం అమ్మకాల విషయానికి వస్తే, ఈ సంవత్సరం మునుపటి సంవత్సరం కంటే కూడా 13,286 యూనిట్ల కంటే తక్కువ వాహనాలను విక్రయించింది. ఈ అమ్మకాల తగ్గుదలకు కరోనా మహమ్మారి ప్రధాన కారణం.

ఇక కంపెనీ నెలవారీ అమ్మకాల పరంగా, జూలై 2021 లో, కంపెనీ మొత్తం 3,40,420 వాహనాలను దేశీయ మార్కెట్‌లో విక్రయించింది మరియు ఆగస్టు 2021 లో కంపెనీ అమ్మకాలు 61,049 యూనిట్లు పెరిగి 17.93 శాతం వృద్ధిని నమోదు చెయయగలిగింది. అయితే, ఎగుమతుల పరంగా, నెలవారీ అమ్మకాలు 34.35 శాతం క్షీణించాయి.

జూలై 2021 లో కంపెనీ మొత్తం 44,500 యూనిట్ల వాహనాలను ఎగుమతి చేయగా, ఆగస్టు 2021 లో 15,286 కంటే తక్కువ యూనిట్లు ఎగుమతి చేయబడ్డాయి. కంపెనీ మొత్తం అమ్మకాలు 2021 జూలైలో మొత్తం 3,84,920 యూనిట్ల వాహనాలను విక్రయించింది మరియు జూలైతో పోలిస్తే ఆగస్టులో 11.89 శాతం పెరుగుదలను నమోదు చేయగలిగింది.

ఎగుమతుల పరంగా 2021 జూలై నెలలో కంపెనీ మొత్తం 44,500 యూనిట్ల వాహనాలను ఎగుమతి చేయగా, ఆగస్టు 2021 లో 15,286 కంటే తక్కువ యూనిట్లు ఎగుమతి చేయబడ్డాయి. కంపెనీ యొక్క మొత్తం అమ్మకాలు 2021 జూలైలో మొత్తం 3,84,920 యూనిట్ల వాహనాలను విక్రయించింది, కానీ జూలైతో పోలిస్తే ఆగస్టులో 11.89 శాతం ఎక్కువ పెరుగుదల ఉన్నట్లు తెలుస్తుంది.

Honda Motorcycle కంపెనీ ఇటీవల దేశీయ మార్కెట్లో Honda CB200X విడుదల చేసింది. ఇది కంపెనీ యొక్క హార్నెట్ 2.0 ప్లాట్‌ఫారమ్‌పై ఆధారపడి ఉంటుంది కాబట్టి, ఇంజిన్ కూడా దాని నుండి తీసుకోబడింది. ఇది 184.4 సిసి, సింగిల్ సిలిండర్ ఇంజిన్‌ కలిగి ఉంటుంది. ఈ ఇంజిన్ 17 బిహెచ్‌పి పవర్ మరియు 16.1 ఎన్ఎమ్ టార్క్ ఉత్పత్తి చేస్తుంది. ఇది 5-స్పీడ్ గేర్‌బాక్స్‌తో జతచేయబడి ఉంటుంది.

Honda కంపెనీ ప్రస్తుతం CB500X బైక్ ని ఇండియన్ మార్కెట్లో అడ్వెంచర్ లైనప్‌లో విక్రయిస్తోంది, కావున ఇప్పుడు దేశీయ మార్కెట్లో విడుదలైన కొత్త CB200X దాని దిగువన ఉంచబడుతుంది. ఈ కొత్త CB200X బైక్ కంపెనీ యొక్క బిగ్‌వింగ్ డీలర్‌షిప్‌కు బదులుగా సాధారణ రెడ్‌వింగ్ డీలర్‌షిప్ నుండి విక్రయించబోతోంది.

ఈ బైక్ యొక్క మైలేజీని మెరుగుపరచడానికి 8 ఆన్-బోర్డ్ సెన్సార్‌లతో పాటు ఈ బైక్‌లో ఫ్యూయల్ ఇంజెక్షన్ సిస్టం కూడా అందుబాటులో ఉంది.

భారతదేశంలో CB200X బైక్ కి ప్రత్యక్ష ప్రత్యర్థులు లేరు, కానీ హీరో Xpulse 200T ప్రత్యర్థిగా ఉండే అవకాశం ఉంటుంది.అయితే, ఈ బైక్ దేశీయ మార్కెట్లో ఎలాంటి అమ్మకాలను నమోదు చేస్తుందో తెలుసుకోవడానికి ఇంకా కొంత కాలం వేచి చూడాలి.