ఇప్పుడు బిఎస్ 6 బజాజ్ పల్సర్ NS 200 బైక్ రేటెంతో తెలుసా !

బిఎస్-6 బజాజ్ పల్సర్ ఎన్ఎస్ 200 బైక్ ధరను ఇప్పుడు రూ. 999 పెంచింది. బిఎస్-6 బజాజ్ పల్సర్ ఎన్ఎస్ 200 ధర ఇప్పుడు పూణే షోరూమ్ ప్రకారం 1,28,506 రూపాయలు. ఈ కొత్త బిఎస్ 6 బైక్ మునుపటి బిఎస్-4 తో పోల్చితే ఎటువంటి కాస్మెటిక్ అప్‌గ్రేడ్‌లను పొందలేదు.

ఈ కొత్త బిఎస్ 6 పల్సర్ ఎన్ఎస్ 200 బ్లాక్, వైట్, రెడ్ మరియు ఎల్లో అనే నాలుగు కలర్ ఎంపికలతో వస్తుంది. బిఎస్-6 పల్సర్ ఎన్ఎస్ 200 బైక్ ఫ్యూయెల్ ఇంజెక్షన్ మాత్రం నవీనీకరించబడింది.

భారతదేశంలో విడుదలైన బిఎస్-6 పల్సర్ ఎన్ఎస్ 200 లో 99.5 సిసి, ఫోర్-వాల్వ్, లిక్విడ్-కూల్డ్ ఇంజన్ అమర్చారు. ఈ ఇంజన్ 24.2 బిహెచ్‌పి శక్తిని మరియు 18.5 ఎన్ఎమ్ టార్క్ ఉత్పత్తి చేస్తుంది. మునుపటి బిఎస్ -4 బజాజ్ పల్సర్ ఎన్ఎస్ 200 బైక్ 23.5 బిహెచ్‌పి శక్తి మరియు 18.3 ఎన్ఎమ్ టార్క్ ఉత్పత్తి చేస్తుంది.

బిఎస్ -6 పల్సర్ ఎన్ఎస్ బైక్ సస్పెన్షన్ కోసం ముందు భాగంలో టెలిస్కోపిక్ ఫోర్కులు మరియు వెనుక భాగంలో గ్యాస్-ఛార్జ్డ్ మోనోషాక్‌ కలిగి ఉంది.

ఈ బిఎస్-6 పల్సర్ ఎన్ఎస్ బైక్‌ యొక్క బ్రేకింగ్ సిస్టం గమనించినట్లయితే ఇందులో మునుపటి మోడల్‌లో మాదిరిగా బ్రేకింగ్, డిస్క్ బ్రేక్‌లు కలిగి ఉంటుంది. అంతే కాకుండా ఇందులో స్టాండర్డ్ సింగిల్ ఛానల్ ఎబిఎస్ కూడా అమలు చేయబడి ఉంటాయి.

బిఎస్-6 పల్సర్ ఎన్ఎస్ 200 బైక్ భారత మార్కెట్లో అపాచీ ఆర్టిఆర్ 200 4 వి, యమహా ఎఫ్జడ్ 25 మరియు సుజుకి జిక్సర్ 250 వంటి బైక్‌లకు ప్రత్యర్థిగా ఉంటుంది.

దేశీయ మార్కెట్లో బజాజ్ పల్సర్ సిరీస్ బైక్‌లకు ఆదరణ ఇప్పటికి తగ్గలేదు. మనదేశంలో చాలా మంది యువకులకు ఇప్పటికీ బజాజ్ పల్సర్ బైకులపై ఎక్కువ వ్యామోహం ఉంది. కానీ బిఎస్-6 పల్సర్ ఎన్‌ఎస్ 200 బైక్ డిజైన్‌లో ఎలాంటి మార్పులు చేయకపోవడం పల్సర్ అభిమానులను కొంత వరకు నిరాశపరిచిందనే చెప్పాలి.