బ్రేకింగ్ న్యూస్: మిత్సుబిషి సెడియా ధరలో రూ.1.31 లక్షల కోత

జపాన్‌ ఆటో దిగ్గజం మిత్సుబిషి ఇండియన్ మార్కెట్లో అందిస్తున్న ప్రీమియం సెడాన్ 'మిత్సుబిషి సెడియా' ధరను భారీగా తగ్గించింది. ఇప్పటి వరకూ మిత్సుబిషి సెడియా సెడాన్ ధర రూ.9.30 లక్షలు (ఎక్స్-షోరూమ్ ఢిల్లీ)గా ఉంది. కాగా.. తాజాగా సెడియా ధరను ఏకంగా రూ.1.31 లక్షల తగ్గించి కేవలం రూ.7.99 లక్షలు (ఎక్స్-షోరూమ్) ధరకే మిత్సుబిషి ఆఫర్ చేస్తుంది. ప్రీమియం సెడాన్ సెగ్మెంట్లో పెరుగుతున్న పోటీని తట్టుకునేందుకు కంపెనీ ఈ నిర్ణయం తీసుకున్నట్లు తెలుస్తుంది.

మిత్సుబిషి సెడియా సెడాన్ విషయానికి వస్తే, ఇందులో ఈసిఐ మల్టీ (ఎలక్ట్రానికల్లీ కంట్రోల్డ్ మల్టీ-పాయింట్ ఫ్యూయెల్ ఇంజెక్షన్)తో కూడిన, రీడిఫైన్ చేయబడిన 2.0 లీటర్ పెట్రోల్ ఇంజన్‌ను అమర్చారు. ఇది 5250 ఆర్‌పిఎమ్ వద్ద 115 పిఎస్‌ల గరిష్ట శక్తిని, 4250 ఆర్‌పిఎమ్ వద్ద 175 గరిష్ట టార్క్‌ను విడుదల చేస్తుంది. ఇది 5-స్పీడ్ మ్యాన్యువల్ గేర్‌బాక్స్ సిస్టమ్‌తో లభిస్తుంది.

మిత్సుబిషి సెడియా సెడియా ఎక్స్‌టీరియర్స్‌ను పరిశీలిస్తే.. ఇందులో స్లీక్ ఫ్రంట్ గ్రిల్, అల్లాయ్ వీల్స్, ఫిష్-ఐ హ్యాలోజెన్ హెడ్‌ల్యాంప్స్, స్పోర్టీ రియర్ స్పాయిలర్‌లు ప్రధాన ఆకర్షణగా నిలువనున్నాయి. అలాగే ఇంటీరియర్స్‌లో లెథర్ సీట్స్, టచ్ స్క్రీన్ మ్యూజిక్ సిస్టమ్, బ్రేక్, క్లచ్, యాక్సిలరేటర్ పెడల్స్‌‌పై కాలు జారిపోకుండా ఉండేలా డిజైన్ చేసిన యాంటీ-స్కిడ్ అల్లాయ్ పెడల్స్, మోమో స్టీరింగ్ వీల్ వంటి ఫీచర్లు లభిస్తాయి.

అలాగే, సెడియాలో ప్రమాదాలను సమర్థవంతంగా తట్టుకునేలా డిజైన్ చేసిన రైస్ బాడీ (రీఇన్‌ఫోర్స్‌డ్ ఇంపాక్ట్ సేఫ్టీ ఎవాల్యుయేషన్), డ్యూయెల్ ఎయిర్‌బ్యాగ్స్, ఈబిడి (ఎలక్ట్రానికి బ్రేక్-ఫోర్స్ డిస్ట్రిబ్యూషన్‌)తో కూడిన ఏబిఎస్ (యాంటీ-లాక్ బ్రేకింగ్ సిస్టమ్), 3-పాయింట్ ఎమర్జెన్సీ లాకింగ్ రియాక్టర్ సీట్ బెల్ట్స్ వంటి భద్రతా ఫీచర్లు కూడా ఉన్నాయి.

Most Read Articles

English summary
Japanese car maker Mitsubishi India has slashed its Cedia sedan price by upto Rs 1.31 Lakhs. Now Mitsubishi Cedia is available at the price of Rs 7.99 Lakhs, ex showroom only. Cedia is powered by advanced ECI Multi (Electronically Controlled Multi-point Fuel Injection) 2 litre petrol engine which makes 115 PS 5250 rpm and Max Torque of 175 4250.
Story first published: Saturday, March 3, 2012, 17:57 [IST]
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X