వేలానికి బిల్ గేట్స్ వాడిన 1979 పోర్షే 911 టర్బో కార్..

మొక్రోసాఫ్ట్ వ్యవస్థాపకుడు, ప్రపంచంలో కెల్లా అత్యంత ధనవంతుడు బిల్ గేట్స్ ఉపయోగించిన కారు ఒకటి ప్రస్తుతం వేలానికి వచ్చింది. మొక్రోసాఫ్ట్ సంస్థను స్థాపించిన కొన్ని సంవత్సరాల తర్వాత బిల్ గేట్స్ ఓ 1979 మోడల్ 'పోర్షే 911 టర్బో' కారును కొనుగోలు చేశాడు. ప్రస్తుతం ఈ కారు ఆస్ట్రియాకు చేరింది. ఆస్ట్రియాలోని వియన్నాకు చెందిన వేలం సంస్థ డోరోథియం జూన్ 2వ తేదీన ఈ కారును వేలం వేయనుంది.

బిల్ గేట్స్‌కు హై స్పీడ్ కార్లంటే క్రేజ్ ఎక్కువ, అందులోనూ పోర్షే కార్ బ్రాండ్ మరీ ఇష్టమట. బిల్ గేట్స్‌ను ఈ కారు చిక్కుల్లో పడేసింది. ఈ కారు వల్ల బిల్ గేట్స్ పోలీస్ స్టేషన్‌కు కూడా వెళ్లాల్సి వచ్చిందట. పోర్షే 911 టర్బో కారును మితిమీరిన వేగంతో నడిపినందుకు ఒకే రోజులో మూడు ఛలాన్‌లను జారీ చేయటమే కాకుండా, బిల్ గేట్స్‌ను అరెస్టు చేయటం కూడా జరిగింది.

More Photos

ఈ పోర్షే 911 కారును ఇటీవలే అప్‌గ్రేడ్ చేయటం జరిగింది. ఈ కారుకు తొలిసారిగా ఉపయోగించిన ఒరిజినల్ కలర్‌తో పాటుగా రీబిల్డ్ చేయబడిన 3.3 లీటర్ ఎయిర్ కూల్డ్ ఫ్లాట్ సిక్స్ ఇంజన్ వరకూ వివిధ మార్పులు చేసి అప్పటి లుక్ అండ్ ఫీల్‌ను అలానే ఉండేలా తయారు చేయబడింది. ఈ పోర్షే 911 టర్బో కారు బిడ్డింగ్ 15,000 యూరోల నుండి ప్రారంభం అవుతుంది. వేలంలో ఈ కారు సుమారు 39,000 యూరోల నుండి 50,000 యూరోలు (55,500 డాలర్ల నుండి 71,000 డాలర్లకు సమానం) పలుకుతుందని అంచనా.