మరో కొత్త ఎలక్ట్రిక్ స్కూటర్ ఆవిష్కరించిన పియాజియో: వివరాలు

ఈ కొత్త పియాజియో ఎలక్ట్రిక్ స్కూటర్ యొక్క అధికారిక ప్రయోగం సోషల్ నెట్‌వర్కింగ్ ప్లాట్‌ఫాం టిక్ టాక్‌లో జరిగింది. ఈ ఎలక్ట్రిక్ స్కూటర్ ని యువ వినియోగదారులను దృష్టిలో ఉంచుకుని చాలా స్టైలిష్ గా తయారు చేయడం జరిగింది. కావున ఇది చూడటానికి చాలా ఆకర్షణీయంగా కనిపిస్తుంది.

కొత్త పియాజియో యొక్క వన్-ఎలక్ట్రిక్ స్కూటర్‌లో డిజిటల్ ఇన్‌స్ట్రుమెంట్ క్లస్టర్, సరౌండ్ ఎల్‌ఈడీ లాంప్స్, కీలెస్ ఎంట్రీ, విశాలమైన అండర్-సీట్ స్టోరేజ్ వంటి అనేక ఫీచర్లు మరియు అప్డేటెడ్ టెక్నాలజీ వంటి వాటిని కలిగి ఉంది. అంతే కాకుండా ఇందులో రూబస్ట్ పుల్ అవుట్ ఫుట్‌పాగ్‌లు మరియు విశాలంగా ఉండే ఫుట్‌బోర్డ్ కూడా ఉంది.

ఈ కొత్త ఎలక్ట్రిక్ స్కూటర్ ను అధికారికంగా ఆవిష్కరించినప్పటికీ దానిలో ఉన్న టెక్నికల్ ఫీచర్స్ వెల్లడించలేదు. అయితే 2021 మే 28 న బీజింగ్ లో జరిగే మోటార్ షోలో టెక్నీకల్ ఫీచర్స్ వెల్లడయ్యే అవకాశం ఉంది. కావున త్వరలో ఈ టెక్నీకల్ ఫీచర్స్ గురించి పూర్తి సమాచారం అందుబాటులోకి రానుంది.

పియాజియో వన్ ఎలక్ట్రిక్ స్కూటర్ అనేక వేరియంట్లలో అందించబడుతుందని కంపెనీ పేర్కొంది. దీనితో పాటు ఇందులో రిమూవబుల్ లిథియం-అయాన్ బ్యాటరీ ప్యాక్‌ ఉంటుంది. కావున దీనిని సులభంగా ఛార్జ్ చేసుకోవచ్చు. దేశీయ మార్కెట్లో పియాజియో కంపెనీ తన అమ్మకాలు మరియు సేవలను పెంచడానికి మరిన్ని డీలర్‌షిప్‌లను చేయడానికి చేస్తోంది.

ఇటాలియన్‌ మార్కెట్ కి చెందిన ఈ వాహన తయారీ సంస్థ పియాజియో, ఎప్రిలియా మరియు వెస్పా బ్రాండ్ స్కూటర్లను తయారు చేస్తుంది. పియాజియో, వెస్పా మరియు ఎప్రిలియా వాహనాలకు భారతదేశం ప్రధాన మార్కెట్. నివేదికల ప్రకారం పియాజియో యొక్క 45% వాహనాలు భారతదేశంలోనే అమ్ముడవుతున్నాయి.

ఈ కారణంగానే కంపెనీ ఇప్పుడు తన డీలర్‌షిప్‌లను మరింత విస్తరింహడానికి సన్నాహాలు చేస్తోంది. ఇందులో భాగంగానే వచ్చే ఏడాది కంపెనీ 100 కొత్త డీలర్‌షిప్‌లను తెరవాలని కూడా యోచిస్తోంది. దీనితో పాటు పియాజియో తన ప్రసిద్ధ బెవర్లీ స్కూటర్‌ను అప్‌డేట్ చేసింది. ఈ 2021 పియాజియో బెవర్లీ స్కూటర్ కొత్త స్టైలింగ్, మరింత కొత్త టెక్నాలజీ వంటివి కలిగి ఉంటుంది.

ఈ పియాజియో బెవర్లీ స్కూటర్‌లో 300 సిసి, లిక్విడ్-కూల్డ్, ఫ్యూయల్ ఇంజెక్ట్ ఇంజన్ అమర్చారు. ఇంజిన్ 8,000 ఆర్‌పిఎమ్ వద్ద 25.5 బిహెచ్‌పి శక్తిని ఉత్పత్తి చేస్తుంది, ఇది మునుపటి మోడల్ కంటే 23 శాతం ఎక్కువ శక్తిని ఉత్పత్తి చేస్తుందని కంపెనీ నిర్ధారించింది.

కొత్త వన్ ఎలక్ట్రిక్ స్కూటర్ ఈ ఏడాది జూన్ నుంచి యూరోపియన్ మార్కెట్లలో విక్రయించబడుతుందని పియాజియో ధృవీకరించింది. తర్వాత దశలో ఇతర అంతర్జాతీయ మార్కెట్లలో విడుదల చేయవచ్చని కంపెనీ తెలిపింది. కానీ భారతదేశంలో పియాజియో యొక్క వన్ ఎలక్ట్రిక్ స్కూటర్ విడుదల గురించి ఎటువంటి సమాచారం కంపెనీ అందించలేదు.