టాటా నానో డీజిల్ వేరియంట్ మైలేజ్ వివరాలు లీక్..!

అయితే, ఇప్పుడు టాటా నానో డీజిల్ వేరియంట్‌కు సంబంధించిన మైలేజ్ వివరాలు లీక్ అయ్యాయి. ఇది గతంలో చెప్పుకున్నట్లుగా లీటరుకు 40 కి.మీ. మైలేజీని కాకుండా లీటరుకు 30 కి.మీ. పైగా మైలేజీనిస్తుందని సమాచారం. ప్రస్తుతం టాటా నానో 650 సీసీ పెట్రోల్ ఇంజన్‌తో లభ్యమవుతుంది. టాటా నానో పెట్రోల్ ఇంజన్ల తయారీలో ప్రముఖ విడిభాగాల సంస్థ బోష్ హస్తం కూడా ఉంది.

అంతేకాకుండా.. బోష్ టాటా నానో కారుకు డీజిల్ ఇంజన్లను అభివృద్ధి చేయడంలో కూడా కీలక పాత్ర పోషిస్తోంది. పరిశ్రమ వర్గాల సమాచారం ప్రకారం టాటా నానో డీజిల్ వేరియంట్ ప్రతి లీటర్ డీజిల్‌కు 30-34 కి.మీ. మైలేజీని ఇవ్వొచ్చని అంచనా. ఏఆర్ఏఐ స్టాండర్డ్స్ ప్రకారం, టాటా నానో డీజిల్ 30 కి.మీ. పైగా మైలేజీని ఇవ్వగలిగినట్లయితే.. ప్రపంచంలోనే అత్యంత చవకైన కారు కాస్తా దేశంలోనే అత్యధిక మైలేజీనిచ్చే కారుగా కూడా నిలువనుంది.