2012 సుజుకి జిమ్నీ కాంపాక్ట్ ఎస్‌యూవీ - ఫోటోలు

మారుతి సుజుకి మాతృ సంస్థ, జపాన్‌కు చెందిన సుజుకి మోటార్ కార్పోరేషన్ అంతర్జాతీయ మార్కెట్లలో విక్రయిస్తున్న ఫోర్-వీల్ డ్రైవ్ కాంపాక్ట్ ఎస్‌యూవీ 'సుజుకి జిమ్నీ' (ఇండియన్ మార్కెట్లో మారుతి సుజుకి జిప్సీ)కు కంపెనీ కొత్త మెరుగులు అద్దింది. 2013 సుజుకి జిమ్నీలో డిజైన్ పరంగా, ఫీచర్ల పరంగా అనేక మార్పులు చేర్పులు చేసి కంపెనీ తాజాగా గ్లోబల్ మార్కెట్ల కోసం ప్రవేశపెట్టింది. చైనా మార్కెట్లో సుజుకి జిమ్నీ కాంపాక్ట్ ఎస్‌యూవీకి మంచి డిమాండ్ ఉంది.

సుజుకి జిమ్నీతో పోల్చుకుంటే కొత్త 2013 సుజుకి జిమ్నీలో రీడిజైన్ చేయబడిన ఫ్రంట్ బంపర్, గ్రిల్, బానెట్, రీపొజిషన్ చేయబడిన ఫాగ్ ల్యాంప్స్ వంటి మార్పులను గమనించవచ్చు. ఎస్‌జెడ్4 వేరియంట్‌లో ఆప్షనల్ మెటాలిక్ రేంజ్ పెయింట్స్‌ను కొనుగోలుదారులు ఎంచుకోవచ్చు. ఇంటీరియర్లలో సరికొత్త ఫ్యాబ్రిక్‌ మెటీరియల్‌తో తయారు చేశారు. ఐఎస్ఓఫిక్స్ చైల్డ్ సీట్ మౌంటిగ్స్ ఇందులో మరొక ప్రధాన ఆకర్షణగా చెప్పుకోవచ్చు. ఎస్‌జెడ్3, ఎస్‌జెడ్4 వేరియంట్లలో సరికొత్త హెడ్‌రెస్ట్‌లను ఏర్పాటు చేశారు.

సుజుకి జిమ్నీ కాంపాక్ట్ ఎస్‌యూవీ మంచి ఆఫ్-రోడింగ్ సామర్థ్యాన్ని కలిగి ఉంటుంది. అంతేకాకుండా ఇది అర్బన్ డ్రైవింగ్ కండిషన్స్‌కు కూడా చక్కగా సరిపోతుంది. సుజుకి జిమ్నీలో 1.6 లీటర్, 16-వాల్వ్ ఇంజన్‌ను ఉఫయోగించారు. ఇది గరిష్టంగా 85 పిఎస్‌ల శక్తిని, 110 ఎన్ఎమ్‌‌ల టార్క్‌ను ఉత్పత్తి చేస్తుంది. ఇది మ్యాన్యువల్ లేదా ఆటోమేటిక్ ట్రాన్సిమిషన్ ఆప్షన్‌తో లభ్యమవుతుంది. మ్యాన్యువల్ ట్రాన్సిమిషన్ వేరియంట్ లీటరుకు 14.09 కి.మీ. మైలేజీని, ఆటోమేటిక్ ట్రాన్సిమిషన్ వేరియంట్ లీటరుకు 13.70 కి.మీ. మైలేజీని ఆఫర్ చేస్తుంది.

