రజనీకాంత్ బర్త్‌డే స్పెషల్.. తమిళ్ తలైవా కార్లు ఎలా ఉన్నాయో చూసారా !

ప్రీమియర్ పద్మిని :

రజనీకాంత్ కొన్న మొట్టమొదటి కారు, ప్రీమియర్ పద్మిని. ఈ కారు భారతీయ మార్కెట్లో ఒకప్పటి ముఖ్యమైన కార్లలో ఒకటిగా నిలిచింది. ఇది పూర్తిగా ఇటాలియన్ ఫియట్ నుండి ఉద్భవించినప్పటికీ, ఇది ప్రత్యేకంగా భారత మార్కెట్ కోసం పునర్నిర్మించబడింది. ప్రస్తుతం ఈ కార్ల ఉత్పత్తి నిలిచిపోయింది.

అప్పట్లో అత్యంత పాపులర్ అయిన ఫియట్ ప్రీమియర్ పద్మిని కారును రజనీకాంత్ 1980 నుంచి 1990 కాలంలో ఉపయోగించేవారు.

అంబాసిడర్ :

భారతదేశంలో ఒకప్పుడు బాగా ప్రాచుర్యం పొందిన కార్లలో ఒకటి ఈ హిందుస్థాన్ అంబాసిడర్. ఇది చాలా అద్భుతమైన కారు.

అత్యంత సౌకర్యవంతమైన అంబాసిడర్ కారులో రజనీకాంత్ షూటింగ్‌లకు వెళ్లేవారు. ఈ కారును 1990-2000 కాలంలో ఉపయోగించారు.

హోండా సివిక్ :

భారతీయ రహదారుల కోసం ప్రత్యేకంగా తయారు చేయబడిన కార్లలో ఒకటి ఈ హోండా సివిక్.ఆ తర్వాతి కాలంలో రజనీకాంత్ ఓ హోండా సివిక్ కారును ఉపయోగించారు.

టొయోటా ఇన్నోవా :

ప్రస్తుతం రజనీకాంత్ ఓ టొయోటా ఇన్నోవా ఎమ్‌పివిని ఉపయోగిస్తున్నట్లు సమాచారం.బారత మార్కెట్లో ఇప్పుడు కూడా ఎక్కువ అమ్ముడవుతున్న కార్లలో ఒకటి ఈ టయోటా ఇన్నోవా.

బిఎమ్‌డబ్ల్యూ 7-సిరీస్

గతంలో షారుఖ్ ఖాన్ నటించిన సైన్స్ ఫిక్షన్ చిత్రం రావన్‌లో గెస్ట్ రోల్ చేసినందకు గాను, రజనీకాంత్‌కు షారుఖ్ ఖాన్ ఓ బిఎమ్‌డబ్ల్యూ 7-సిరీస్ కారును కానుకగా ఆఫర్ చేశాడని, అయితే, ఈ బహుమతి రజనీ స్వీకరించలేదని కూడా సమాచారం.

ప్రేక్షకులకు వినోదాన్ని పంచే మన సూపర్‌స్టార్ రజనీకాంత్ భవిష్యత్తులో మరిన్ని బర్త్‌డేలు జరుపుకోవాలని కోరుకుంటూ, ఆయనకు మరోసారి డ్రైవ్‌స్పార్క్ తరపున పుట్టినరోజు శుభాకాంక్షలు.