హైదరాబాద్ మార్కెట్లో ఏ7 స్పోర్ట్‌బ్యాక్ కారును విడుదల చేసిన ఆడి

Published: Tuesday, June 19, 2012, 17:17 [IST]

హైదరాబాద్: ప్రముఖ జర్మన్ లగ్జరీ కార్ల తయారీ సంస్థ ఆడి ఇండియా ఇటీవల భారత మార్కెట్లోకి ప్రవేశపెట్టిన స్పోర్ట్స్ కారు ఆడి ఏ7ను శుక్రవారం రాష్ట్ర మార్కెట్లోకి విడుదల చేసింది. ఏ8 మోడల్‌ కారులో ఉన్న ఫీచర్లతోపాటు మరింత ఆధునిక హంగులతో ఏ7 మోడల్‌ను రూపొందించినట్లు కంపెనీ పేర్కొంది. అవంత్, సెడాన్, హ్యాచ్‌బ్యాక్, కూప్, స్పోర్ట్‌బ్యాక్‌ మోడళ్లంటిని కలిపి ఒక్కసారిగా చూస్తే అదే 'ఆడి ఏ7' అని కంపెనీ తెలిపింది. 3.0 టీడీఐ వీ6 ఇంజన్‌ కలిగిన ఏ7 కేవలం 6.3 సెకన్లలో 0 నుంచి 100 కి.మీ. వేగానికి అందుకుంటుందని కంపెనీ వివరించింది.

ఇందులో ఏర్పాటు చేసిన శక్తివంతమైన ఇంజన్ 240 హార్స్‌ పవర్‌ సామర్ధ్యంతో గరిష్టంగా గంటకు 50 కి.మీ. వేగంతో ప్రయాణిస్తుందని, 6 లీటర్ల ఇంధనంతో 100 కిలోమీటర్ల మైలేజీని ఇస్తుందని కంపెనీ తెలిపింది. ఇంకా ఇందులో వేగాన్నిబట్టి ఆటోమేటిక్‌గా మారే ఏడు గేర్లు, ఎల్‌ఈడీ హెడ్‌లైట్లు, కంప్యూటర్‌లా పనిచేసే ఎంఎంఐ ఆపరేటింగ్ సిస్టమ్‌తో కారు ఫీచర్లను మార్చుకోవచ్చు. డ్రైవ్ సెలెక్ట్ ఆప్షన్ ద్వారా వాహనాన్ని నడుపుతున్నప్పుడు మనకు నచ్చిన విధంగా సస్పెన్షన్, స్టీరింగ్, గేర్‌బాక్స్, ఇంజన్ తీరును మార్చవచ్చు.

అంతేకాకుండా.. రాడార్ ఆధారిత క్రూయిజ్ సిస్టమ్, 600 లీటర్ల బూట్ స్పేస్, వాయిస్ డైలాగ్ సిస్టమ్, నైట్ విజన్, 13 స్పీకర్లతో కూడిన 500 వాట్స్ మ్యూజిక్ సిస్టమ్ ఆడి ఏ7 సొంతం. 11 రంగుల్లో లభించే ఈ కారు ధర (ఎక్స్‌-షోరూమ్‌ హైదరాబాద్‌) రూ. 65,14,000.

Article Published On: Saturday, June 4, 2011, 11:16 [IST]

English summary

German luxury carmaker Audi India launches its award winning new model A7 sportback in Hyderabad. Audi hopes to sell 10-15 A7s in the city in next few months, Rajiv Sanghvi, Managing Director, Audi Hyderabad said. A7 sportback, which costs Rs. 65.14 lakh (ex-showroom) onwards, was unveiled at a press conference, by Anil Reddy, Head of Sales, Audi India along with Mr. Rajiv Sanghvi.

More from DriveSpark