కొత్త డిజైన్‌తో కొత్త ఎలక్ట్రిక్ బైక్ ఆవిష్కరించిన బెనెల్లి; వివరాలు

ఇటీవల కాలంలో ఎలక్ట్రిక్ వాహనాలకు అంతర్జాతీయ మార్కెట్లో భారీ డిమాండ్ పెరిగింది. ఈ నేపథ్యంలో చాలా మంది ప్రముఖ వాహన తయారీదారులు ఎలక్ట్రిక్ వాహనాలను తయారు చేసి విక్రయిస్తున్నారు. ఇప్పుడు బెనెల్లి కూడా సరైన సమయంలో ఎలక్ట్రిక్ వాహనాలను ఉత్పత్తి చేస్తుంది.

నివేదికల ప్రకారం, రాబోయే ఈ కొత్త మోడల్ హై పర్ఫామెన్స్ కలిగిన ఎలక్ట్రిక్ బైక్‌లకు కొత్త బెంచ్‌మార్క్ కావచ్చు. ఇది చూడటానికి చాలా ఆకర్షణీయంగా ఉండటమే కాకుండా, మంచి ఫీచర్స్ మరియు పరికరాలను కలిగి ఉంటుంది. ఈ క్యూజె7000డి బైక్‌లో మిడ్ మౌంటెడ్ ఎలక్ట్రిక్ మోటారు ఉంది.

ఈ ఎలక్ట్రిక్ బైక్ స్టాండర్డ్ గేర్‌బాక్స్ కలిగి ఉండి, చైన్ ఫైనల్ డ్రైవ్ ద్వారా వెనుక చక్రాలకు శక్తిని పంపుతుంది. కొత్త కియాంగ్‌జియాంగ్ యొక్క క్యూజె7000డి బైక్ సస్పెన్షన్ సెటప్ విషయానికి వస్తే, ఇది ముందు భాగంలో యుఎస్‌డి ఫోర్కులు మరియు వెనుక భాగంలో మోనోషాక్ సస్పెన్షన్ సెటప్ ఉన్నాయి.

కొత్త బైక్‌లో డిజిటల్ ఎల్‌సిడి ఇన్‌స్ట్రుమెంట్ క్లస్టర్ కూడా ఉంది. ఇంధన ట్యాంక్ ప్రాంతంలో ఈ ఎలక్ట్రిక్ బైక్‌కి ఎక్కువ స్టోరేజ్ ప్లేస్ ఉంటుంది. ఈ స్టోరేజ్ ప్లేస్ లో హెల్మెట్ ఉంచుకోవడానికి అనుకూలంగా ఉంటుంది. ఈ హై-సెట్ క్లిప్-ఆన్ హ్యాండిల్‌బార్లు మరియు సెంటర్-సెట్ ఫుట్‌పెగ్‌లతో ఎర్గోనామిక్ డిజైన్‌ను కలిగి ఉంటుంది.

ఈ కొత్త ఎలక్ట్రిక్ బైక్‌ ఫుల్-ఫెయిరింగ్ మరియు స్కూప్ అవుట్ రైడర్ సీటుతో చాలా దూకుడుగా ఉంటుంది. దీనితో పాటు ఈ బైక్ యొక్క వెనుక భాగం కూడా చాలా స్టైలిష్ గా ఉంటుంది. డిజైన్ పరంగా క్యూజే ఎస్‌ఆర్‌జి 600 బైక్‌తో ప్రేరణ పొందింది.

ఈ కొత్త ఎలక్ట్రిక్ బైక్ యొక్క ముందు భాగంలో స్ప్లిట్ ఎల్‌ఇడి హెడ్‌ల్యాంప్, ర్యాక్డ్ విజర్ మరియు ఫుల్ ఫెయిరింగ్‌తో పాటు చాలా దూకుడుగా కనిపిస్తుంది. ఇక్కడ కనిపిస్తున్న మోడల్‌తో పోలిస్తే, తుది ఉత్పత్తి నమూనాలో స్టైలింగ్ పరంగా కొన్ని మార్పులు జరిగే అవకాశం ఉంటుంది.

కొత్త ఎలక్ట్రిక్ బైక్‌ను చైనా మార్కెట్లో బెనెల్లి విడుదల చేయనుంది. తరువాత దీనిని ఇతర అంతర్జాతీయ మార్కెట్లలో ప్రారంభించే అవకాశం ఉంది. భారతీయ మార్కెట్లో కూడా ఎలక్ట్రిక్ వాహనాలకు పెరుగుతున్న డిమాండ్‌ కారణంగా, రాబోయే కొద్ది రోజుల్లో మరిన్ని కొత్త ఎలక్ట్రిక్ వాహనాలు దేశీయ మార్కెట్లో అడుగుపెట్టే అవకాశం ఉంది.