శాంటాఫేలో కొత్త వేరియంట్‌ను విడుదల చేసిన హ్యుందాయ్

గతేడాది మార్కెట్లోకి విడుదలైన శాంటాఫే ఎస్‌యూవీకు మార్కెట్లో అశేష ఆదరణ లభించిందని, కొత్తగా విడుదల చేసిన ఆటోమేటిక్ ట్రాన్స్‌మిషన్ సిస్టమ్‌తో కూడిన ఎస్‌యూవీ ద్వారా ఈ ఆదరణ మరింత పెరగగలదని హ్యుందాయ్ మోటార్ ఇండియా మేనేజింగ్ డైరెక్టర్ అండ్ ఛీప్ ఎగ్జిక్యూటివ్ హెచ్.డబ్ల్యూ. పార్క్ తెలిపారు. కొత్త శాంటాఫే ఎస్‌యూవీ ఫోర్-వీల్ డ్రైవ్ ఆప్షన్‌తో 6-స్పీడ్ ఆటోమేటిక్ ట్రాన్స్‌మిషన్‌తో లభిస్తుంది. ఇది ట్రాఫిక్ రోడ్లపై కూడా సౌకర్యవంతమైన డ్రైవింగ్ అనుభూతిని కల్పిస్తుంది.

హ్యుందాయ్ శాంటాఫే ఎస్‌యూవీలో ఉండే ప్రధాన ఫీచర్లు:

* ఇది శక్తివంతమైన 2.2 లీటర్ సిఆర్డిఐ ఇ-విజిటి (CRDi e-VGT) ఇంజన్ (197 ps / 42.9 kgm)తో లభిస్తుంది.
* ఇందులో ఆరు ఎయిర్స్‌బ్యాగ్స్‌తో యాక్టివ్ హెడ్‌రెస్ట్ రోల్-ఓవర్ సెన్సార్స్ మరియు ఎలక్ట్రానికి స్టెబిలిటీ ప్రోగ్రామ్‌ (ఈఎస్‌పి)లు ఉండటం వల్ల సురక్షతమైన మరియు సౌకర్యవంతమైన ప్రయాణ అనుభుతిని పొందవచ్చు.
* మూడు వరుసలలో ఉండే సౌకర్యవంతమైన సీటింగ్.
* క్రూయిజ్ కంట్రోల్.
* పవర్ అడ్జస్టబుల్ డ్రైవర్ సీట్ మరియు ముందువైపు ఉండే ప్యాసింజర్ సీట్.
* వినియోగదారుల డిమాండ్‌పై 4-వీల్ డ్రైవ్ ఆప్షన్.
* ఇది లీటరుకు 11.7 కిలోమీటర్ల మైలేజీనిస్తుంది.