Just In
- 1 hr ago కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- 4 hrs ago 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
- 6 hrs ago కేవలం రూ. 8,999లకే డ్యాష్క్యామ్.. ఈ BIS కెమెరా కార్లకు పెట్టుకుంటే చాలు!!
- 14 hrs ago మారుతి స్విఫ్ట్ ధరలు పెరిగాయండోయ్!.. ఇప్పుడే తెలుసుకోండి
Don't Miss
- News నాకు అండగా, చీకటిలో వెలుగుగా..
- Travel వేసవిలో సందర్శించేందుకు దేశంలోని బెస్ట్ ఆఫ్బీట్ హిల్ స్టేషన్లు ఇవే..
- Finance Amazon News: అమెజాన్ సీక్రెట్ స్టోర్.. ప్రాజెక్ట్ క్యూరియాసిటీ వివరాలివే..
- Lifestyle భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి..
- Technology Samsung నుంచి 'Music Frame' స్పీకర్ లు లాంచ్! ప్రత్యేకతలేంటి. ధర వివరాలు
- Sports భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా
- Movies Market Mahalakshmi Review: మార్కెట్ మహాలక్ష్మీ మెప్పించిందా? మూవీ ఎలా ఉందంటే?
హీరో మోటోకార్ప్ను ప్రమోట్ చేయనున్న అలియా భట్
బాలీవుడ్ దర్శకుడు మహేష్ భట్ కుమార్తె, వర్ధమాన నటి అలియా భట్ (21 ఏళ్లు) ఇకపై హీరో మోటోకార్ప్ ఉత్పత్తులకు ప్రచారకర్తగా (బ్రాండ్ అంబాసిడర్) వ్యవహరించనుంది. ఇప్పటి వరకు ప్రచారకర్తగా ఉన్న కరీనా కపూర్ను పక్కకు నెట్టి, అలియా భట్ ఆ స్థానాన్ని దక్కించుకుంది. హైవే, 2 స్టేట్స్ సినిమాలతో సక్సెస్ సాధించిన ఆమె తాజాగా వరున్ ధావన్తో ''హంప్టీ శర్మకి దుల్హనియా'' సినిమాలో నటిస్తోంది.
హీరో మోటోకార్ప్ ఇటీవలి కాలంలో యువతకు చేరువగా ఉండే ఉత్పత్తులను విడుదల చేస్తున్న నేపథ్యంలో, బ్రాండ్ అంబాసిడర్ విషయంలో కూడా యువతకే ప్రాధాన్యత ఇవ్వాలనే ఉద్దేశ్యంతో అలియా భట్ను తమ బ్రాండ్ అంబాసిడర్గా నియమించుకుంటున్నామని కంపెనీ పేర్కొంది. అలియా భట్ అతి తక్కువ సమయంలోనే ఇండస్ట్రీలో మంచి పాపులారిటీని దక్కించుకోవటంతో ఇప్పుడు టాప్ కంపెనీల దృష్టి ఆమెపై పడింది.
యూత్ఫుల్ ఎనర్జీ, డైనమిజం, వెర్సటాలిటీలతో అలియా భట్ హీరో బ్రాండ్ ప్రచారానికి కీలకం కాగలదని కంపెనీ వర్గాలు తెలిపాయి. అయితే, తమ ఉత్పత్తులకు బ్రాండ్ అంబాసిడర్గా వ్యవహరిస్తున్నందుకు గాను అలియా భట్కు ఎంత మొత్తం రెన్యూనరేషన్ ఇస్తున్న విషయాన్ని హీరో మోటోకార్ప్ వెల్లడించలేదు. ఆమె తొలి క్యాంపైన్ హీరో ప్లెజర్ స్కూటర్తోనే ప్రారంభం కానుంది.
ప్రత్యేకించి మహిళల కోసం తయారు చేయబడిన ఈ స్కూటర్ను ఇదివరకు ప్రియాంకా చోప్రా ప్రమోట్ చేసేది. ఈ స్కూటర్తో అలియా భట్ కమర్షియలో త్వరలోనే విడుదల కానుంది. భారతదేశపు అగ్రగామి కంపెనీ అయిన హీరో మోటోకార్ప్ ఇప్పటికే రాజ్యవర్థన్ రాథోడ్, గౌతమ్ గంబీర్, వీరేందర్ సెహ్వాగ్, ఇషాంత్ శర్మ, సురేష్ రైనా వంటి క్రీడాకారులతో పాటుగా రణ్బీర్ కపూర్ వంటి సెలబ్రిటీలు కూడా బ్రాండ్ అంబాసిడర్గా వ్యవహరించారు.