కాంపాక్ట్ హైబ్రిడ్ కారును విడుదల చేయనున్న టొయోటా

టొయోటా విడుదల చేయనున్న కాంపాక్ట్ హైబ్రిడ్ కారు పేరు 'ఆక్వా'. ప్రస్తుతం టొయోటా ప్రయస్‌లో ఉపయోగించిన పవర్‌ట్రైన్ ఆధారంగానే ఆక్వాను కూడా డిజైన్ చేశారు. ప్రస్తుతం జపాన్‌లో ప్రయస్ హైబ్రిడ్ కారు లీటరుకు 32 కి.మీ. మైలేజీనిస్తుంది. అయితే, దీనిపై స్పందించేందుకు టొయోటా నిరాకరించినట్లు నిక్కీ పేర్కొంది.

దీని ధర సుమారు 22,000 అమెరికన్ డాలర్లు (మన కరెన్సీలో దాదాపుగా రూ. 10 లక్షల నుండి రూ.11 లక్షల మధ్యలో) ఉండొచ్చని అంచనా. యువ డ్రైవర్లు, మహిళలను లక్ష్యంగా చేసుకొని టొయోటా ఈ కాంపాక్ట్ కారును విడుదల చేయనున్నట్లు సదరు పత్రిక వెల్లడించింది. ఏదేమైనప్పటికీ.. పెట్రోల్ ధరలు మండిపోతున్న ఈ రోజుల్లో ఇలాంటి కార్ల అవసరం మనకు ఎంతైనా ఉంది. వీలైనంత త్వరగా ఆక్వా కారును భారత్‌లో విడుదల చేయాలని టొయోటాను కోరుకుందాం.