కొరియాలో తమ స్వంత ఉత్పత్తులను ప్రవేశపెట్టనున్న ఎమ్ & ఎమ్

మాహీంద్రా అండ్ మహీంద్రా అధ్యక్షుడు (ఆటోమొటివ్ అండ్ ఫామ్ ఎక్విప్‌మెంట్ సెక్టార్) పవన్ గోయెంకా మాట్లాడుతూ.. శాంగ్‌యాంగ్‌ను స్వాధీనం చేసుకోవడంతో వచ్చే ఏడాది కొరియన్ మార్కెట్లో తమ స్వంత ఉత్పత్తులను ప్రవేశపెట్టేందుకు సన్నాహాలు చేస్తున్నామని తెలిపారు.

అయితే కొరియాలో ఉత్పత్తులను ప్రవేశపెట్టడానికి ముందు మార్కెట్ అధ్యయనం చేయాల్సిన అవసరం ఉందని, ప్రారంభ దశలో భాగంగా తమ ఉత్పత్తుల్లో ఏవైనా ఒకటి లేదా రెండు మోడళ్లను విడుదల చేసిన తర్వాత మార్కెట్ స్పందనను బట్టి తదుపరి చర్యలు తీసుకునే అవకాశం ఉందని ఆయన అన్నారు.