భవిష్యత్తులో ఐస్ క్రీమ్‌, సోప్‌, షాంపులతో నడవనున్న కార్లు!

సాధారణంగా కార్లు పెట్రోల్, డీజిల్ వంటి శిలాజ ఇంధనాలతో నడుస్తాయని మనకి తెలుసు. ఇవే కాకుండా, బ్యాటరీ పవర్, ఇథనాల్, బయో ఫ్యూయెల్‌ వంటి కృత్రిమ వనరులతో నడిచే కార్లు కూడా ఉన్నాయి. మరోవైపు నీరు, గాలి వంటి ప్రకృతి ప్రసాధిత వనరులతో నడిచే కార్లపై పరిశోధనలు జరుగుతున్న సంగతి తెలిసిందే. అయితే, రానున్న రోజుల్లో ఐస్ క్రీమ్‌లు, సబ్బులు, షాంపులతో నడిచే కార్లను కూడా మన చూసే ఆస్కారం ఉంది. ఏంటి, తినే ఐస్ క్రీమ్‌లు వంటికి రుద్దుకునే సబ్బులతో కార్లు నడుస్తాయా..? మా చెవుల్లో ఏమైనా పూలు కనబడుతున్నాయా..? అంటారా..! అయితే, ఈ కథనం చదవండి.

లండన్‌కు చెందిన మాంచెస్టర్ విశ్వవిద్యాలయానికి చెందిన పరిశోధకుల ప్రకారం, ఐస్ క్రీమ్‌లు, సబ్బులు, షాంపులలో ఉండే హైడ్రోకార్బన్ రసాయనాలను కార్లలో ఇంధనంగా ఉపయోగించుకోవచ్చని తేలింది. ఈ పరిశోధకుల బృందానికి నాయకత్వం వహిస్తున్న ప్రొఫెసర్ నిక్ టర్నర్ సింథటిక్ బయాలజీని ఉపయోగించి సాధారణంగా ఉండే ఫ్యాటీ యాసిడ్లను హైజాక్ చేసి, సదరు ఫ్యాటీ మోలిక్యూల్స్‌ను ఉపయోగించి రెడీ-టూ-యూజ్ ఫ్యూయెల్, హౌస్‌హోల్డ్ కెమికల్స్‌‌ను తయారు చేయవచ్చని పేర్కొన్నారు.