ఇండియన్ మార్కెట్లో లభ్యమవుతున్న మారుతి సుజుకి జిప్సీకి స్టయిలిష్ వెర్షనే సుజుకి జిమ్నీ. భారత మార్కెట్లో ఒకప్పుడు ది బెస్ట్ ఆఫ్ రోడర్‌గా మిలటరీ వెహికల్‌గా, పోలీస్ జీపుగా మంచి పేరు తెచ్చుకున్న జిప్సీ ఎస్‌యూవీకి ప్రస్తుతం ఆదరణ తగ్గిపోయిన సంగతి తెలిసిందే. ప్రస్తుతం మార్కెట్లో సరికొత్త ఎస్‌యూవీలు సరసమైన ధరలకే లభ్యమవుతుండటంతో జిప్సీని కొనుగోలు చేసేవారు కరువయ్యారు. వాస్తవానికి మారుతి సుజుకి ఎస్‌యూవీ మార్కెట్లో ఎదురవుతున్న పోటీని తట్టుకోవాలంటే సుజుకి జిమ్నీ లాంటి అధునాతన ఉత్పత్తులను ఇక్కడి మార్కెట్లో ప్రవేశపెట్టాల్సిన అవసరం ఎంతైనా ఉంది.

అయితే, సుజుకి జిమ్నీ ఇండియన్ మార్కెట్లో విడుదల చేసే అంశంపై కంపెనీ నోరు మెదపటం లేదు. చైనా మార్కెట్లో సుజుకి జిమ్నీ ఎస్‌యూవీ ధరలు రూ.12.2 లక్షల నుంచి రూ.13.6 లక్షల రేంజ్‌లో ఉన్నాయి. ఇదిలా ఉండగా, భారత్ వంటి అభివృద్ధి చెందుతున్న మార్కెట్లను దృష్టిలో ఉంచుకొని డిజైన్ సుజుకి ఓ గ్లోబల్ కాంపాక్ట్ ఎస్‌యూవీ కాన్సెప్ట్ 'మారుతి సుజుకి ఎక్స్ఏ ఆల్ఫా'ను గడచిన జనవరిలో జరిగిన 2012 ఢిల్లీ ఆటో ఎక్స్‌పోలో ప్రదర్శించిన సంగతి తెలిసిందే. అప్‌గ్రేడెడ్ జిప్సీ స్థానంలో సరికొత్త కాంపాక్ట్ ఎస్‌యూవీని మారుతి సుజుకి ఇండియాకు పరిచయం చేసే అవకాశం ఉంది.

More from DriveSpark

View More

• 
  ప్రతిరోజూ 635 డెలివరీలు.. రెండు కుటుంబాలను ఒక్కటి చేస్తుంది.. ఇండియాలో బెస్ట్ 7 సీటర్ ఇదే!
• 
  అతి తక్కువలో బెస్ట్ 7 సీటర్.. షోరూమ్‌కు వచ్చిన ప్రతి ఒక్కరూ ఇదే కొంటున్నారు, సేల్స్ సునామీ
• 
  ఇండియా మోస్ట్ పాపులర్ కారును అతి తక్కువకే ఇస్తున్న మారుతి.. కారు కొనాలంటే ఎక్కువ మంది చెప్పేది ఇదే!
• 
  రోజూ వందల మంది క్యూ కడుతున్నారు! రూ.3.70 లక్షలకే కారు.. 34 కి.మీ మైలేజ్
• 
  పేద–మిడిల్ క్లాస్‌కు దేవుడు.. మార్కెట్లో నంబర్ వన్! ప్రతిచోటా ఈ కంపెనీ షోరూమ్‌ల ముందు భారీ క్యూ
• 
  ప్రతి నెలా వేల మంది ఇదే కారును కొంటున్నారు.. ఈ కారు మీద జనాలకు క్రేజ్ మామూలుగా లేదు!
• 
  అందరి ఇంటి పేరుగా మారిపోయిన కారు.. ఈ సారి చిన్న బ్రేక్.. కానీ కథ ఇంకా ముగియలేదు!
• 
  ఒక్కకారు, 10 ఏళ్ల ప్రయాణం.. దారిలో 14 లక్షల మందిని పలకరించింది! హ్యాట్సాఫ్ టూ బ్రెజ్జా
• 
  లీటరుకు 20 కిమీ మైలేజ్..అదిరిపోయే స్పేస్..మారుతి ఎర్టిగా పని అయిపోయినట్లేనా ?