హెల్మెట్ లేదని ఆపినందుకు ట్రాఫిక్ పోలీసును కాళ్లతో తన్నిన మహిళ

ప్రవీణ్ మరియు సోనమ్ అనే జంట హెల్మెట్ ధరించకుండా ప్రయాణిస్తున్నారని ట్రాఫిక్ పోలీసులు ఢిల్లీ కంటోన్‌మెంట్ ప్రాంతంలో ఆపారు. కానిస్టేబుల్ ఆ ఇద్దరనీ అతి బలవంతంగా ఆపాల్సి వచ్చింది.

టూ వీలర్‌కు సంభందించిన పత్రాలను చూపించాలని పోలీసులు కోరగా, అందుకు ఆ జంట సహకరించకుండా నిరాకరించింది. పోలీసులు వారిని ఆపినందుకు ప్రవీణ్ పోలీసుల మీద విరుచుకుపడుతూ దుర్బాషలాడటం మొదలు పెట్టాడు.

పత్రాలు లేవు, హెల్మెట్ ధరించలేదు అందుకుగాను జరిమానా చెల్లిమని పోలీసులు వారిని కోరితే, ప్రవీణ్ భార్య సోనమ్ కానిస్టేబుల్ కాలర్ పట్టుకుని తిడుతూ, యూనిఫామ్‌ను చింపేయడానికి ప్రయత్నించింది.

అయితే వెంటనే, మహిళా పోలీసును రమ్మని హెల్ప్‌లైన్‌కు సమాచారమిచ్చాడు కానిస్టేబుల్. మహిళా కానిస్టేబుల్‌తో పాటు, మహిళా సబ్ ఇన్స్‌పెక్టర్‌ కూడా అక్కడకి చేరుకున్నారు.

సోనమ్, మహిళా ఇన్‌స్పెక్టర్‌ను కడుపు మీద కాళ్లతో తన్నింది. క్రింద పడిపోయిన ఇన్‌స్పెక్టర్‌ను హాస్పిటల్‌కు తరలించారు. కానిస్టేబుల్ ఫిర్యాదు మేరకు ఇద్దరి మీద ఎఫ్ఐఆర్ నమోదు చేసి అదుపులోకి తీసుకున్నారు.

ఇద్దరినీ మెజిస్ట్రేట్ ముందు ప్రవేశపెట్టగా వారికి జూన్ 9, 2017 వరకు రిమాండ్ విధిస్తూ జ్యూడిషియల్ కస్టడీలోకి తీసుకోమని పోలీసులను ఆదేశించింది. పోలీసుల కథనం మేరకు ఇద్దరూ మా మీద దుర్బాషలాడుతూ, విరుచుకుపడ్డారని తెలిపారు.

• ట్రాఫిక్ పోలీసులు ఆపినపుడు ఏం చేయాలి, ఎలా వ్యవహరించాలి ?