120 సంవత్సరాల చరిత్రకు సాక్ష్యంగా.. రాయల్ ఎన్‌ఫీల్డ్ స్పెషల్ హెల్మెట్స్..

రాయల్ ఎన్‌ఫీల్డ్ అక్టోబర్ 18 వ తేదీ నుండి ఆరు వారాల పాటు ప్రతి వారం 2 లిమిటెడ్ ఎడిషన్ హెల్మెట్ డిజైన్‌ ల చొప్పున కంపెనీ వెల్లడిస్తుంది. రాయల్ ఎన్‌ఫీల్డ్ పేర్కొన్న సమాచారం ప్రకారం, ప్రతి సోమవారం కంపెనీ ఒక డిజైన్ ను వెల్లడిస్తుంది మరియు రెండవ డిజైన్ ను బుధవారం నాడు ప్రదర్శించబడుతుంది.

ఈ డిజైనర్ హెల్మెట్ ల అమ్మకాలు వరుసగా శనివారం మరియు ఆదివారం నుండి ప్రారంభమవుతాయి. ప్రతి హెల్మెట్ డిజైన్ 001/120 నుండి 120/120 వరకు ప్రత్యేక సంఖ్యను కలిగి ఉంటుంది. గుర్తుంచుకోండి, ప్రతి హెల్మెట్ కూడా కేవలం 120 యూనిట్ల వరకూ మాత్రమే అందుబాటులో ఉంటుంది.

ఈ లిమిటెడ్ ఎడిషన్ హెల్మెట్ లతో పాటుగా కంపెనీ ఈ హెల్మెట్ ప్యాకేజింగ్‌ లో ఓ పోస్ట్‌కార్డ్ ను కూడా డెలివరీ చేస్తుంది. ఈ పోస్ట్‌కార్డులో సదరు హెల్మెట్ డిజైన్ వెనుక దాగి ఉన్న కథను మరియు స్ఫూర్తిని వివరించడం జరుగుతుంది. ఈ పోస్ట్‌కార్డ్ లలో ఒరిజినల్ పోస్టర్ లేదా రాయల్ ఎన్‌ఫీల్డ్ బృందంతో చేత చేతితో గీసిన హెల్మెట్ డిజైన్‌ ను రూపొందించడానికి ఉపయోగించే అడ్వర్టైజింగ్ ఆర్ట్‌వర్క్ కూడా ఉంటుంది.

రాయల్ ఎన్‌ఫీల్డ్ అందించనున్న అన్ని లిమిటెడ్ ఎడిషన్ హెల్మెట్లు కూడా అత్యుతన్నత భద్రతా ప్రమాణాలకు అనుగుణంగా రూపొందించబడ్డాయి. ఈ హెల్మెట్‌లకు ట్రిపుల్ సర్టిఫికేషన్ (ISI, DOT, ECE) ఉంటుంది మరియు ఇవి ప్రీమియం ఇంటర్నల్స్, సన్ వైసర్ మరియు లెదర్ ట్రిమ్ లతో లభిస్తాయి. ఇవన్నీ మోటార్‌సైకిల్ పై రైడర్‌ లకు భద్రతను మాత్రమే కాకుండా, అత్యుత్తమ సౌకర్యాన్ని కూడా అందిస్తాయి.

ఇక ధర విషయానికి వస్తే, ఇవి రాయల్ ఎన్‌ఫీల్డ్ లిమిటెడ్ ఎడిషన్ హెల్మెట్లు కాబట్టి, ఇవి కాస్తంత ప్రీమియం ధరనే కలిగి ఉంటాయి. వీటిలో ఓపెన్ ఫేస్ హెల్మెట్ ధర రూ. 6,950 కాగా, ఫుల్ ఫేస్ హెల్మెట్ ధర రూ. 8,450 గా ఉంటుంది. ఆసక్తిగల కస్టమర్లు ఈ 120వ వార్షికోత్సవ లిమిటెడ్ ఎడిషన్ హెల్మెట్‌ లను కంపెనీ అధికారిక వెబ్‌సైట్ ద్వారా ఆన్‌లైన్‌లో కొనుగోలు చేయవచ్చు. ఇందులోని ప్రతి హెల్మెట్ డిజైన్ కూడా, రాయల్ ఎన్‌ఫీల్డ్ బ్రాండ్ యొక్క గత 12 దశాబ్దాల వారసత్వాన్ని మరియు చరిత్రను వర్ణిస్తుంది.

