Click it and Unblock the Notifications
2024 Kia Carnival Review in Telugu ఖతర్నాక్ కార్నివల్.. ధరకు తగ్గట్లే ఫీచర్లు.. మొత్తానికి ఎలా ఉందంటే?
సరిగ్గా నాలుగు సంవత్సరాల క్రితం కియా కార్నివాల్ను ఆటో ఎక్స్పో 2020లో ఆ సంస్థ రివీల్ చేసింది. ఆ తర్వాత కొవిడ్ మహామ్మారితో ఈ కారు రాక కాస్త ఆలస్యం అయ్యింది. ఈ విలాసవంతమైన MPV 4th జనరేషన్ వెర్షన్ 2023 నుంచే అంతర్జాతీయ మార్కెట్లలో కొనుగోలుకి అందుబాటులో ఉంది. అదే సమయానికి భారత్లో కియా 3rd జనరేషన్ కార్నివాల్ మాత్రమే కొనుగోలుకి అందుబాటులో ఉంది. గత ఏడాది Kia కార్నివాల్ ఫేస్లిఫ్టెడ్ వెర్షన్ను KA4గా 2023 ఆటో ఎక్స్పోలో ప్రదర్శించింది. సరిగ్గా ఏడాదిన్నర తర్వాత KA4 భారతీయ లగ్జరీ కార్ మార్కెట్ను తాకింది.
తాజాగా ఆ కంపెనీ విడుదల చేసిన కియా కార్నివల్ ఫేస్లిఫ్టెడ్ వెర్షన్ రూ. 63.90 లక్షల (ఎక్స్-షోరూమ్) భారీ ధరతో అందుబాటులోకి వచ్చింది. ఇది దాని ముందున్న ధర కంటే రెట్టింపు కావడం విశేషం. ఈ విలాసవంతమైన కొరియన్ MPV భారతీయ రోడ్లపై ఎలా పని చేస్తుందో చూడటానికి మా డ్రైవ్స్పార్క్ టీమ్ 2024 కియా కార్నివాల్ను టెస్ట్ డ్రైవ్ చేసాము. దీనికి సంబంధించిన పూర్తి రివ్యూ మీకోసం..
డిజైన్ & ఫీచర్లు: కార్నివాల్ ఫేస్లిఫ్ట్ 3rd జనరేషన్ కంటే పెద్దదిగా బాక్సీ డిజైన్తో బోల్డ్గా ఉంటుంది. దీని ముందు భాగంలో కొత్త కార్నివాల్ టైగర్ నోస్ గ్రిల్ ఉంది. గ్రిల్కు ఇరువైపులా నిలువు LED హెడ్లైట్స్, తిరగబడిన L ఆకారంలోని LED DRLలు గ్రిల్ పైభాగంలో విస్తరించి ఉన్నాయి. దీని కింద ఎయిర్ డ్యామ్, అలాగే మాటే క్రోమ్ స్కిడ్ ప్లేట్ ఉన్నాయి.
సైడ్ ఫ్రొఫైల్లో 18-ఇంచెస్ డైమండ్-కట్ అల్లాయ్ వీల్స్ హైలైట్గా ఉంటాయి. కొత్త కార్నివాల్ వెనుక చుట్టూ విస్తరించి ఉన్న పెద్ద C-పిల్లర్పై కాంట్రాస్ట్ ఎలిమెంట్ కూడా ఉంది. రూఫ్ రెయిల్స్, షార్క్ఫిన్ యాంటెన్నా, ఆటోమేటిక్ స్లైడింగ్ రియర్ డోర్స్, సైడ్ స్టెప్ డార్క్ క్రోమ్ ఫినిషింగ్ వంటి ఇతర డిజైన్ ఇరువైపులా ఉన్నాయి. ఇది దూరం నుంచి క్రేజీ లుక్ని అందిస్తుంది.
ఇక దీని ఇంటీరియర్ విషయానికి వస్తే కొత్త కార్నివాల్లోకి అడుగు పెట్టగానే అద్భుతమైన డ్యూయల్-టోన్ థీమ్ ఇంటీరియర్ మీకు స్వాగతం పలుకుతుంది. ఇది కొత్త MPVని ఎంత అప్మార్కెట్గా మార్పు చేశారో అర్థం అవుతుంది. ఈ ఎంపీవీ ఇంటీరియర్లో ప్రతిచోటా సాఫ్ట్-టచ్ మెటీరియల్ ఉంటుంది. ఇది పూర్తిగా మీకు స్మార్ట్ ఫినిషింగ్ లుక్ని అందిస్తుంది. ఇది మొత్తం ఇంటీరియర్కే అదనపు హంగులను కల్పిస్తుంది.
