కియా సోనెట్

కియా సోనెట్ రివ్యూ

ఎక్స్టీరియర్ & ఇంటీరియర్ డిజైన్

కియా సోనెట్ భారత మార్కెట్లో దక్షిణ కొరియా కార్ల తయారీ సంస్థ నుండి వచ్చిన మూడవ మోడల్. సోనెట్ భారత మార్కెట్లో కాంపెటేటివ్ సబ్-4 మీటర్ల ఎస్‌యూవీ విభాగంలో మరియు బ్రాండ్ యొక్క ఉత్పత్తి శ్రేణిలో సెల్టోస్ క్రింద ఉంది. కియా సోనెట్ చాలా బోల్డ్ మరియు స్పోర్టి డిజైన్‌తో వస్తుంది. కియా సోనెట్ ఇది దాని విభాగంలో ఆకర్షణీయమైన సమర్పణగా నిలిచింది.

కియా సోనెట్ యొక్క ముందు భాగంలో ‘టైగర్ నోస్’ గ్రిల్‌తో బ్లాక్ మెష్ మరియు రెడ్ ఇన్సర్ట్‌లతో వస్తుంది. గ్రిల్ చుట్టూ క్రోమ్ స్ట్రిప్ ఉంది. ఇంటిగ్రేటెడ్ ఎల్ఇడి డిఆర్ఎల్ లతో బ్రాండ్ యొక్క ‘క్రౌన్-జ్యువెల్’ ఎల్ఇడి ప్రొజెక్టర్ హెడ్‌ల్యాంప్‌లు గ్రిల్‌ చుట్టూ ఉంటాయి. ఇవి టర్న్ ఇండికేటర్లుగా కూడా ఉంటాయి. ఫ్రంట్ బంపర్స్ కి ఇరువైపులా ఫాగ్ లాంప్స్ కలిగి ఉంటుంది.

కియా సోనెట్ యొక్క సైడ్ మరియు రియర్ ప్రొఫైల్ అదే స్పోర్టి డిజైన్‌ను కలిగి ఉంది. ఈ ఎస్‌యూవీ యొక్క సైడ్ ప్రొఫైల్ స్టైలిష్ 16-ఇంచెస్ క్రిస్టల్-కట్ అల్లాయ్ వీల్స్ తో వస్తుంది. వీల్ ఆర్చెస్ బ్లాక్ క్లాడింగ్ తో కప్పబడి ఉంటాయి. సైడ్ ప్రొఫైల్ సిల్వర్ ఫినిషెడ్ రూప్ రైల్ మరియు క్రోమ్ డోర్ హ్యాండిల్స్‌తో కూడా వస్తుంది.

కియా యొక్క వెనుక ప్రొఫైల్‌లో హార్ట్ బీట్ టైల్ లాంప్స్ ఉన్నాయి, ఇవి సన్నని రిఫ్లెక్టర్ స్ట్రిప్ ద్వారా అనుసంధానించబడి ఉన్నాయి. బంపర్ యొక్క దిగువ భాగం గ్లోస్ బ్లాక్‌లో పూర్తయింది. అంతే కాకుండా ఫేక్ ఎగ్జాస్ట్ పోర్ట్‌లకు సిల్వర్ యాక్సెంట్స్ మరియు ఫాక్స్ డిఫ్యూజర్‌ను కలిగి ఉంది.

కియా సోనెట్ లోపలి భాగం చాలా ప్రీమియం అనుభూతిని అందిస్తుంది. క్యాబిన్ సాఫ్ట్-టచ్ మెటీరియల్స్, లెథెరెట్ అప్హోల్స్టరీ మరియు ప్లాస్టిక్ భాగాలతో రూపొందించబడింది. లెథరెట్ అప్హోల్స్టరీ సీట్లు, గేర్ లివర్, స్టీరింగ్ వీల్ మరియు సైడ్ డోర్ ప్యానెల్స్ వరకు విస్తరించి ఉంది. ఇందులో ఇన్స్ట్రుమెంట్ క్లస్టర్ మరియు 10.25-ఇంచెస్ ఇన్ఫోటైన్‌మెంట్ సిస్టమ్ ఉన్నాయి. ఇవి కారుకు మరింత ఆకర్షణీయమైన రూపాన్ని అందిస్తాయి.

ఇంజిన్ & పెర్ఫామెన్స్

కియా సోనెట్ మూడు ఇంజన్ ఎంపికలతో అందించబడుతుంది. ఇందులో రెండు పెట్రోల్ మరియు ఒక డీజిల్ ఇంజిన్. పెట్రోల్ ఎంపికలలో 1.2-లీటర్ నాచురల్లీ ఆస్పిరేటెడ్ ఇంజిన్ 83 బిహెచ్‌పి మరియు 115 ఎన్ఎమ్ పీక్ టార్క్ ఉత్పత్తి చేస్తుంది. ఇది ఐదు-స్పీడ్ మాన్యువల్ గేర్‌బాక్స్‌తో జత చేయబడింది. రెండవ పెట్రోల్ ఇంజన్ 1.0-లీటర్ టి-జిడిఐ యూనిట్ రూపంలో 120 బిహెచ్‌పి మరియు 172 ఎన్ఎమ్ పీక్ టార్క్‌ను ఉత్పత్తి చేస్తుంది. ఇది 6-స్పీడ్ ఐఎంటి (ఇంటెలిజెంట్ మాన్యువల్ ట్రాన్స్మిషన్) లేదా 7-స్పీడ్ డిసిటి (డ్యూయల్-క్లచ్ ట్రాన్స్మిషన్) ఆటోమేటిక్‌తో జతచేయబడుతుంది.