ఈ సందర్భంగా, రాయల్ ఎన్‌ఫీల్డ్ యొక్క నేషనల్ బిజినెస్ హెడ్ - నార్త్ అండ్ వెస్ట్ ఇండియా మరియు గ్లోబల్ హెడ్ - అపీరెల్ బిజినెస్, పునీత్ సూద్ మాట్లాడుతూ "రాయల్ ఎన్‌ఫీల్డ్ బ్రాండ్ యొక్క గత 120 సంవత్సరాల కథలను పంచుకోవడానికి హెల్మెట్‌ల కంటే మెరుగైన కాన్వాస్ వేరే ఏముంటుంది. అందుకే, మన చరిత్రను సృష్టించడానికి మా ఈ లిమిటెడ్ ఎడిషన్ హెల్మెట్‌ రేంజ్ ను రూపొందించాము" అని అన్నారు.

Royal Enfield రైడింగ్ బూట్లు..

ఇదిలా ఉంటే, రాయల్ ఎన్‌ఫీల్డ్ తమ రైడర్ల జీవన శైలిని మరింత అద్భుతంగా మార్చడానికి అనేక యాక్ససరీలను కూడా అందిస్తోంది. ఇందులో భాగంగానే కంపెనీ ఇటీవల 'మేక్ ఇట్ యువర్' ప్రోగ్రామ్ కింద జాకెట్స్, హెల్మెట్స్ మరియు టీ-షర్టులతో పాటుగా ఇప్పుడు టిసిఎక్స్ (TCX) సహకారంతో కొత్త రైడింగ్ బూట్స్ ను పరిచయం చేసింది. ఈ బూట్లు భద్రతా ప్రమాణాలకు అనుకూలంగా ఉంటాయి.

అంతే కాకుండా, ఇవి కఠినమైన భద్రతా పరీక్షలకు లోబడి ఉంటాయి. రాయల్ ఎన్‌ఫీల్డ్ యొక్క టిసిఎక్స్ కలెక్షన్ ఇప్పుడు పురుషులు మరియు స్త్రీల కోసం వివిధ రకాల రైడింగ్ షూలను అందిస్తుంది. వీటిలో స్టెల్వియో డబ్ల్యుపి రైడింగ్ బూట్స్ ఫుల్ లెంత్ వాటర్‌ప్రూఫ్ అడ్వెంచర్ రైడింగ్ బూట్‌ల ధర రూ. 21,000 గా ఉంది. ఇవి పూర్తిగా లెదర్ తో తయారు చేయబడి ఉండి, కఠినమైన పరిస్థితుల్లో కూడా రైడర్ కి చాలా సౌకర్యంగా ఉంటాయి. - మరిన్ని వివరాల కోసం ఈ లింకుపై క్లిక్ చేయండి.

Royal Enfield మేక్ ఇట్ యువర్ 'జాకెట్'..

ఇవే కాకుండా, రాయల్ ఎన్‌ఫీల్డ్ తమ కస్టమర్ల కోసం కస్టమైజ్ చేసుకోదగిన టీషర్టులు మరియు రైడింగ్ జాకెట్లను కూడా అందిస్తోంది. వీటిని కొనుగోలు చేయదలిచిన కస్టమర్లు ఆండ్రాయిడ్ ప్లేస్టోర్ నుండి రాయల్ ఎన్‌ఫీల్డ్ మొబైల్ అప్లికేషన్‌ను డౌన్‌లోడ్ చేసుకోవాలి. ఆ తర్వాత, ఇందులోని మేక్ ఇట్ యువర్ (MIY) విభాగంలో అందించిన ఉత్పత్తులను ఎంచుకొని, తమకు నచ్చిన విధంగా కస్టమైజ్ చేసుకోవటం ద్వారా ఆర్డర్ చేయవచ్చు. - మరిన్ని వివరాల కోసం ఈ లింకుపై క్లిక్ చేయండి.