టాటా నెక్సాన్

టాటా నెక్సాన్ రివ్యూ

టాటా నెక్సాన్ ఎక్ట్సీరియర్ మరియు ఇంటీరియర్ డిజైన్

టాటా నెక్సాన్ భారత మార్కెట్లో కాంపాక్ట్-ఎస్‌యూవీ విభాగంలో ప్రసిద్ధ మోడల్. ఎస్‌యూవీ ఇటీవల చాలా అప్డేట్స్ పొందింది. ఇది ఇప్పుడు మునుపటికంటే చాలా స్పోర్టిగా మరియు లేటెస్ట్ గా కనిపిస్తుంది. ఇది అద్భుతమైన డిజైన్ కలిగి ఉంటుంది.

టాటా నెక్సాన్ యొక్క ముందు భాగంలో, ఇప్పుడు బ్రాండ్ యొక్క కొత్త ‘ఇంపాక్ట్ 2.0’ డిజైన్ కలిగి ఉంటుంది. ఇది ప్రొజెక్టర్ హెడ్‌ల్యాంప్‌ల యొక్క అప్డేటెడ్ యూనిట్ ని కలిగి ఉంటుంది. ఇది ఇప్పుడు మునుపటి కంటే చాలా సొగసైనవిగా ఉంటాయి. హెడ్‌ల్యాంప్‌లు ఇంటిగ్రేటెడ్ ఎల్‌ఈడీ డిఆర్‌ఎల్‌లతో వస్తాయి, బంపర్‌లో ఒక జత ఫాగ్ లాంప్స్ ఉన్నాయి. ఫ్రంట్ బంపర్ యొక్క కేంద్ర భాగం పెద్ద సెంట్రల్ ఎయిర్ ఇంటేక్ తో దాని దిగువ భాగంలో స్కిడ్ ప్లేట్ మరియు ఇతర స్టైలింగ్ ఎలిమెంట్స్‌తో వస్తుంది.

ఈ ఎస్‌యూవీ యొక్క సైడ్ మరియు రియర్ ప్రొఫైల్ విషయానికి వస్తే, ఇది మునుపటి మోడల్‌కి సమానంగా ఉంటుంది. ఇందులో గమనించదగిన ముఖ్యమైన మార్పు ఏదంటే ఇందులో కొత్తగా రూపొందించిన డైమండ్-కట్ అల్లాయ్ వీల్స్ మరియు వెనుక భాగంలో అప్డేటెడ్ టైల్ లైట్లు. అప్డేటెడ్ ఎస్‌యూవీ ఆల్ట్రోజ్ వంటి ఇతర టాటా మోడళ్ల మాదిరిగానే బూట్-లిడ్ మధ్యలో ‘నెక్సాన్’ బ్యాడ్జింగ్‌తో వస్తుంది.

టాటా నెక్సాన్ యొక్క లోపలి భాగంలో త్రీ-టోన్ లేఅవుట్‌తో అప్డేట్ చేయబడిన క్యాబిన్‌ను కలిగి ఉంది. డాష్‌బోర్డ్ కూడా అప్డేట్ చేయబడి ఉంటుంది. కావున ఇప్పుడు అనేక పరికరాలు మరియు కనెక్టెడ్ టెక్నాలజీలను కలిగి ఉంది. ఇవన్నీ మునుపటి మోడల్ కంటే ఎక్కువ ప్రీమియం మరియు ఖరీదైన అనుభూతిని కలిగిస్తాయి.

టాటా నెక్సాన్ ఇంజన్ మరియు పనితీరు

టాటా నెక్సాన్ ఎస్‌యూవీ పెట్రోల్, డీజిల్ ఇంజన్ ఆప్షన్లలో అందుబాటులో ఉంటుంది. ఈ కొత్త ఇంజన్లు బిఎస్ 6 ఉద్గార ప్రమాణాలకు అనుకూలంగా అప్డేట్ చేయబడి ఉంటాయి. ఇందులో 1.2-లీటర్ రివోట్రాన్ ఇంజన్ మరియు 1.5-లీటర్ రివోటోర్క్ ఇంజన్ ఉన్నాయి.

