సెలబ్రేషన్ ఎడిషన్ 'మాంజా' విడుదల చేసిన టాటా మోటార్స్!

ప్రస్తుతం ఉన్న మాంజాలో ఆప్షనల్‌గా లభించే ఎన్నోరకాల ఫీచర్లు ఈ సరికొత్త మాంజా సెలబ్రేషన్ ఎడిషన్‌లో లభించనున్నాయి. దీపావళి పండుగ సీజన్‌ను దృష్టిలో ఉంచుకొని టాటా మోటార్స్ ఈ కొత్త మాంజాను మార్కెట్లో ప్రవేశపెట్టింది. కొత్త వేరియంట్‌ను ప్రవేశపెట్టాలనే ఉద్దేశ్యంతో ప్రస్తుతం ఉన్న మాంజా వేరియంట్లపై కంపెనీ భారీ డిస్కౌంట్లను ఆఫర్ చేసిన సంగతి తెలిసిందే.

కాగా.. టాటా మాంజా సెలబ్రేషన్ ఎడిషన్ వేరియంట్ ధరను రూ.749 లక్షలు (ఎక్స్-షోరూమ్, ఢిల్లీ)గా కంపెనీ నిర్ణయించింది. ఇందులో రివర్స్ పార్కింగ్ సెన్సార్స్, లెథర్ ఫీల్ ఇంటీరియర్స్, రిచ్ బ్లాక్ ఇంటీరియర్స్ ఉన్నాయి మాంజా ఎలాన్ కన్నా ఇది టాప్-ఎండ్ వేరియంట్. మాంజా ఎలాన్‌తో పోల్చుకుంటే సెలబ్రేషన్ ఎడిషన్ డీజిల్ వేరియంట్ ధర రూ.27,000 అధికంగానూ, సెలబ్రేషన్ ఎడిషన్ పెట్రోల్ వేరియంట్ ధర రూ.17,000 అధికంగానూ ఉంది. మాంజా సెలబ్రేషన్ ఎడిషన్ ఇంజన్లలో మాత్రం ఎలాంటి మార్పులు చేయలేదు.