రెనాల్ట్ ట్రైబర్

రెనాల్ట్ ట్రైబర్ రివ్యూ

రెనాల్ట్ ట్రైబర్ ఎక్ట్సీరియర్ మరియు ఇంటీరియర్ డిజైన్

భారత మార్కెట్లో రెనాల్ట్ కంపెనీ తన ట్రైబర్ ఎమ్‌పివి ప్రవేశపెట్టింది. సబ్-4 మీటర్ ఎమ్‌పివి ప్రపంచవ్యాప్తంగా జూన్ 2019 లో భారతదేశంలో ప్రదర్శించబడింది. రెనాల్ట్ ట్రైబర్ పూర్తిగా సరికొత్త డిజైన్‌తో వస్తుంది, ఇది దేశంలో బ్రాండ్ అందించే మునుపటి మోడళ్లకంటే కూడా చాలా భిన్నంగా ఉంటుంది.

ఈ ఎమ్‌పివి ముందు నుంచి ప్రారంభించి, పెద్ద ఫ్రంట్ గ్రిల్‌తో, సన్నని క్రోమ్ స్ట్రిప్‌తో వస్తుంది. ఇంటిగ్రేటెడ్ టర్న్ సిగ్నల్‌లతో ప్రొజెక్టర్ హెడ్‌ల్యాంప్స్ ద్వారా గ్రిల్ ఇరువైపులా ఉంటుంది. ఎల్‌ఈడీ డిఆర్‌ఎల్‌లు ఫ్రంట్ బంపర్‌పై సి-షేప్ క్రోమ్ హౌసింగ్‌తో క్రిందికి ఉంచబడ్డాయి. బంపర్ పెద్ద సెంట్రల్ ఎయిర్ ఇంటేక్ మరియు సిల్వర్ స్కఫ్ ప్లేట్లతో వస్తుంది, ఇది కఠినమైన రూపాన్ని అందిస్తుంది.

ట్రైబర్ యొక్క సైడ్ మరియు రియర్ ప్రొఫైల్ విషయానికి వస్తే ఇది చాలా సింపుల్ గా ఉంటుంది. సైడ్ ప్రొఫైల్‌లో షోల్డర్ లైన్స్, 14 ఇంచెస్ డ్యూయల్-టోన్ వీల్ మరియు పైన ఫాక్స్ రూఫ్ రైల్స్ ఉంటాయి.

ఇక రియర్ ప్రొఫైల్‌ విషయానికి వస్తే, వెనుక బంపర్‌పై సొగసైన టైల్ లైట్స్ మరియు ఫాక్స్ స్కఫ్ ప్లేట్‌లతో శుభ్రమైన మరియు సరళమైన డిజైన్ కూడా ఉంది.

ట్రైబర్ యొక్క ఇంటీరియర్ విషయానికి వస్తే, ఇది బ్లాక్ అండ్ లేత బీజ్ కలర్ డ్యూయల్ టోన్ క్యాబిన్‌ కలిగి ఉంటుంది. డాష్‌బోర్డ్ అదే డ్యూయల్-టోన్ థీమ్‌లో వస్తుంది, సిల్వర్ యాక్సెంట్స్ దీనిని మరింత ఆకర్షణీయంగా చూపిస్తుంది. డిజిటల్ ఇన్స్ట్రుమెంట్ క్లస్టర్ మరియు సెంటర్ కన్సోల్‌లో పెద్ద ఇన్ఫోటైన్‌మెంట్ డిస్ప్లే కూడా చాలా లగ్జరీ అనుభూతిని ఇస్తాయి.

రెనాల్ట్ ట్రైబర్ ఇంజన్ మరియు పనితీరు

రెనాల్ట్ ట్రైబర్ సింగిల్ ఇంజన్ ఆప్సన్ తో అందించబడుతుంది. ఇందులో 72-బిహెచ్‌పి మరియు 96 ఎన్ఎమ్ పీక్ టార్క్ అందిస్తుంది. ఇందులో 1.0-లీటర్ పెట్రోల్ ఇంజన్ ఉంది. ఇది 5-స్పీడ్ మాన్యువల్ గేర్‌బాక్స్‌తో జతచేయబడింది. రెనాల్ట్ తరువాతి దశలో AMT ఆటోమేటిక్ ట్రాన్స్మిషన్ను ప్రవేశపెట్టే అవకాశం ఉంది.

రెనాల్ట్ ట్రైబర్ ఇంధన సామర్థ్యం

రెనాల్ట్ ట్రైబర్ సింగిల్ పెట్రోల్ ఇంజన్ సమర్పణతో వస్తుంది. ఈ పెట్రోల్ ఇంజన్ లీటరుకు 20 కి.మీ మైలేజ్ అందిస్తుంది. ఇది 40 లీటర్ల ఇంధన ట్యాంక్ సామర్థ్యంతో వస్తుంది. ఇది ఒక ఫుల్ ట్యాంక్ తో దాదాపుగా 600 కిలోమీటర్ల పరిధిని అందిస్తుంది.

రెనాల్ట్ ట్రైబర్ ముఖ్యమైన ఫీచర్లు

రెనాల్ట్ ట్రైబర్ మంచి ఫెచర్స్ మరియు పరికరాలను కలిగి ఉంటుంది. ఇందులో ఆపిల్ కార్ప్లే మరియు ఆండ్రాయిడ్ ఆటో, ఎల్‌ఈడీ ఇన్‌స్ట్రుమెంట్ క్లస్టర్, కూల్డ్ స్టోరేజ్, స్మార్ట్ యాక్సెస్ కీకార్డ్, పుష్-బటన్ స్టార్ట్ / స్టాప్, కీలెస్ ఎంట్రీ, 2 వ మరియు 3 వ వరుసలో ఎసి వెంట్స్, ఎలక్ట్రికల్లీ-అడ్జస్టబుల్ ఓఆర్‌విఎంలతో కూడిన 7 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్ వంటివి ఉన్నాయి.

రెనాల్ట్ ట్రైబర్ లోని సేఫ్టీ ఫీచర్స్ విషయానికి వస్తే, ఇందులో ఎబిఎస్ విత్ ఇబిడి, డ్యూయల్ ఎయిర్‌బ్యాగులు, రియర్ పార్కింగ్ సెన్సార్లు, స్పీడ్ అలర్ట్ వార్ణింగ్, సీట్-బెల్ట్ రిమైండర్, స్పీడ్ సెన్సింగ్ డోర్ లాక్ మరియు ఇంపాక్ట్ సెన్సింగ్ డోర్ అన్‌లాక్‌ వంటివి కలిగి ఉంటుంది.

రెనాల్ట్ ట్రైబర్ తీర్పు

బడ్జెట్ ధర పరిధిలో హ్యాచ్‌బ్యాక్ కొనుగోలుచేయాలనుకునేవారికి ఈ రెనాల్ట్ ట్రైబర్ ఖచ్చితంగా సరిపోతుంది. ఈ కాంపాక్ట్ MPV మంచి స్పేస్, ఫీచర్స్ మరియు పనితీరును పుష్కలంగా అందిస్తుంది.