డ్యాష్బోర్డ్ ఇన్స్ట్రూమెంటేషన్, ఇన్ఫోటైన్మెంట్ కోసం డ్యుయల్ 12.3-అంగుళాల డిస్ప్లేలను కలిగి ఉంటుంది. ఇన్ఫోటైన్మెంట్ స్క్రీన్ వైర్లెస్ ఆండ్రాయిడ్ ఆటో మరియు ఆపిల్ కార్ప్లే కనెక్టివిటీతో పాటు OTA అప్డేట్లతో కియా కనెక్ట్కు సపోర్ట్ చేస్తుంది. ఇందులో బోస్ నుంచి 12-స్పీకర్ ప్రీమియం ఆడియో సిస్టమ్ మంచి మ్యూజిక్ ఎక్స్పీరియన్స్ని అందిస్తుంది. ఇందులోని 11-అంగుళాల హెడ్-అప్ డిస్ప్లే కూడా ఉంది.
ముందు సీట్లు పవర్, వెంటిలేషన్, హీట్ సీట్లతో వస్తాయి. ముందు సీట్లు పెద్దవిగా కొత్త 2024 కియా కార్నివాల్లో ముందు కూర్చున్న వారికి ప్రతి ప్రయాణాన్ని సౌకర్యవంతంగా ఉండేలా చేస్తాయి. ఇక రెండో వరుస సీట్లలో రెండు కెప్టెన్ సీట్లు ఉన్నాయి, ఇవి స్లైడ్, రిక్లైన్ తగినంత లెగ్ సపోర్ట్ను అందిస్తాయి. ఈ కెప్టెన్ సీట్లు కూడా వెంటిలేషన్, హీట్తో వస్తాయి.
ఇతర మూడు-వరుస కార్ల మాదిరిగా కాకుండా కొత్త కియా కార్నివాల్లోని మూడవ వరుస సీట్లు పెద్దలకు ఉపయోగించదగినవి కాదు. కొత్త 2024 కార్నివాల్లో ఆరు అడుగుల ఎత్తు ఉన్న వ్యక్తులు వెనుక వరుస సీట్లలో సౌకర్యవంతంగా ప్రయాణించవచ్చు. మూడవ వరుసలో మూసివేయబడిన విండోస్ సన్ బ్లైండ్లు ఉన్నాయి. దీంతో ఇది మీకు అనువుగా అనిపించదు.
ఇక ఇందులోని క్యాబిన్ విశాలంగా ఉంటుంది. రెండు పెద్ద ఎలక్ట్రిక్ సన్రూఫ్స్, పైకప్పుపై రెండవ, మూడవ వరుసల కోసం వెంట్లతో కూడిన ఆటోమేటిక్ 3-జోన్ క్లైమేట్ కంట్రోల్ సిస్టమ్ (2nd Row నియంత్రణలతో పాటు). వైర్లెస్ ఛార్జర్, ఒక ఇల్యూమినేటెడ్ గ్లోవ్ బాక్స్, ప్రతి వరుసలో రెండు USB పోర్ట్స్ , 4-స్పోక్ లెథెరెట్ స్టీరింగ్ వీల్ వెనుక ప్యాడిల్ షిఫ్టర్లు కూడా ఉన్నాయి.
ఇక సేఫ్టీ విషయంలో ఇది ఎనిమిది ఎయిర్బ్యాగ్స్, ఫోర్ వీల్ డిస్క్ బ్రేక్స్, ESC, హిల్ అసిస్ట్ కంట్రోల్, టైర్ ప్రెజర్ మానిటరింగ్ సిస్టమ్, ఫ్రంట్, రియర్, సైడ్ పార్కింగ్ సెన్సార్స్, 360-డిగ్రీ కెమెరా, లెవల్ 2 ADAS సూట్తో లేన్ కీప్ అసిస్ట్, లేన్ డిపార్చర్ వార్నింగ్, ఫ్రంట్ కొలిషన్ వార్నింగ్ అవాయిడెన్స్ అసిస్ట్, హై బీమ్ అసిస్ట్, అడాప్టివ్ క్రూయిస్ కంట్రోల్ వంటి భారీ ఫీచర్లు ఉన్నాయి.
స్పెక్స్ & డైమెన్షన్స్: 2024 కియాకార్నివాల్ దాని మునుపటితో పోలిస్తే పరిమాణంలో పెద్దదిగా ఉంది. కొత్త కార్నివాల్ 5,155mm పొడవు, 1,995mm వెడల్పు, 1,775mm పొడవు, 3,090mm పొడవైన వీల్బేస్ను కలిగి ఉంది. కొత్త కార్నివాల్ దాని మునుపటి కంటే 40mm పొడవు, 10mm వెడల్పు, 20mm పొడవు, 30mm పొడవైన వీల్బేస్ను కలిగి ఉంది.