ఇందులోని 1.2-లీటర్ త్రీ సిలిండర్ టర్బో-పెట్రోల్ ‘రెవోట్రాన్’ ఇంజన్ 5000 ఆర్‌పిఎమ్ వద్ద 120 బిహెచ్‌పి మరియు 1750 ఆర్‌పిఎమ్ వద్ద 170 ఎన్ఎమ్ పీక్ టార్క్ ఉత్పత్తి చేస్తుంది. అదేవిధంగా 1.5-లీటర్ ఫోర్ సిలిండర్ డీజిల్ ఇంజిన్ 4,000 ఆర్‌పిఎమ్ వద్ద 110 బిహెచ్‌పి మరియు 1,500 ఆర్‌పిఎమ్ వద్ద 260 ఎన్ఎమ్ పీక్ టార్క్‌ అందిస్తుంది. ఈ రెండు ఇంజన్లు స్టాండర్డ్ 6-స్పీడ్ మాన్యువల్ గేర్‌బాక్స్ మరియు ఆప్సనల్ ఆటోమేటిక్ ట్రాన్స్‌మిషన్‌ యూనిట్ తో జతచేయబడి ఉంటాయి.

టాటా నెక్సాన్ ఇంధన సామర్థ్యం

టాటా నెక్సాన్ 44 లీటర్ల ఇంధన ట్యాంక్ సామర్థ్యంతో వస్తుంది. పెట్రోల్-పవర్ తో కూడిన ఈ ఎస్‌యూవీ మాన్యువల్ మరియు ఆటోమేటిక్ వేరియంట్స్ ఒక లీటరుకు 17 కి.మీ మరియు 21 కి.మీ మైలేజ్ అందిస్తుంది. మరోవైపు, డీజిల్ పనిచేసే టాటా నెక్సాన్, ఒక లీటరుకు 21 కి.మీ మరియు 24 కి.మీ మధ్య అందిస్తుంది.

టాటా నెక్సాన్ ముఖ్యమైన ఫీచర్లు

అప్డేటెడ్ టాటా నెక్సాన్ ఎస్‌యూవీ ఇప్పుడు అదనపు ఫీచర్లు మరియు పరికరాలతో వస్తుంది. ఇందులో ఎల్‌ఈడీ డిఆర్‌ఎల్‌లు, ప్రొజెక్టర్ హెడ్‌ల్యాంప్‌లు, ఎల్‌ఇడి టైల్ లైట్స్, 16 ఇంచెస్ డైమండ్-కట్ అల్లాయ్ వీల్స్, ఎలక్ట్రిక్ సన్‌రూఫ్, ఎలక్ట్రికల్ అడ్జస్టబుల్ ఓఆర్‌విఎంలు, కనెక్టెడ్ టెక్నాలజీతో 7 ఇంచెస్ ఫ్లోటింగ్ టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ ఇన్స్ట్రుమెంట్ క్లస్టర్ , రియర్ ఎసి వెంట్స్, రియర్ ఆర్మ్‌రెస్ట్, మల్టీ-ఫంక్షనల్ స్టీరింగ్ వీల్, కూల్డ్ అండ్ ఇల్యూమినేటెడ్ గ్లోవ్ బాక్స్, 60:40 రియర్ సీట్ స్ప్లిట్, పుష్-బటన్ స్టాప్ / స్టార్ట్ తో స్మార్ట్ కీ వంటివివి ఉన్నాయి.

టాటా నెక్సాన్‌లోని సేఫ్టీ ఫీహార్స్ విషయానికి వస్తే, ఇందులో డ్యూయల్ ఎయిర్‌బ్యాగులు, ఎబిఎస్ విత్ ఈబిడి, ఎలక్ట్రానిక్ స్టెబిలిటీ కంట్రోల్, హిల్-హోల్డ్ అసిస్ట్, రోల్‌ఓవర్ మిటిగేషన్, ట్రాక్షన్ కంట్రోల్, ఐసోఫిక్స్, రివర్స్ పార్కింగ్ కెమెరా మరియు సీట్‌బెల్ట్ ప్రెటెన్షనర్లు వంటివి ఉన్నాయి.

టాటా నెక్సాన్ తీర్పు

టాటా నెక్సాన్ ఒక ప్రసిద్ధ ఎస్‌యూవీ, ఇది ఇప్పుడు కొత్త అప్డేట్స్ తో మునుపటి కంటే చాలా ఆకర్షణీయంగా కనిపిస్తుంది. ఈ కొత్త డిజైన్ దీనికి సరైన ఎస్‌యూవీ రూపాన్ని ఇచ్చాయి, బలమైన పనితీరు గల ఇంజన్లు దీనికి అద్భుతమైన డ్రైవింగ్ లక్షణాన్ని అందిస్తుంది.