తాత వింటేజ్.. మనవడు మోడ్రన్..: లింగా చిత్రంలో కార్లు

లింగా చిత్రంలో రజనీకాంత్ కోసం దర్శక నిర్మాతలు అనేక విలాసవంతమైన కార్లు ఉపయోగించినప్పటికీ, ఆయన నిజ జీవితంలో మాత్రం చాలా సింపుల్‌గా ఉంటూ, సాధారణ కార్లనే ఉపయోగిస్తుంటారు.

ఈ చిత్రం బ్రిటీష్ కాలం నాటి సన్నివేశాలు ఉంటాయి. అందులో రజనీకాంత్ (ఇంజనీర్) అప్పటి కాలాన్ని తలపించేంట్లుగా పురాతన రోల్స్ రాయిస్ కార్లలో తిరుగుతూ కనిపిస్తారు.

ప్రస్తుత తరానికి చెందిన రజనీకాంత్ కూడా రోల్స్ రాయిస్ బ్రాండ్‌నే ప్రిఫర్ చేశారు. లింగా చిత్రంలో ఆయన పాపులర్ రోల్స్ రాయిస్ ఘోస్ట్ కారుతో ఆయన దర్శనమిస్తారు.

ఈ చిత్రంలో రోల్స్ రాయిస్ ఘోస్ట్ కారుతో పాటుగా పాపులర్ అమెరికన్ మజిక్యులర్ కార్ హమ్మర్‌ని ఆధారంగా చేసుకొని తయారు చేసిన ఓ లీమోజైన్ వెహికల్ కూడా కనిపిస్తుంది.

లింగా చిత్రంలో కొన్ని సన్నివేశాలను దుబాయ్‌లో చిత్రీకరించారు. ఈ చిత్రంలో ప్రపంచంలో కెల్లా అత్యంత ప్రాచుర్యం పొందిన ఫెరారీ థీమ్ పార్క్ కూడా కనిపిస్తుంది. ఈ థీమ్ పార్క్ అబుదాబిలో ఉంది.

లింగా చిత్రంలో కేవలం రోల్స్ రాయిస్ కార్లే కాకుండా ఆడి వంటి లగ్జరీ కార్లను కూడా ఉపయోగించారు. ఈ చిత్రంలో బాలీవుడ్ ఫేవరేట్ కారు ఆడి క్యూ7ను కూడా చూడొచ్చు.

ఆడి వంటి లగ్జరీ కార్లే కాదు మహీంద్రా స్కార్పియో వంటి సాధారణ ఎస్‌యూవీలు కూడా కనిపించనున్నాయి.

రజనీకాంత్‌ కథానాయకుడిగా రూపొందిన ‘లింగ' చిత్రం ఆయన జన్మదినం సందర్భంగా శుక్రవారం అత్యధిక థియేటర్లలో ప్రేక్షకుల ముందుకు వస్తోంది.

అనుష్క, సోనాక్షి సిన్హా నాయికలుగా నటించిన ఈ చిత్రానికి కె.ఎస్‌. రవికుమార్‌ దర్శకుడు. మునిరత్న, ఈరోస్‌ ఇంటర్నేషనల్‌ సమర్పణలో రాక్‌లైన్‌ ఎంటర్‌టైన్‌మెంట్స్‌ పతాకంపై రాక్‌లైన్‌ వెంకటేశ్‌ నిర్మించారు.