అర్జున్ రెడ్డి మూవీలో ఉపయోగించిన బైకు గురించి ఇంట్రెస్టింగ్ ఫ్యాక్ట్స్

అర్జున్ రెడ్డి మూవీ రిలీజ్‌తో... అర్జున్ తరహా లైఫ్ స్టైల్ మరియు అందులో వినియోగించిన బైకు ఇప్పుడు రియల్ లైఫ్‌లో ఒక ట్రెండ్ అయ్యాయి. ఎంతలా అంటే, అర్జున్ రెడ్డి బైకు గురించి ఎంతో మంది భారీగా గూగుల్‌లో శోధించారు.

Recommended Video

2017 Triumph Tiger Explorer XCx Launched In India | In Telugu - DriveSpark తెలుగు

కోపం, ప్రేమ, శాంతి, స్త్రీల పట్ల గౌరవాన్ని ప్రదర్శిస్తూ, విద్యా మరియు వృత్తికి న్యాయం చేస్తూనే స్వతంత్ర భావాల వలన జీవితం ఎలా మలుపు తిరిగింది ? దురలవాట్లు మనల్ని ఎక్కడి నుండి ఎక్కడి తీసుకెళతాయనే విషయాన్ని పరోక్షంగా వివరిస్తూ దాదాపు మూడు గంటల నిడివితో డైరక్టర్ అర్జున్ రెడ్డి సినిమాని నిర్మించాడు.

ఎన్నో వివాదాస్పద సంఘటనల మధ్య థియేటర్లలోకి వచ్చినప్పటికీ అర్జున్ రెడ్డి బాక్సాఫీసు వద్ద కోట్ల కలెక్షన్స్ రాబట్టింది. అనతి కాలంలోనే విజయ్ దేవరకొండ సాయికి అభిమానగనం విపరీతంగా పెరిగిపోయింది.

సినిమా మొత్తంలో అర్జున్ రెడ్డి క్యారెక్టర్ ఉపయోగించే బైకు మరో ప్రత్యేకతను సంతరించుకుంది. నిజానికి రియల్ లైఫ్‌లో చాలా మందికి రాయల్ ఎన్ఫీల్డ్ బైక్ అంటే ఇష్టం. సినిమాలో కూడా అర్జున్ రెడ్డికి రాయల్ కంపెనీ ప్రారంభమైన తొలినాళ్లలో ఉత్పత్తి చేసిన ఇంటర్‌సెప్టార్ బైక్ అంటే ప్రాణం.

1960 మోడల్ రాయల్ ఎన్ఫీల్డ్ ఇంటర్‌సెప్టార్ బైకును అర్జున్ రెడ్డి సినిమాలో వినియోగించారు. హీరో విజయ్ మరియు హీరోయిన్ శాలిని పాండే సోషల్ మీడియాలో లైవ్‌లోకి వచ్చినపుడు తాను వాడిన బైకు గురించిన వివరాలు వెల్లడించారు.

ఇంటర్‌సెప్టార్ బ్రిటీష్‌కు చెందిన మోటార్ సైకిల్‌. దీనిని రాయల్ ఎన్ఫీల్డ్ 1960లో ఉత్పత్తి చేసింది. 700 ఇంటర్‌సెప్టార్ పేరుతో 1960లో విడుదలైన ఇందులో సాంకేతికంగా ఇందులో 692సీసీ కెపాసిటి గల వర్టికల్ ట్విన్ సిలిండర్ ఇంజన్ కలదు.

1970 వరకు ఇంటర్‌సెప్టార్ బైకులను 1,2 మరియు 3 సిరీస్‌లలో విడుదల చేస్తూ వచ్చింది. ప్రొడక్షన్‌ను భారీ సంఖ్యలో పెంచే సమయానికి కంపెనీ కార్యకలాపాలు నిలిపివేసింది.

రాయల్ ఎన్ఫీల్డ్ ఇంటర్‌సెప్టార్ బైకును ప్రత్యేకంగా అర్జున్ రెడ్డి సినిమా కోసం ఓ వ్యక్తి నుండి కొనుగోలు చేసి కొన్ని మోడిఫికేషన్స్ నిర్వహించి మూవీలో ఉపయోగించారు. ఆ బైకు విక్రయించిన వ్యక్తి తన బైకును తిరిగి వెనక్కి ఇవ్వమని కోరితే, ఇందుకు డైరక్టర్ నిరాకరించాడని విజయ్ చెప్పుకొచ్చాడు.