బజాజ్ అవెంజర్ స్ట్రీట్ 150 మోటార్‌సైకిల్‌కు వీడ్కోలు

బజాజ్ షోరూముల్లో ఇక మీదట అవెంజర్ స్ట్రీట్ 150 బైకు ఇక మీదట ఉండదనే ఆలోచనలో కస్టమర్లు ఉంటే, బజాజ్ ఆటో మాత్రం. దీనిని శాశ్వతంగా తొలగించడం లేదు దీని స్థానంలో మరో 30సీసీ ఎక్కువ కెపాసిటి గల అవెంజర్ స్ట్రీట్ 180 కి అప్‌గ్రేడ్ చేసినట్లు చెబుతోంది.

స్ట్రీట్ 150 స్థానంలోకి స్ట్రీట్ 180 వచ్చినప్పటికీ, ఏదేమైనా ఇక మీదట అవెంజర్ స్ట్రీట్ 150 లభించడం అసాధ్యమే. అవెంజర్ స్ట్రీట్ 150 బైకును తొలగించడంతో 180సీసీ అవెంజర్ స్ట్రీట్ ఇప్పుడు ఎంట్రీ లెవల్ క్రూయిజర్ బైకుగా నిలిచింది.

బజాజ్ ఆటో అవెంజర్ స్ట్రీట్ 180 మోటార్ సైకిల్‌ను ఫిబ్రవరి నెలలో విపణిలోకి లాంచ్ చేసింది. డిజైన్, బాడీ డీకాల్స్ మరియు గ్రాఫిక్స్ పరంగా అచ్చం స్ట్రీట్ 220 బైకునే పోలి ఉండే అవెంజర్ స్ట్రీట్ 180 ప్రారంభ ధర రూ. 83,475 లు ఎక్స్-షోరూమ్(ఢిల్లీ)గా ఉంది.

సాంకేతికంగా బజాజ్ అవెంజర్ స్ట్రీట్ 180 బైకులో 178.6సీసీ కెపాసిటి గల గాలితో చల్లబడే సింగల్ సిలిండర్ పెట్రోల్ ఇంజన్ కలదు. 5-స్పీడ్ గేర్‌బాక్స్ అనుసంధానం గల ఇది 15.3బిహెచ్‌పి పవర్ మరియు 13.7ఎన్ఎమ్ టార్క్ ప్రొడ్యూస్ చేస్తుంది. ఇందులో 13-లీటర్ల కెపాసిటి గల ఇంధన ట్యాంక్ ఉంది.

నిజానికి శక్తివంతమైన అవెంజర్ స్ట్రీట్ 180 విడుదల కోసమే 150 మోడల్‌ను విపణి నుండి తొలగించారు. కానీ, రెండింటి మధ్య ధరల పరంగా పెద్దగా వ్యత్యాసమేమీ లేదు. అత్యాధునిక ఫీచర్లు, స్టైలిష్ క్రూయిజర్ డిజైన్ మరియు శక్తివంతమైన ఇంజన్ గల అవెంజర్ స్ట్రీట్ 180 బైకును ధరకు తగ్గ విలువలతో ఎంచుకోవచ్చు.

డ్రైవ్‌స్పార్క్ తెలుగు అభిప్రాయం!

బజాజ్ తమ అవెంజర్ స్ట్రీట్ 180 కోసం మార్గం సుగమం చేసేందుకు అవెంజర్ స్ట్రీట్ 150 బైకును విపణి నుండి తప్పించింది. కానీ, బజాజ్ మాత్రం దీనిని డిస్కంటిన్యూ కాకుండా అప్‌గ్రేడ్ అంటోంది. ఏదేమైనప్పటికీ అవెంజర్ స్ట్రీట్ 150 కస్టమర్లకు ఇది కాస్త నిరాశను మిగిల్చినప్పటికీ, 180 మోడల్‌ ఎన్నో ప్రయోజనాలను కల్పిస్తోంది.