కర్ణాటక: లాంగ్ రూట్ బస్సుల్లో టాయ్‌లెట్లు, కిచెన్లు

Gallery | More Photos

ఈ సౌకర్యం ప్రారంభంలో భాగంగా, మూడు నెలల పాటు లాంగ్ రూట్లలో వెళ్లే 25 వోల్వో బస్సుల్లో టాయ్‌లెట్, కిచెన్ సౌకర్యాన్ని కెఎస్ఆర్‌టిసి అందించనుంది. ఈ ప్రయోగం గనుక విజయవంతమైతే, అన్ని లాంగ్ రూట్లకు ఈ సౌకర్యాన్ని విస్తరించనున్నారు. కర్ణాటక రాష్ట్ర రవాణా, గృహ మంత్రి ఆర్ అశోక్ ఈ విషయాన్ని వెల్లడించారు. స్మార్ట్ కిచెన్ బస్సులుగా గుర్తించబడిన ఈ వోల్వో బస్సుల్లో కెమికల్ టాయ్‌లెట్స్ ఉంటాయి.

అలాగే, బస్సులోని ఆన్-బోర్డ్ ప్యాసింజర్లకు సర్వ్ చేసేందుకు ఓ చిన్న కిచెన్ ఉండి అందులో చిరుతిండ్లు, పానీయాలు ఉంటాయి. రాష్ట్ర ప్రభుత్వం ద్వారా నిర్వహించబడుతున్న బస్సుల్లో ఈ తరహా సౌకర్యం ఇదే మొట్టమొదటిదని ఆయన తెలిపారు.