బాలికల విద్య కోసం కె2కె సాహస యాత్ర

బాలికలకు ప్రాథమిక మరియు హై స్కూల్ విద్యనందించేందుకు రైడింగ్ అంటే విపరీతమైన మక్కువ ఉన్న ముగ్గురు ఇండియన్ మోటార్ సైకిల్ కస్టమర్ల నుండి ఈ కన్యాకుమారి - కాశ్మీర్ (కె2కె) రైడ్ ప్రాణం పోసుకుంది.

Recommended Video

Yamaha Launches Dark Night Variants | In Telugu - DriveSpark తెలుగు

అంతే కాకుండా బెంగళూరులోని కోడి హళ్లి ప్రాంతంలో ఉన్న విద్యారణ్యలో గల "రెయిన్ బో హో" వీల్స్ ఆఫ్ చేంజ్ అనే ఫౌండేషన్ వారు ఇండియన్ మోటార్ సైకిల్ కె2కె రైడ్ కోసం ముందుకొచ్చారు.

ఈ ఫౌండేషన్ సుమారుగా 76 మంది ఆడ పిల్లను చేరదీసి, పునరావాసం కల్పించి విద్య, ఆహారం, ఆవాసం, మరియు దుస్తులను ఉచితంగా అందిస్తోంది. ఇలాంటి బాలికల విద్య కోసం ఇండియన్ మోటార్ సైకిల్ ప్రారంభించిన కె2కె రైడ్ బెంగళూరు నుండి తమిళనాడు చేరుకొని, తమిళనాడులోని కన్యాకుమారి నుండి కాశ్మీర్ వరకు సాగనుంది.

కె2కె రైడ్‌లో భాగంగా ముగ్గురు రైడర్లు దేశవ్యాప్తంగా ఉన్న 12 ప్రధాన నగరాలైన హైదరాబాద్, బెంగళూరు, కన్యాకుమారి, కోల్హాపూర్, ముంబాయ్, అహ్మదాబాద్, ఉదయ్‌పూర్, జోధ్‌పూర్, ఢిల్లీ, జలందర్, అమృత్‌సర్, మరియు రణబీర్ సింగ్ పుర మీదుగాకాశ్మీరుని చేరుకోనున్నారు.

పొలారిస్ ఇండియా ప్రైవేట్ లిమిటెడ్ ఇండియా హెడ్ మరియు మేనేజింగ్ డైరక్టర్ పంకజ్ దుబే మాట్లాడుతూ,"నీలాద్రి సాహా, అనురాగ్ శ్రీవాస్తవ మరియు బెర్నార్డ్ లజార్ ముగ్గురు రైడర్లు కూడా తమ విలువైన సమయాన్ని వెచ్చించి, బాలికల విద్య గురించి చైతన్యం తీసుకొచ్చేందుకు కె2కె రైడ్‌ ద్వారా ముందుకు వచ్చినందుకు ధన్యవాదాలు తెలిపాడు."

డ్రైవ్‌స్పార్క్ తెలుగు అభిప్రాయం!

వీల్స్ ఆఫ్ చేంజ్ చొరవతో దేశవ్యాప్తంగా ఆడ పిల్లల విద్యాభివృద్ది కోసం ఇండియన్ మోటార్ సైకిల్స్ పాటుబడుతోంది. కె2కె రైడ్‌లో పొల్గొన్న ముగ్గురు రైడర్లు దేశవ్యాప్తంగా ఉన్న ప్రదాన నగరాలను చేరుకుని చిన్న ఆడ పిల్లల విద్య కోసం నిధులను సేకరించనున్నారు మరియు బాలికలకు ఎడ్యుకేషన్ కిట్లను పంపిణీ చేయనున్నారు.