సెప్టెంబర్ 30న హోండా మోటార్‌సైకిల్ సర్‌ప్రైజ్ లాంచ్; ఇంతకీ ఏంటది?

టీజర్‌లో పేర్కొన్న ట్యాగ్‌లైన్స్‌ని బట్టి చూస్తుంటే, హోండా మోటార్‌సైకిల్ నుండి కొత్తగా రానున్న బైక్ చాలా ప్రీమియం మోడల్ అయి ఉండొచ్చని తెలుస్తోంది. బహుశా ఇది 300సిసి లేదా అంతకంటే ఎక్కువ విభాగంలో విడుదలయ్యే ఆస్కారం ఉంది. ఒకవేల ఇది ఆల్ట్రా ప్రీమియం మోటార్‌సైకిల్ అయితే, దీనిని ప్రత్యేకంగా బ్రాండ్ యొక్క ప్రీమియం బిగ్‌వింగ్ డీలర్‌షిప్‌ల ద్వారా విక్రయించే అవకాశం ఉంది.

మార్కెట్ ఊహాగానాల ప్రకారం, కొత్త మోటార్‌సైకిల్ 300 - 500 సిసి విభాగంలో లభ్యమయ్యే క్రూయిజర్ స్టైల్ మోడల్ అని తెలుస్తోంది. ఇది ఈ విభాగంలో నేరుగా రాయల్ ఎన్‌ఫీల్డ్ మరియు జావా వంటి మోటార్‌సైకిళ్లకు ప్రత్యక్ష పోటీనిచ్చే అవకాశం ఉంది.

ఈ కొత్త మోటార్‌సైకిల్ హోండా అంతర్జాతీయ మార్కెట్లలో విక్రయిస్తున్న రెబెల్ 300 మోడల్ ఆధారంగా ఉంటుందని తెలుస్తోంది. అయితే, ఈ కొత్త మోటారుసైకిల్‌లో అనేక ముఖ్యమైన అప్‌గ్రేడ్స్ మరియు మార్పులు ఉండే అవకాశం ఉంది. ప్రత్యేకించి భారత మార్కెట్‌కు అనుగుణంగా దీనిని మోడిఫై చేసే అవకాశం ఉంది.

హోండా ఇటీవల భారతీయ మార్కెట్లో విడుదల చేసిన హార్నెట్ 2.0 విషయంలోనూ ఇదే జరిగింది. కొత్త హోండా హార్నెట్ 2.0ను అంతర్జాతీయ మార్కెట్లో హోండా విక్రయిస్తున్న సిబి 190ఆర్ మోడల్‌ను ఆధారంగా చేసుకొని తయారు చేసి, భారత మార్కెట్‌కు అనుగుణంగా అనేక మార్పులతో దీనిని అప్‌గ్రేడ్ చేశారు.

భారత్‌లో హోండా హార్నెట్ 2.0 మోటార్‌సైకిల్‌లో 184సిసి సింగిల్ సిలిండర్ ఎయిర్-కూల్డ్ ఇంజన్‌ను ఉపయోగించారు. ఈ ఇంజన్ గరిష్టంగా 8500 ఆర్‌పిఎమ్ వద్ద 17 బిహెచ్‌పి పవర్‌ను మరియు 6000 ఆర్‌పిఎమ్ వద్ద 16.1 ఎన్ఎమ్ టార్క్‌ని ఉత్పత్తి చేస్తుంది మరియు ఇది ఐదు-స్పీడ్ గేర్‌బాక్స్‌తో జతచేయబడి ఉంటుంది.

అంతర్జాతీయ మోడల్‌తో పోల్చితే హార్నెట్ 2.0 లో చేసిన మార్పుల కారణంగా హోండా ఈ మోటార్‌సైకిల్‌ను అత్యంత పోటీ ధరకే విక్రయించేందుకు అవకాశం ఏర్పడింది. దేశీయ విపణిలో దీని ప్రారంభ ధర రూ.1.26 లక్షలు, ఎక్స్-షోరూమ్, ఢిల్లీగా ఉంది. - మరిన్ని వివరాల కోసం ఈ లింకుపై క్లిక్ చేయండి.

హోండా నుంచి కొత్తగా రానున్న ప్రీమియం మోటార్‌సైకిల్ 500 సిసి మోడల్ కావచ్చని కూడా పుకార్లు ఉన్నాయి. ఇది ఖచ్చితంగా ఏంటనేది తెలియాలంటే సెప్టెంబర్ 30 వరకూ వేచి ఉండాల్సిందే.

హోండా మోటార్‌సైకిల్ అండ్ స్కూటర్ ఇండియా ఇటీవలే అంతర్జాతీయ శ్రేణిలో తమ 500సిసి మోడళ్లను తాజా ఉద్గార నిబంధనలకు అనుగుణంగా అప్‌డేట్ చేసింది. ఈ మోడళ్లలో సిబి500ఎక్స్, సిబిఆర్500ఆర్ మరియు సిబిఆర్500ఎఫ్ ఉన్నాయి.

హోండా కొత్త మోటార్‌సైకిల్ టీజర్‌పై డ్రైవ్‌స్పార్క్ అభిప్రాయం.

భారత్‌లో హోండా ప్రవేశపెట్టబోయే కొత్త ఉత్పత్తికి సంబంధించిన సమాచారాన్ని కంపెనీ చాలా రహస్యంగా ఉంచింది. ప్రస్తుతానికి ఈ ఉత్పత్తికి సంబంధించి ఊహాగానాలు తప్ప వేరే ఇతర వివరాలు లేవు. ఈ కొత్త మోటార్‌సైకిల్ గురించి మాకు సమాచారం అందిన వెంటనే మీకు తెలియజేస్తాము.