ల్యాండ్ రోవర్ ప్లాట్‌ఫామ్‌పై టాటా ఎస్‌యూవీ!

భారత ఆటోమొబైల్ దిగ్గజం టాటా మోటార్స్ బ్రిటీష్ లగ్జరీ కార్ బ్రాండ్ జాగ్వార్ ల్యాండ్ రోవర్‌ను స్వాధీనం చేసుకొని దాదాపు 7 ఏళ్లు పూర్తికావస్తున్నప్పటికీ, ఇంత వరకూ టాటా తమ జేఎల్ఆర్ ప్లాట్‌ఫామ్‌ను పూర్తిస్థాయిలో సద్వినియోగం చేసుకోలేదు. ఈ నేపథ్యంలో, తాజాగా వస్తున్న కథనాల ప్రకారం.. ఈ రెండు సంస్థల కలయికతో ఓ కొత్త మోడల్ ప్రాణం పోసుకోనుంది.

పరిశ్రమ వర్గాల సమాచారం ప్రకారం.. టాటా మోటార్స్ మరియు ల్యాండ్ రోవర్ కంపెనీలు కలిసి క్యూ501 అనే కోడ్‌నేమ్‌తో ఓ ప్రీమియం ఎస్‌యూవీని అభివృద్ధి చేస్తున్నట్లు తెలుస్తోంది. కొత్త ల్యాండ్ రోవర్ డిస్కవరీ స్పోర్ట్ (ఎల్550) ప్లాట్‌ఫామ్‌ను ఉపయోగించే ఈ కొత్త క్యూ501 మోడల్‌ను కూడా తయారు చేయనున్నట్లు సమాచారం.

ఫలితంగా, కారు ధర కూడా అనుకున్న దానికన్నా ఎక్కువయ్యే ఆస్కారం ఉంటుంది. ఒకవేళ ఫియట్ ఇండియా భవిష్యత్తులో తమ జీప్ బ్రాండ్ మోడళ్లకు ఈ ఇంజన్‌ను ఇక్కడే భారత్‌లో అసెంబ్లింగ్ చేసినట్లయితే, ఇంజన్ ధర దిగొచ్చే అవకాశం ఉంది. టాటా నుంచి ప్రస్తుతం మార్కెట్లో లభిస్తున్న ప్రీమియం ఎస్‌యూవీ సఫారీ మాత్రమే. అయితే, ఈ కొత్త క్యూ501 ఎస్‌యూవీ సఫారీ ఎగువన ఈ సెగ్మెంట్లో టొయోటా ఫార్చ్యూనర్ వంటి మోడళ్లకు పోటీగా రావచ్చని సమాచారం.