ఆఫ్-రోడ్ వెర్షన్ స్క్రాంబ్లర్ మోటార్‌సైకిల్‌ను ఆవిష్కరించిన డ్యుకాటి

ఈ ఆఫ్-రోడ్ వెర్షన్ డ్యుకాటి స్క్రాంబ్లర్ మోడల్‌కు 'డెసెర్ట్ స్లెడ్ ఫాస్ట్‌హౌస్' అనే పేరును పెట్టారు. అమెరికన్ దుస్తుల బ్రాండ్ ఫాస్ట్‌హౌస్ సహకారంతో డ్యుకాటి ఈ మోటార్‌సైకిల్‌ను డిజైన్ చేసింది. గమనించినట్లయితే, ఈ బైక్ ఫ్యూయెల్ ట్యాంక్‌పై అమెరికన్ ఫ్లాగ్ డిజైన్ కనిపిస్తుంది.

స్టాండర్డ్ డ్యుకాటి స్క్రాంబ్లర్ డెసెర్ట్ స్లెడ్ మోడల్‌ని ఆధారంగా చేసుకొని ఈ లిమిటెడ్ ఎడిషన్ డెసెర్ట్ స్లెడ్ ఫాస్ట్‌హౌస్ మోడల్‌ను తయారు చేశారు. మింట్ 400 మోటార్‌సైకిళ్ల గ్రాఫిక్స్ నుండి ప్రేరణ పొంది, ఈ బైక్‌ను ప్రత్యేకంగా డిజైన్ చేశారు.

MOST READ:యువకులు కూడా చేయలేని బైక్ స్టంట్ చేసిన యువతి అరెస్ట్

ఈ మోటార్‌సైకిల్ బ్లాండ్ అండ్ గ్రే బేస్ థీమ్‌గా కలిగి ఉండగా, దీని ఫ్రేమ్‌ను రెడ్ కలర్‌లో పెయింట్ చేయబడి ఉంటుంది. ఫ్యూయెల్ ట్యాంక్‌పై డ్యూకాటి స్క్రాంబ్లర్ బ్యాడ్జ్ మరియు ఫాస్ట్‌హౌస్ బ్రాండింగ్ రెండూ కనిపిస్తాయి. ఈ మోటార్‌సైకిళ్లలోని ప్రతి ఫ్రేమ్‌పై లిమిటెడ్ ఎడిషన్ యొక్క సంఖ్యను ముద్రించబడి ఉంటుంది.

ఇంజన్ విషయానికి వస్తే, స్టాండర్డ్ డ్యుకాటి స్క్రాంబ్లర్‌లో ఉపయోదించిన అదే 803సిసి, ట్విన్ సిలిండర్ ఇంజన్‌ను ఈ ఫాస్ట్‌హౌస్ లిమిటెడ్ ఎడిషన్‌లోనూ ఉపయోగించారు. ఈ ఇంజన్ ఉత్పత్తి చేసే పవర్, టార్క్ గణాంకాలు కూడా ఇంచు మించు ఒకేలా ఉండనున్నాయి.

MOST READ:గ్రామస్థుల మాటలు తప్పుగా అర్థం చేసుకుని వారిపై విరుచుకుపడిన యువతి [వీడియో]

ఈ మోటారుసైకిల్‌పై హార్డ్‌వేర్‌ను గమనిస్తే, ఇందులో సర్దుబాటు చేయగల కయాబా సస్పెన్షన్, తొలగించగల రబ్బరు ప్యాడ్‌లతో ఆఫ్-రోడ్ ప్రేరేపిత ఫుట్ పెగ్‌లు, బ్లాక్ స్పోక్ వీల్స్ మరియు పిరెల్లి స్కార్పియన్ ర్యాలీ ఎస్‌టిఆర్ టైర్లు మొదలైన ఫీచర్లు ఉన్నాయి.

ఈ లిమిటెడ్ ఎడిషన్ మోడల్‌తో పాటు, డ్యుకాటి స్క్రాంబ్లర్ డెజర్ట్ స్లెడ్ ​​ఫాస్ట్‌హౌస్ కోసం ప్రత్యేకంగా రూపొందించిన దుస్తుల సేకరణను కూడా కంపెనీ పరిచయం చేసింది. షార్ట్ స్లీవ్ టీ షర్ట్, లాంగ్ స్లీవ్ టీ షర్ట్, జాకెట్ మరియు టోపీ మొదలైన అఫీషియల్ అప్పీరల్స్, యాక్ససరీస్‌ను కంపెనీ అందిస్తోంది.

MOST READ:నడి రోడ్డుపై మహిళా స్కూటరిస్ట్ చెంప చెళ్లుమనిపించిన పిఎస్‌ఐ [వీడియో]

ఈ ఏఢాది ఏప్రిల్ చివరి నాటికి డ్యుకాటిక స్క్రాంబ్లర్ డెసెర్ట్ స్లెడ్ ఫాస్ట్‌హౌస్ మోడల్ ప్రపంచ మార్కెట్లలో లభ్యం కానుంది. డ్యుకాటి డీలర్‌షిప్‌లు మరియు డ్యుకాటి వెబ్‌సైట్ ద్వారా కస్టమర్లు ఈ మోడల్‌ను కొనుగోలు చేయవచ్చు. లిమిటెడ్ ఎడిషన్ కారణంగా, ఈ కొత్త స్క్రాంబ్లర్ ప్రస్తుతానికి భారత మార్కెట్‌ను తాకే అవకాశం లేనట్లుగా తెలుస్తోంది.