ఎలుకల బారి నుంచి మీ కారును కాపాడుకోవటం ఎలా?

తర్వాతి స్లైడ్‌లలో కార్లలోకి ఎలుకలు ప్రవేశించకుండా ఉండేందుకు ఏంచేయాలో తెలుసుకోండి.

టొబాకో

కారు ఇంజన్ బేలో టొబాకో (పొగాకును) చిన్న గుడ్డలో మూటకట్టి రెండు మూడు చోట్ల కేబుల్స్‌కి కట్టి ఉంచినట్లయితే, ఆ వాసనకు ఎలుకలు కార్ ఇంజన్ బేలోకి ప్రవేశించవు.

నాఫ్తలీన్ బాల్స్

నాఫ్తలీన్ బాల్స్ (కలరా ఉండలు) కూడా ఎలుకల నివారణకు చక్కగా ఉపయోగపడుతాయి. కొన్ని కలరా ఉండలను కారు ఇంజన్ బేలో అక్కడక్కడా ఉంచినట్లయితే, ఆ వాసనకు ఎలుకలు కారులోకి రాకుండా ఉంటాయి.

పెప్పర్ పౌడర్

పెప్పర్ పౌడర్ (మిరియాల పొడి) వంటకే కాదు ఎలుకలను అరికట్టడానికి కూడా పనికొస్తుంది. కారు ఇంజన్ బే వద్ద పెప్పర్ పౌడర్‌ను చల్లినట్లయితే, ఆ వాసనకు ఎలుకలు కారులోకి రాకుండా ఉంటాయి. అయితే, డ్రైవ్ చేసేటప్పుడు మాత్రం కారులో కాస్తంత పెప్పర్ వాసన వస్తున్నట్లు అనిపిస్తుంది.

ర్యాట్ డిటరెంట్

ర్యాట్ డిటరెంట్ (ఎలుకల నివారిణి) అన్ని షాపులలోను, ఆన్‌లైన్ స్టోర్లలోను లభిస్తుంటుంది. దీనిని కార్ ఇంజన్ బేలో అక్కడక్కడా ఉంచినట్లయితే, ఎలుకలు వీటిని తిని చనిపోతాయి. ఒకవేళ కారు ఇంజన్ బేలో ఎలుకలు చనిపోయిన ఉన్నట్లయితే, వాటిని వెంటనే బయటకు దూరంగా తీసిపారేయాలి. లేకపోతే, కారులో విపరీతమైన దుర్వాసన రావచ్చు.

ర్యాట్ పాయిజన్

ర్యాట్ పాయిజన్ (ఎలుకల మందు)ను ఆటా (గోధుమపిండి)లో కలిపి ఇంజన్ బే వద్ద ఉంచినట్లయితే, వీటిని తిన్న ఎలుకలు చనిపోయే ఆస్కారం ఉంటుంది.

డ్రైనేజ్‌కి దగ్గర్లో పార్క్ చేయకండి

ఎలుకలు ఎక్కువగా మురికి కాలువలు, తడిసిన నేలల వద్ద ఉంటాయి. కాబట్టి, మీ కారును వీలైనంత వరకూ అలాంటి చోట్ల పార్క్ చేయకండి. ఒకవేళ పార్క్ చేయాల్సి వస్తే, పైన తెలిపిన చిట్కాలను పాటించండి.

పార్కింగ్ ఏరియాను మార్చండి

మీ కారును పార్క్ చేసే ప్రాంతంలో ఎలుకల బెడద ఎక్కువగా ఉండి, దీనిని నియంత్రించేందుకు మీరు ఎన్ని ప్రయత్నాలు చేసిన విఫలం అవుతూ ఉంటే, మీ పార్కింగ్ ప్రాంతాన్ని మార్చుకోవటమే ఉత్తమమైన మార్గం.

ఆల్ట్రా-సోనిక్ డివైజ్

ఎలుకల బెడను తప్పించుకునేందుకు ఆల్ట్రా-సోనిక్ పరికరాలు కూడా మంచివే. అయితే, ఇవి పనిచేయాలంటే విద్యుత్/బ్యాటరీ తప్పనిసరిగా కావల్సి ఉంటుంది. వీటి నుంచి విడుదలయ్యే శబ్ధ తరంగాల వలన ఎలుకలు ఈ పరికరాలు ఉండే చోటుకి రాలేవు.

ఫెనాల్

మెష్

కారు గ్యారేజ్ డ్రైనేజ్ హోల్స్, ఇంటి డ్రైనేజ్ హోల్స్‌ను ఇనుప మెష్‌తో ఫిక్స్ చేసుకున్నట్లయితే, కలుగు గుండా ఎలుకలు ప్రవేశించే ఆస్కారం ఉండదు.