హోండా యాక్టివా 6 జి లో చేసిన పెద్ద మార్పులు ఏవంటే.. ?

ఇటీవల కాలంలో బిఎస్-6 హోండా 6 జి ఇండియన్ మార్కెట్లో విడుదలయింది. కొత్తగా విడుదలయిన హోండా యాక్టివా బిఎస్-6 ఉద్గార నిబంధనలకు అనుకూలంగా ఉంటుంది. హోండా యాక్టీవా స్కూటర్ లో బిఎస్-6 నిబంధనలకు అనుగుణంగా తయారు చేసినప్పుడు దీనికి చేసిన పెద్ద మార్పులు ఎలా ఉన్నాయో వీడియోలో చూడవచ్చు.

బిఎస్-6 నిబంధనలకు అనుగుణంగా తయారు చేసిన ఈ హోండా యాక్టివా కొన్ని కొత్త మార్పులను కలిగి ఉంది. మనం వీడియోలో గమనించినట్లయితే ఈ కొత్త బిఎస్-6 స్కూటర్ లో చేసిన మొదటి మార్పు సైలెంట్ స్టార్ట్ టెక్నాలజీ. స్కూటర్ యొక్క గేర్ మెషింగ్, గేర్ ఎంగేజ్మెంట్ సౌండ్స్ తొలగించే ఎసిజి స్టార్టర్ మోటారు కూడా ఇందులో ఉంది.

యాక్టివా యొక్క 6 జి వెర్షన్ లో ఇప్పుడు టెలిస్కోపిక్ సస్పెన్షన్‌ వస్తుంది. ఇది స్కూటర్ యొక్క రైడింగ్ నాణ్యతను మెరుగుపరుస్తుంది. అంతే కాకుండా ఫ్రంట్ వీల్ ఇప్పుడు 12 అంగుళాల పరిమాణంలో ఉంది.

బిఎస్-6 హోండా యాక్టీవా స్కూటర్ లో చేసిన మరో మార్పు ఇంజిన్ స్టార్ట్ స్టాప్ స్విచ్. ఇది మునుపటి వెర్షన్లో లేదు. యాక్టీవ 5 జి స్కూటర్ తో పోలిస్తే యాక్టీవ 6 జి చాలా అప్డేటెడ్ ఫీచర్స్ కలిగి ఉంటుంది.

కొత్త హోండా స్కూటర్ లో ఫ్యూయెల్ సిస్టం కూడా బాగా మార్పులకు లోనై ఉంది. ఇది మునుపటి మోడల్ కంటే కూడా 10 శాతం ఎక్కువ ఇంధన సామర్త్యాన్ని కలిగి ఉంటుందని చెప్పవచ్చు.

బిఎస్-6 హోండా స్కూటర్ లో బిఎస్-6 కంప్లైంట్ ఇంజిన్ ఉంటుంది. ఇది 8 బిహెచ్‌పి మరియు 9 ఎన్ఎమ్ టార్క్ ని ఉత్పత్తి చేస్తుంది. ఈ విధంగా ఉండటం వల్ల ఇది మునుపటికంటే కూడా ఎక్కువ ఇంధన సామర్త్యాన్ని కలిగి ఉంటుంది.

ఇందులో ఇతర నవీనీకరణలను ఒకసారి పరిశీలిస్తే ఇందులో ఆల్-మెటల్ బాడీ, లాంగ్ వీల్ బేస్, రివైజ్డ్ టెయిల్ లాంప్, ఫ్యూయల్ ఇంజెక్షన్ సిస్టమ్, సెమీ డిజిటల్ ఇన్స్ట్రుమెంట్ క్లస్టర్ వంటివి కూడా కొంత కొత్త నవీనీకరణలను పొందాయి. కొత్త హోండా యాక్టివా 6 జి రెండు వేరియంట్లలో లభిస్తుంది. అవి ఒకటి స్టాండర్డ్ మరియు ట్రెండు డీలక్స్ వేరియంట్లు.

హోండా 6 జి యొక్క రెండు వేరియంట్ల ధరలను పరిశీలిస్తే, స్టాండర్డ్ యాక్టీవా 6 జి ధర 63,412 (ఎక్స్-షోరూమ్) రూపాయలు, అదే విధంగా హొండా 6 జి డీలక్స్ వేరియంట్ ధర 64,912 (ఎక్స్-షోరూమ్) రూపాయలు.

భారతదేశంలో 2001 లో ప్రారంభించినప్పటి నుంచి అత్యధికంగా అమ్ముడైన స్కూటర్ హోండా యాక్టీవా. దీనిపై వినియోదారులకు ఉన్న అత్యంత విస్వాసం వల్ల ఇది మంచి అమ్మకాలను చేపడుతుంది. ఈ స్కూటర్ పురుషులకు మాత్రమే కాకుండా స్త్రీలకు కూడా ఉపయోగపడుతుంది.

డ్రైవ్‌స్పార్క్ తెలుగు అభిప్రాయం:

ఇండియన్ మార్కెట్లో విడుదలయినప్పటి నుంచి ఎక్కువ అమ్మకాలను చేపడుతున్న హోండా యాక్టీవా కొత్త బిఎస్-6 ఉద్గార నిబంధనలకు అనుకూలంగా మార్చడం చేత మునుపటికంటే కూడా ఎక్కువ అమ్మకాలను చేపడుతుందని భావించవచ్చు. ఇది మునుపటి కంటే చాలా అప్డేటెడ్ ఫీచర్స్ కలిగి ఉంటుంది.