ఇండియాలో నెం.1 కారు.. దేశం మొత్తం దీని గురించే మాట్లాడుతుంది! మార్కెట్‌లో మళ్లీ సెన్సేషన్

భారతీయ ఆటోమొబైల్ మార్కెట్‌లో ఎప్పటికప్పుడు కొత్త మోడళ్లు వస్తున్నా, వినియోగదారుల విశ్వాసాన్ని నిలబెట్టుకుంటూ ముందంజలో నిలుస్తున్న SUVల్లో ఒకటి టాటా నెక్సాన్ (Tata Nexon). ఈ కారు కేవలం ఒక సాధారణ SUV మాత్రమే కాదు, నమ్మకానికి మరో పేరు అన్నట్టుగా మారింది. అందుకే దీని డిమాండ్ రోజురోజుకూ పెరుగుతోంది. 2026 ఫిబ్రవరిలో ఈ SUV అద్భుతమైన అమ్మకాలతో నంబర్ 1 స్థానాన్ని దక్కించుకుంది. ఆ ఒక్క నెలలోనే మొత్తం 19,430 యూనిట్లు వినియోగదారులకు డెలివరీ చేయడం చిన్న విషయం కాదు. అంతకుముందు జనవరి నెలలో కూడా ఇదే జోష్ కొనసాగింది. అప్పట్లో దాదాపు 23,365 యూనిట్లు అమ్ముడై మార్కెట్‌లో మొదటి స్థానాన్ని సొంతం చేసుకుంది.

రెండు నెలల పాటు వరుసగా టాప్ పొజిషన్‌లో నిలవడం అంటే వినియోగదారుల విశ్వాసం ఎంత బలంగా ఉందో అర్థం చేసుకోవచ్చు. కొత్త టాటా నెక్సాన్ అమ్మకాలు ఇలా పెరగడానికి అనేక కారణాలు ఉన్నాయి. ముందుగా చెప్పాల్సిందంటే దీని నిర్వహణ ఖర్చులు తక్కువగా ఉండటం. ఒకసారి కొనుగోలు చేసిన తర్వాత కూడా పెద్దగా ఖర్చు చేయాల్సిన అవసరం లేకపోవడం మధ్యతరగతి కుటుంబాలకు ఇది మంచి ఎంపికగా మారింది.

అదనంగా, మంచి ఇంధన సామర్థ్యం కలిగి ఉండటం దీన్ని రోజువారీ ప్రయాణాలకు మరింత అనువుగా చేస్తోంది. పెరుగుతున్న ఇంధన ధరల నేపథ్యంలో ఈ అంశం వినియోగదారులకు చాలా కీలకం. ధర పరంగా కూడా తక్కువలో లభిస్తుంది. అందుబాటులో ఉండే వేరియంట్లు, ఆధునిక ఫీచర్లు, సేఫ్టీ టెక్నాలజీ ఇవన్నీ కలిపి చూసినప్పుడు ఇది విలువైన డీల్‌గా భావించబడుతోంది. ముఖ్యంగా దృఢమైన నిర్మాణం, రోడ్డుపై స్థిరత్వం, భద్రతా ప్రమాణాలు మరింత నమ్మకాన్ని పెంచాయి.

ఈ కారణాల వల్లే టాటా నెక్సాన్ కేవలం ఒక SUVగా కాకుండా, కుటుంబాలకు విశ్వసనీయ భాగస్వామిగా మారింది. అమ్మకాల సంఖ్యలు పెరగడం వెనుక ఉన్న అసలు కారణం కూడా ఇదే. వినియోగదారులు ఒకసారి కొనుగోలు చేసి సంతృప్తిగా ఉండటం, ఇతరులకు సిఫారసు చేయడం వల్ల ఈ SUVకు మార్కెట్‌లో మరింత బలం చేకూరుతోంది. భవిష్యత్తులో కూడా ఇదే ట్రెండ్ కొనసాగితే ఆశ్చర్యపడాల్సిన అవసరం లేదు.

భారతీయ మార్కెట్‌లో మంచి డిమాండ్‌ను కొనసాగిస్తున్న టాటా నెక్సాన్ SUV ధర పరంగా కూడా చాలా ఆకర్షణీయంగా ఉంటుంది. ఈ SUV ధర రూ. 7.32 లక్షల నుంచి రూ. 14.05 లక్షల (ఎక్స్-షోరూమ్) వరకు ఉంటుంది. ఈ ధర వల్ల మధ్యతరగతి కుటుంబాల నుంచి యువత వరకు విస్తృత వర్గాల వినియోగదారులు దీనిని ఎంచుకుంటున్నారు. కొత్త నెక్సాన్ ఇంజిన్ ఎంపికల పరంగా కూడా విభిన్న ఆప్షన్లు అందిస్తుంది.

ఇది 1.2-లీటర్ పెట్రోల్, 1.5-లీటర్ డీజిల్, 1.2-లీటర్ CNG ఇంజిన్‌లతో ఇది అందుబాటులో ఉంటుంది. వినియోగదారుల అవసరాన్ని బట్టి వేరియంట్ ఎంపిక చేసుకునే సౌలభ్యం ఉంది. గేర్‌బాక్స్ విషయానికి వస్తే 6-స్పీడ్ మాన్యువల్, 6-స్పీడ్ ఆటోమేటిక్, 7-స్పీడ్ DCT ఆప్షన్లు అందుబాటులో ఉన్నాయి. డ్రైవింగ్ అనుభవాన్ని బట్టి ఎంచుకునే వీలు ఉండటం దీని ప్రత్యేకత. వేరియంట్‌ను బట్టి ఇది సుమారు 17 నుంచి 24 kmpl వరకు మైలేజ్ ఇస్తుంది.

ఇక ఎలక్ట్రిక్ విభాగంలో Tata Nexon EV కూడా అదే స్థాయిలో ఆకట్టుకుంటోంది. దీని ధర రూ. 12.49 లక్షల నుంచి రూ. 17.49 లక్షల (ఎక్స్-షోరూమ్) వరకు ఉంటుంది. 30 kWh, 45 kWh బ్యాటరీ ప్యాక్ ఎంపికలతో ఇది అందుబాటులో ఉంది. పూర్తిగా ఛార్జ్ చేసినప్పుడు 275 నుంచి 489 కిలోమీటర్ల వరకు రేంజ్ అందిస్తుంది.