మూడవ ఇంజన్ 1.5-లీటర్ సిఆర్డి డీజిల్ యూనిట్ రూపంలో వస్తుంది. ఈ ఇంజిన్ రెండు స్టేట్స్ ఆఫ్ ట్యూన్లో అందించబడుతుంది. లో స్టేట్-ఆఫ్-ట్యూన్ 100 బిహెచ్‌పి మరియు 240 ఎన్ఎమ్ పీక్ టార్క్ ఉత్పత్తి చేస్తుంది. ఇది 6-స్పీడ్ మాన్యువల్ గేర్‌బాక్స్‌తో జతచేయబడుతుంది. హై స్టేట్-ఆఫ్-ట్యూన్ యూనిట్ 115 బిహెచ్‌పి మరియు 250 ఎన్ఎమ్ పీక్ టార్క్‌ను ఉత్పత్తి చేస్తుంది, మరియు ఆరు-స్పీడ్ ఆటోమేటిక్ గేర్‌బాక్స్‌తో జతచేయబడుతుంది.

ఫ్యూయెల్ ఎఫిషియన్సీ

కియా సోనెట్ దాని అన్ని ఇంజిన్ల నుండి బలమైన పనితీరును అందించడంతో పాటు, అధిక ఇంధన సామర్థ్య గణాంకాలను కూడా ఇస్తుంది. 1.2-లీటర్ పెట్రోల్ యూనిట్ 18.4 కి.మీ / లీ ఇస్తుందని కియా మోటార్స్ పేర్కొంది. అదేవిధంగా 1.0-లీటర్ టర్బో-పెట్రోల్ 18.2 కి.మీ / లీ ఇంధన-సామర్థ్యాన్ని అందిస్తుంది. మరోవైపు డీజిల్ ఆటోమేటిక్‌లో 19 కి.మీ / లీ మరియు మాన్యువల్ వెర్షన్‌లో 24.1 కి.మీ / లీ మెరుగైన మైలేజ్ గణాంకాలను అందిస్తుంది. పేర్కొన్న అన్ని మైలేజ్ గణాంకాలు ఏఆర్ఏఐ- సర్టిఫైడ్ చేయబడినవి.

ఇంపార్టెంట్ ఫీచర్స్

కియా సోనెట్ దాని యువిఓ కనెక్ట్ టెక్నాలజీతో పాటు ఫీచర్స్ మరియు పరికరాలతో నిండి ఉంటుంది. కియా సోనెట్‌లో ఎల్‌ఈడీ హెడ్‌ల్యాంప్స్, ఎల్‌ఈడీ డీఆర్‌ఎల్‌లు, ఎల్‌ఈడీ టైల్లైట్స్, 16-ఇంచ్ అల్లాయ్ వీల్స్, 10.25-ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్, ఎలక్ట్రిక్ సన్‌రూఫ్, వెంటిలేటెడ్ సీట్లు, వైర్‌లెస్ ఛార్జింగ్, రియర్ ఎసి వెంట్స్, 57 స్మార్ట్ ఫీచర్లతో యువోఓ కనెక్ట్, స్టీరింగ్-మౌంటెడ్ కంట్రోల్, కీలెస్ ఇగ్నిషన్ మరియు స్టార్ట్ / స్టాప్ వంటి మరెన్నోఫీచర్స్ ఉంటాయి.

కియా సోనెట్‌లోని సేఫ్టీ ఫీచర్స్ గమనించినట్లయితే ఇందులో ఆరు ఎయిర్‌బ్యాగులు, ఎబిఎస్ విత్ ఎబిడి, వెహికల్ స్టెబిలిటీ మేనేజ్మెంట్, ఎలక్ట్రానిక్ స్టెబిలిటీ కంట్రోల్, స్పీడ్ సెన్సింగ్ ఆటో డోర్ లాక్, ఇంపాక్ట్ సెన్సింగ్ ఆటో డోర్ అన్‌లాక్, రివర్స్ పార్కింగ్ కెమెరా విత్ గైడ్లైన్స్, ఫ్రంట్ అండ్ రేర్ పార్కింగ్ సెన్సార్లు మరియు ఐసోఫిక్స్ చైల్డ్ సీట్ అంచర్స్ వంటివి ఉంటాయి.

వెర్డిక్ట్

కియా సోనెట్ భారతీయ మార్కెట్లో ప్రారంభించక ముందే మంచి స్పందన లభించింది. సోనెట్ లో ఉండే మంచి ఫీచర్స్ మరియు టెక్నాలజీ వల్ల సౌకర్యవంతమైన మరియు నమ్మకమైన డ్రైవింగ్ అనుభూతిని అందిస్తుంది. కియా సోనెట్ దాని విభాగంలో ఆకర్షణీయమైన సమర్పణగా మారుతుంది.