మహీంద్రా స్కార్పియోలో కొత్త వేరియంట్‌ను విడుదల

ప్రస్తుతం ఉన్న స్కార్పియో ఎల్ఎక్స్ వేరియంట్ మాదిరిగానే స్కార్పియో ఎల్ఎక్స్ (4x4) కూడా ఉంటుంది. అంటే దీని డిజైన్‌లోను మరియు ఇంజన్‌లోను ఎలాంటి మార్పులు లేవన్నమాట. ఇందులో 2.2 లీటర్ ఎమ్‌హాక్ సిఆర్‌డిఈ టర్బో డీజిల్ ఇంజన్‌ను అమర్చారు. ఇది 120 బిహెచ్‌పిల గరిష్ట శక్తిని, 290 ఎన్ఎమ్‌ల గరిష్ట టార్క్‌ను విడుదల చేస్తుంది. ఇది 5-స్పీడ్ మ్యాన్యువల్ ట్రాన్స్‌మిషన్ సిస్టమ్‌తో లభ్యమవుతుంది.

సరికొత్త స్కార్పియో ఎల్ఎక్స్ (4x4) వేరియంట్లో లభించే ఫీచర్లు ఈ క్రింది విధంగా ఉన్నాయి:
- 5-జోన్ కుషన్ సస్పెన్షన్
- డిజిటల్ ఇమ్మొబిలైజర్
- క్రాష్ ప్రొటెక్షన్ క్రంపల్ జోన్స్, చైల్డ్ లాక్స్
- ట్యూబ్‌లెస్ టైర్లు
- టిల్ట్ స్టీరింగ్
- పవర్ స్టీరింగ్, పవర్ విండోస్
- మొబైల్ చార్జింగ్ పాయింట్
- ఇల్యుమినేటెడ్ స్పాయిలర్
- రూఫ్ టాప్ స్కై ర్యాక్స్
- సెంట్రల్ లాకింగ్

మొదలగు అత్యాధునిక సాంకేతి, భద్రతా మరియు ఆకర్షనీయమైన ఫీచర్లు కొత్త స్కార్పియో ఎల్ఎక్స్ (4x4) ఎస్‌యూవీ సొంతం. దేశీయ విపణిలో ఈ మోడల్ ధర రూ.9.17 లక్షలు (ఎక్స్-షోరూమ్, ఢిల్లీ)గా ఉంది.