ఇది 2.2-లీటర్ టర్బోడీజిల్ ఇంజిన్తో పనిచేస్తుంది. కొత్త ఇంజిన్ తాజా BS6 ఫేజ్ 2 నిబంధనలకు అనుగుణంగా ఉంది. దీని ఇంజిన్ 190bhp, 441Nm గరిష్ట టార్క్ను ఉత్పత్తి చేస్తుంది. ఇంజిన్ షిఫ్ట్-బై-వైర్ టెక్నాలజీతో 8-స్పీడ్ ఆటోమేటిక్ గేర్బాక్స్ ద్వారా ముందు చక్రాలకు శక్తిని పంపిస్తుంది. దీనిలోని భారీ ఇంజిన్ మెరుగైన రైడింగ్ ఎక్స్పీరియన్స్ని అందిస్తుంది.
డ్రైవింగ్ ఇంప్రెషన్స్: కొత్త కియా కార్నివాల్ డీజిల్ ఇంజిన్ దాని మునుపటి మోడళ్ల కంటే మంచి ఫర్ఫామెన్స్ని అందిస్తుంది. ఇందులో మంచి థొరెటల్ రెస్పాన్స్ ఉంటుంది. లో, మిడ్ rpm వద్ద భారీ మొత్తంలో టార్క్ (441Nm) ఆఫర్ని అందిస్తుంది. ఇందులోని స్టీరింగ్ ఊహించదగినదిగా అనిపిస్తుంది. ఎకో, నార్మల్, స్పోర్ట్, స్మార్ట్ అనే నాలుగు డ్రైవింగ్ మోడ్స్తో మంచి అనుభూతిని అందిస్తుంది.
ఇది చాలా కంపోజ్ చేయబడిన సస్పెన్షన్ సెటప్తో హై ఫర్పామెన్స్లోనూ మంచి ఎక్స్పీరియన్స్ని అందిస్తుంది. ఇందులోని రీ డిఫైన్డ్ సస్పెన్షన్ సెటప్ బంప్స్, రట్లను సులభంగా ఛేదిస్తుంది. క్యాబిన్ లోపల ఉన్నవారిని కూడా గుంతల రోడ్లపై వెళ్తున్నట్లు అనిపించదు. దీని బాడీ రోల్ను కాస్త తక్కువగా ఉంటుంది. మూలల వద్ద కొంచెం ఇబ్బంది అనిపిస్తుంది.
ABSతో కలిపి నాలుగు చక్రాలపై ఉండే డిస్క్ బ్రేక్స్ కొత్త కార్నివాల్ను ఏకకాలంలో నిలిపివేస్తాయి. పార్కింగ్ కూడా అంత సమస్యగా అనిపించదు. ఎందుకంటే ఇందులోని 360-డిగ్రీ కెమెరా, పార్కింగ్ సెన్సార్లు 5-మీటర్ల కంటే ఎక్కువ పొడవు ఉండటం వల్ల ఈ ఫ్యామిలీ వ్యాగన్ని ఎటువంటి ఇబ్బంది లేకుండా పార్క్ చేయడానికి మిమ్మల్ని అనుమతిస్తాయి.
చివరగా: 2024 కియా కార్నివాల్ ఒక విలాసవంతమైన MPV అనడంలో ఎటువంటి సందేహం లేదు. దీని బిగ్ అండ్ బోల్డ్ డిజైన్ ఆకట్టుకునేలా ఉంటుంది. కొనుగోలుదారులు ముఖ్యంగా మొత్తం కుటుంబానికి సరిపోయేలా ఓ హై ఎండ్ లగ్జరీ కారు కోసం చూస్తున్నట్లైతే ఇది మీకు ఫర్ఫెక్ట్ ఆప్షన్గా ఉంటుంది. ఇది మునుపటి జనరేషన్తో పోలిస్తే ధర ట్యాగ్ దాదాపు రెండింతలు పెరిగింది.
ఏది ఏమైనప్పటికీ, 2024 కియా కార్నివాల్ని కంప్లీట్ బిల్డ్ యూనిట్ వెహికిల్గా దిగుమతి చేసుకుంటుడంతో ఈ ధర పలకడం సాధారణమే. పైన చెప్పినట్లుగా కొత్త కార్నివాల్ లగ్జరీ ఫీచర్లు, మంచి ఫర్ఫామెన్స్ కలిగి ఉన్న ఎంపీవీ ఫ్యామిలీ కోసం వెతుకుతున్న వారికి ఇది సరిపోతుంది. ధరకు తగినట్లుగానే దీని ఫీచర్లు ఉన్నాయనే విషయాన్ని వినియోగదారులు గుర్తుంచుకోవాలి.
Continue with Google