బర్త్ డే బాయ్ యువరాజ్ సింగ్ లగ్జరీ కార్ కలెక్షన్

యువరాజ్ సింగ్ - హోండా సిటీ :

పుట్టుకతోనే ధనవంతుడైన యువరాజ్ సింగ్‌ 2000 సంవత్సరంలో ఇండియన్ క్రికెట్ జట్టులో సెలక్ట్ అయినందుకు గానూ బహుమతి తన తండ్రి యోగరాజ్ సింగ్ ఓ హోండా సిటీ కారు (2001 మోడల్)ను బహుమతిగా ఇచ్చాడు.

యవరాజ్ సింగ్ - పోర్షే 911:

అండర్-19 పంజాబ్ క్రికెట్ జట్టుకు సారథ్యం వహించిన యువీ డర్బన్‌లో 19 సెప్టెంబర్ 2007లో జరిగిన ఐసీసీ వరల్డ్ టీ-20 సూపర్ 8వ మ్యాచ్‌లో ఇంగ్లాండ్‌పై ఆరు సిక్సులు కొట్టి ఫాస్టెస్ట్ ఫిఫ్టీని నమోదు చేశాడు. యువీ కొట్టిన ఆరు అద్భుతమైన సిక్సులకు గానూ బిసిసిఐ పోర్షే 911 కారుతో సత్కరించింది. బిసిసిఐ ఉపాధ్యక్షుడి చేతుల మీదుగా యువీకి ఈ కారును ప్రెజెంట్ చేశారు.

యువరాజ్ సింగ్ - బిఎమ్‌డబ్ల్యూ ఎమ్3:

యువరాజ్ సింగ్ వద్ద సుమారు రూ. 80 లక్షలు ఖరీదు చేసే బిఎమ్‌డబ్ల్యూ ఎమ్3 కూపే కూడా ఉంది.

యువరాజ్ సింగ్ - బిఎమ్‌డబ్ల్యూ ఎమ్5:

యువరాజ్ సింగ్ వద్ద సుమారు కోటి రూపాయలు ఖరీదు చేసే బిఎమ్‌డబ్ల్యూ ఎమ్5 లగ్జరీ సెలూన్ కూడా ఉంది.

యువరాజ్ సింగ్ - లాంబోర్గినీ ముర్సిలాగో:

యువరాజ్ సింగ్ వద్ద ఓ లాంబోర్గినీ ముర్సిలాగో (Lamborghini Murcielago) అనే సూపర్‌కారు ఉంది.

లాంబోర్గినీ ముర్సిలాగోలో 6.5 లీటర్ వి-12 డిఓహెచ్‌సి పెట్రోల్ ఇంజన్‌ను ఉపయోగించారు. ఇది గరిష్టంగా 649 బిహెచ్‌పిల శక్తిని, 67.3 కెజిఎమ్‌ల టార్క్‌ను ఉత్పత్తి చేస్తుంది. సిక్స్-స్పీడ్ మ్యాన్యువల్ ట్రాన్సిమిషన్ సిస్టమ్, ఆల్-వీల్ డ్రైవ్ ఆప్షన్‌తో లభిస్తుంది.

లాంబోర్గినీ ముర్సిలాగో సూపర్ కారు కేవలం 3.8 సెకండ్లలోనే 0-100 కిలోమీటర్ల వేగాన్ని అందుకుంటుంది. ఇది గరిష్టంగా గంటకు 340 కి.మీ. వేగంతో పరుగులు పెడుతుంది. దీని ఇంధన ట్యాంక్ సామర్థ్యం 100 లీటర్లు. ఇది లీటరు పెట్రోల్‌కు కేవలం 3-5 కి.మీ. మైలేజిని మాత్రమే ఇస్తుంది.

ముర్సిలాగో సూపర్ కారును 2001-10 మధ్య కాలంలో లాంబోర్గినీ ఉత్పత్తి చేసేది. రెండు డోర్లు మాత్రమే కలిగి ఉండే ఈ కారులో ఇద్దరికి (డ్రైవర్, ఫ్రంట్ ప్యాసింజర్) మాత్రమే చోటు ఉంటుంది. ఇండియన్ మార్కెట్లో ఈ సూపర్ కారు ధర జస్ట్ రెండు కోట్ల అరవై లక్షల రూపాయలు మాత్రమే. ఇది కేవలం ఎక్స్-షోరూమ్ ధర మాత్రమే, దీనికి అధనంగా పన్నులు, రిజిస్ట్రేషన్ చార్జీలు కలుపుకుంటే సుమారు రూ.3 కోట్ల వరకూ ఉంటుంది.

యువరాజ్ సింగ్ - ఆడి క్యూ5:

క్రికెట్ ప్రపంచ కప్ 2011లో మ్యాన్ ఆఫ్ టోర్నీ అవార్డును గెలుచుకున్న యువీకి ఆడి ఇండియా 'క్యూ5' లగ్జరీ కారును కానుకగా ఇచ్చింది. మార్కెట్లో దీని ధర రూ. 40 లక్షలకు పైగా ఉంది.

ఆడి ఇండియా ఛీఫ్ మైఖేల్ ప్రెస్కీ, మాజీ ఇండియన్ క్రికెటర్ రవిశాస్త్రిలు క్యూ5 కారు తాళాలను యవరాజ్ సింగ్‌కు అందించి సత్కరించారు.