త్వరలో ఇండియాకు రానున్న చెవర్లే ట్రైల్‌బ్లేజర్ ఎస్‌యూవీ

చెవర్లే ట్రైల్‌బ్లేజర్ ప్రస్తుతం జనరల్ మోటార్స్ భారత మార్కెట్లో అందిస్తున్న చెవర్లే కాప్టివా ఎస్‌యూవీ కన్నా పెద్దదిగా ఉండనుంది. కొత్త 2012 ట్రైల్‌బ్లేజర్ ఎస్‌యూవీ 2.5 లీటర్ 2.8 లీటర్ డ్యురామ్యాక్స్ డీజిల్ ఇంజన్‌ ఆప్షన్లలో లభ్యమవుతుంది. 2.5 లీటర్ ఇంజన్ 150 బిహెచ్‌పిల గరిష్ట శక్తిని, 350 ఎన్ఎమ్‌ల గరిష్ట టార్క్‌ను ఉత్పత్తి చేయగా, 2.8 లీటర్ ఇంజన్ 180 బిహెచ్‌పిల గరిష్ట శక్తిని, 480 ఎన్ఎమ్‌ల గరిష్ట టార్క్‌ను విడుదల చేస్తుంది.

ఇది టూ-వీల్ మరియు ఫోర్-వీల్ డ్రైవ్ ఆప్షన్‌లతో 5-స్పీడ్ మ్యాన్యువల్, 6-స్పీడ్ ఆటోమేటిక్ ట్రాన్సిమిషన్ సిస్టమ్‌లతో లభ్యమవుతుంది. ఇండియా 7-సీటర్ ట్రైల్‌బ్లజర్ ఎస్‌యూవీ ధర కాప్టివా ఎస్‌యూవీ కన్నా తక్కువగా (రూ.17 లక్షలకు దిగువన) ఉండొచ్చని అంచనా. టొయోటా ఫార్చ్యూనర్, ఫోర్డ్ ఎండీవియర్ వంటి ఎస్‌యూవీలకు పోటీగా చెవర్లే ట్రైల్ బ్లేజర్ నిలువనుంది.