మారుతి సుజుకి వ్యాగన్ ఆర్

మారుతి సుజుకి వ్యాగన్ ఆర్ రివ్యూ

మారుతి సుజుకి వ్యాగన్ ఆర్ ఎక్ట్సీరియర్ మరియు ఇంటీరియర్ డిజైన్

కొత్త మారుతి వాగన్ ఆర్ మునుపటి మోడల్‌తో పోలిస్తే చాలా వరకు అప్డేటెడ్ డిజైన్ కలిగి ఉంటుంది. ప్రసిద్ధ భారతీయ హ్యాచ్‌బ్యాక్ దాని ప్రత్యేకమైన `టాల్ బాయ్ 'డిజైన్‌ను కలిగి ఉంది. దీని ముందు భాగంలో ఉన్న గ్రిల్ సూక్ష్మమైన క్రోమ్ ట్రీట్మెంట్ పొందుతుంది, బంపర్ లార్జర్ ఎయిర్ డ్యామ్ కలిగి ఉంది. హెడ్‌ల్యాంప్‌లకు బ్లాక్ బ్యాకింగ్ ఉంది. మొత్తానికి ఇది మంచి డిజైన్ కలిగి ఉంటుంది.

క్రొత్త వాగన్ ఆర్ సైడ్ ప్రొఫైల్ విషయానికి వస్తే, ఇది మంచి స్థాయిలో పొడవు మరియు వెడల్పునై కలిగి ఉంటుంది. 14 ఇంచెస్ వీల్ చిన్నవి మరియు అల్లాయ్-వీల్ ఆప్సన్ లేదు. మారుతి వాగన్ ఆర్ యొక్క వెనుక భాగం చూడటానికి కొంత ఆకర్షణీయంగా ఉంటుంది. మునుపటి వాగన్ ఆర్ మాదిరిగా కాకుండా, కొత్త మోడల్‌లో రూప్ స్పాయిలర్ కూడా లేదు.

2019 వాగన్ ఆర్ డ్యూయల్ టోన్ ఇంటీరియర్‌లతో వస్తుంది. డాష్‌బోర్డ్ లేఅవుట్ బాగా రూపొందించినది మరియు ఎర్గోనామిక్. సిల్వర్ ఎలిమెంట్స్ మొత్తం ఇంటీరియర్ సౌందర్యానికి తోడ్పడతాయి.

మారుతి సుజుకి వ్యాగన్ ఆర్ ఇంజన్ మరియు పనితీరు

2019 మారుతి వాగన్ ఆర్ పెట్రోల్ ఆప్సన్ లో మాత్రమే అందుబాటులో ఉంటుంది. కానీ రెండు ఇంజన్ ఆప్సన్లతో అందుబాటులో ఉంటుంది. ఇందులో 1.0-లీటర్ మరియు 1.2-లీటర్ ఇంజిన్లు ఉంటాయి. ఇందులో ఉన్న చిన్న 1.0-లీటర్ ఇంజన్ 67 bhp మరియు 90 Nm టార్క్ ఉత్పత్తి చేస్తుంది. పెద్ద 1.2-లీటర్ యూనిట్ 90 bhp మరియు 113 Nm ఉత్పత్తి చేస్తుంది. ఇంజిన్లు స్టాండర్డ్ 5-స్పీడ్ మాన్యువల్ ట్రాన్స్మిషన్ కి జతచేయబడతాయి. సెలెక్ట్ వేరియంట్లను బ్రాండ్ యొక్క AGS AMT యూనిట్‌తో కూడా ఎంచుకోవచ్చు.

కొత్త మారుతి వాగన్ ఆర్ భారతీయ రహదారి పరిస్థితులకు అనువైన డ్రైవింగ్ ఫీచర్స్ కలిగి ఉంటుంది. ఇది మునుపటి కంటే పెద్దదిగా కాకుండా, 2019 వాగన్ R దాని HEARTECT ప్లాట్‌ఫాం కారణంగా తేలికగా ఉంటుంది.

మారుతి సుజుకి వ్యాగన్ ఆర్ ఇంధన సామర్థ్యం

2019 మారుతి వాగన్ ఆర్ 1.0-లీటర్ మరియు 1.2-లీటర్ వేరియంట్‌లకు వరుసగా 22.5 కి.మీ / లీ మరియు 21.5 కి.మీ / లీ మైలేజ్ అందిస్తుంది. మైలేజ్ మాన్యువల్ మరియు AMT మోడళ్లకు దాదాపు సమానంగా ఉంటుంది. ఇది 32 లీటర్ల ఫ్యూయెల్ ట్యాంక్ సామర్థ్యంతో, మంచి డ్రైవింగ్ పరిధిని అందిస్తుంది.

మారుతి సుజుకి వ్యాగన్ ఆర్ ముఖ్యమైన ఫీచర్లు

కొత్త మారుతి వాగన్ ఆర్ దాని ధరకు తగిన ఫీచర్స్ మరియు పరికరాలను కలిగి ఉంటుంది. ఇందులో 7.0 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్ ఉంది. ఇది ఆపిల్ కార్ప్లే మరియు ఆండ్రాయిడ్ ఆటో, పవర్డ్ ORVM లు, స్ప్లిట్-ఫోల్డ్ రియర్ బెంజ్, డ్యూయల్ ఎయిర్‌బ్యాగులు మొదలైనవి ఉన్నాయి.

మారుతి సుజుకి వ్యాగన్ ఆర్ తీర్పు

కొత్త మారుతి వాగన్ ఆర్ పట్టణ మార్కెట్లలో రైడింగ్ చేయడానికి అనుకూలంగా ఉటుంది. అంతర్గత స్థలంలో ఎక్కువ రాజీ పడకుండా కొలతల విషయంలో కూడా చాలా అనుకూలంగా ఉంటుంది. దేశీయ మార్కెట్లో అమ్ముడవుతున్న ప్రధాన ఉత్పత్తులలో మారుతి వ్యాగన్ ఆర్ కూడా ఒకటి.