కాంపాక్ట్ సెడాన్ 'ర్యాపిడ్' ఉత్పత్తిని ప్రారంభించిన స్కొడా

భారత్‌లో కొత్త కాంపాక్ట్ రాపిడ్ సెలూన్‌ ఉత్పత్తిని అధికారికంగా ప్రారంభిస్తున్నామని, ఈ శుక్రవారం తొలి రాపిడ్ కారును ఉత్పత్తి చేశామని కంపెనీ ఓ ప్రకటనలో పేర్కొంది. అతి త్వరలోనే ఈ కారును దేశీయ విపణిలోకి విడుదల చేయనున్నామని, ఐదుగురు ప్రయాణీకులు హాయిగా ప్రయాణించేలా, కారు లోపల ఎక్కువ స్థలం ఉండేలా దీన్ని తీర్చిదిద్దామని కంపెనీ స్కోడా ఆటో బోర్డు ఆఫ్ మేనేజ్‌మెంట్ చైర్మన్ విన్‌ఫ్రైడ్ వాహ్‌లాండ్ తెలిపారు.

స్కొడా ర్యాపిడ్ డీజిల్ మరియు పెట్రోల్‌ వేరియంట్లలో లభించనుంది. ఇదే ప్లాంటులో స్కొడా ఫ్యాబియా సెడాన్‌ కూడా ఉత్పత్తి చేస్తుంది. ప్రస్తుతం పండుగ సీజన్ నేపథ్యంలో స్కొడా అందిస్తున్న వివిధ మోడళ్లపై డిస్కౌంట్‌ను ప్రకటించిన సంగతి తెలిసిందే.