ఈ సరికొత్త స్విఫ్ట్ టైగర్ ఎడిషన్ 100 మందికి మాత్రమే

By Anil

Published: Thursday, October 6, 2016, 10:06 [IST]

మారుతి సుజుకి తమ బెస్ట్ సెల్లింగ్ హ్యాచ్‌బ్యాక్‌ స్విఫ్ట్ ను స్పెషల్ ఎడిషన్ అవతారంలో విడుదల చేసింది. టైగర్ ఎడిషన్‌ పేరుతో విడుదలైన ఈ స్విప్ట్‌ను లిమిటెడ్ ఎడిషన్‌గా కేవలం 100 యూనిట్ల వరకు మాత్రమే అందుబాటులో ఉంచారు. అయితే ఇక్కడ గుర్తించాల్సిన విషయం ఏమిటంటే ఇది భారతీయుల కోసం కాదు ఇటలీ మార్కెట్ కోసం అభివృద్ది చేశారు.

మారుతి సుజుకి స్విఫ్ట్ టైగర్ లిమిటెడ్ ఎడిషన్

ఈ స్విఫ్ట్ టైగర్ ఎడిషన్‌ను వ్యక్తిగతంగా కొనుగోలు చేయాలనుకునే వారు అక్టోబర్ 31 లోపు డీలర్ల వద్ద బుకింగ్ చేసుకోవాల్సి ఉంటుంది.

ఇటాలియన్ మార్కెట్లో అందుబాటులో ఉన్న దీని ధర సుమారుగా 13,500 యూరోలుగా ఉంది. మన రుపాయల్లో దీని విలువ 10.12 లక్షలు గా ఉంది.

అయితే వచ్చే నవంబర్ నుండి సుజుకి వారు తమ టైగర్ ఎడిషన్‌ను 16,650 యూరోలకు అందించనున్నారు. అంటే 12.43 లక్షలు రుపాయలు.

మారుతి సుజుకి ఈ స్విఫ్ట్ టైగర్ ఎడిషన్‌లో 1.2-లీటర్ సామర్థ్యం గల పెట్రోల్ ఇంజన్ అందించారు. ఇది సుమారుగా 92.49బిహెచ్‌పి పవర్ మరియు 118ఎన్ఎమ్ గరిష్ట టార్క్‌ను ఉత్పత్తి చేయును.

ఇందులోని శక్తివంతమైన ఇంజన్‌కు 5-స్పీడ్ మ్యాన్యువల్ ట్రాన్స్‌మిషన్ గల గేర్‌బాక్స్‌ను అనుసంధానం చేశారు. దీని గరిష్ట వేగం గంటకు 165కిలోమీటర్లుగా ఉంది.

ఎక్ట్సీరియర్ మీద అత్యంత విభిన్నమైన డ్యూయల్ టోన్ పెయింటింగ్ చేశారు. ఆరేంజ్ మరియు నలుపు రంగులో ఈ టైగర్ ఎడిషన్‌ను డిజైన్ చేశారు.

మారుతి ఈ స్విప్ట్ టైగర్ ఎడిషన్‌ను ట్యురిన్ స్టైల్ సెంటర్‌లో అభివృద్ది చేసారు. ఇందులోని సి-పిల్లర్ మీద జపాన్ భాషలో టోరా అనే వ్రాయబడి ఉంటుంది. టోరా అంటే టైగర్ అని అర్థం.

ఇంటీరియర్ పరంగా ఏ విధమైన వివరాలను వెల్లడించలేదు. అయితే టైగర్ ఎడిషన్‌ను సూచించే విధంగా గుర్తులు, ప్రతేక రంగులో ఇంటీరియర్, మరియు స్పెషల్ ఎడిషన్ బ్యాడ్జిలు ఇందులో ఉండే అవకాశం ఉంది.