విపణిలోకి బెనెల్లీ 302ఆర్ విడుదల: ధర రూ. 3.48 లక్షలు

సాంకేతికంగా బెనెల్లీ 302ఆర్ మోటార్ సైకిల్‌లో 300సీసీ సామర్థ్యం గల లిక్విడ్ కూల్డ్, ప్యార్లల్ ట్విన్ సిలిండర్ ఇంజన్ కలదు. 6-స్పీడ్ గేర్‌బాక్స్ అనుసంధానం గల ఇది 11,500ఆర్‌పిఎమ్ వద్ద 8.26బిహెచ్‌పి పవర్ మరియు 10,000ఆర్‌పిఎమ్ వద్ద 26.5ఎన్ఎమ్ టార్క్‌ను ఉత్పత్తి చేస్తుంది.

Recommended Video

Ducati 1299 Panigale R Final Edition Launched In India | In Telugu - DriveSpark తెలుగు

బెనెల్లీ తమ టిఎన్‌టి 300 మోటార్ సైకిల్‌లో వినియోగించిన తేలికపాటి బరువున్న ట్రెల్లిస్ ఫ్రేమ్ ఛాసిస్‌ను 302ఆర్ బైకులో అందించింది. ఉత్తమ సస్పెన్షన్ వ్యవస్థ కోసం ముందువైపున 41ఎమ్ఎమ్ అప్‌సైడ్ డౌన్ ఫ్రంట్ ఫోర్క్ మరియు వెనుక వైపున మోనోషాక్ అబ్జార్వర్ కలదు. అంతే కాకుండా డ్యూయల్ సైడ్ స్వింగ్ ఆర్మ్ అందించారు.

బ్రేకింగ్ విధుల కోసం, ముందు వైపున 4-కాలిపర్ పిస్టన్స్ గల 260ఎమ్ఎమ్ చుట్టుకొలతలో ఉన్న రెండు డిస్క్ బ్రేకులు అదే విధంగా వెనుక వైపున సింగల్ పిస్టన్ కాలిపర్ 240ఎమ్ఎమ్ సింగల్ డిస్క్ బ్రేక్ కలదు. అధిక వేగం వద్ద షడన్ బ్రేకులు వేస్తే వీల్స్ లాక్ కాకుండా చేసే యాంటిలాక్ బ్రేకింగ్ సిస్టమ్ ఫీచర్‌ను స్టాండర్డ్‌గా అందించింది.

డిజైన్ పరంగా బెనెల్లీ 302ఆర్ రెండు లైట్లు గల హెడ్ ల్యాంప్ క్లస్టర్, సౌకర్యవంతమైన రైడింగ్ కోసం రీడిజైన్ మరియు రీ పొజిషన చేయబడిన ఫుట్ పెడల్స్ ఉన్నాయి. రియర్ డిజైన్‌లో ఎల్ఇడి టెయిల్ లైట్స్, క్లియర్ లెన్స్ ఇండికేటర్లు, డబుల్ బ్యారెల్ ఎగ్జాస్ట్ సిస్టమ్ కలదు. కొనుగోలుదారులు 302ఆర్ మోటార్ సైకిల్‌ను వైట్ రోస్సో, రెడ్ నిరో మరియు సిల్వర్ వెర్ది కలర్ ఆప్షన్‌లో ఎంచుకోవచ్చు.

డిఎస్‌కె బెనెల్లీ తమ 302ఆర్ మోటార్ సైకిల్ మీద నాలుగు సంవత్సరాలు లేదా అన్ లిమిటెడ్ కిలోమీటర్ల వరకు వారంటీ కల్పించింది. ప్రస్తుతం విపణిలో ఉన్న కవాసకి నింజా 300, కెటిఎమ్ ఆర్‌సి 390 మరియు యమహా వైజడ్ఎఫ్-ఆర్3 లతో పోటీపడనుంది.