Click it and Unblock the Notifications
మెట్రో నగరాల్లో నానాటికీ పెరుగుతున్న వాహనాల సంఖ్య
ఈ విషయంలో బెంగుళూరు, డిల్లీ నగరానికి చేరువలో రెండవ స్థానానికి ఎదిగింది. తాజా గణాంకాల ప్రకారం, 2011లో ఢిల్లీలో సుమారు 4.76 లక్షల వాహన రిజిస్ట్రేషన్లు నమోదు కాగా, ఈ ఏడాది నవంబర్ నెల నాటికి ఇప్పటికే ఈ సంఖ్య 3.99 లక్షలకు చేరింది. అదే విధంగా, గడచిన సంవత్సరంలో బెంగుళూరులో వాహనాల రిజిస్ట్రేషన్ సంఖ్య 2.72 లక్షలుగా ఉండగా, ఈ ఏడాదిలో ఇప్పటి వరకూ (నవంబర్ నాటికి) 3.28 లక్షలకు చేరింది.
హదరాబాద్లోను ఇదే పరిస్థితి. ఈ రెండు ప్రాంతాలకు వలస వచ్చే యువకులు ఐటి పరిశ్రమలలో పనిచేస్తూ, మంచి ఆదాయాలను సంపాధిస్తూ, ఇక్కడికి వచ్చి కొద్ది నెలలకే కొత్త వాహనాలను కొనుగోలు చేస్తున్నారని రవాణ, జాతీయ రహదారుల మంత్రిత్వ శాఖ ఉన్నతాధికారి ఒకరు వెల్లడించారు. మరో రెండు మూడేళ్ల పాటు ఇదే పరిస్థితి కొనసాగుతుందని, బెంగుళూరులో వాహనాల వృద్ధి అధికంగా ఉండటం వలనే రోడ్ల పొడవునా ట్రాఫిక్ జామ్లు అవుతుంటాయని ఆయన చెప్పారు.
అయితే.. ముంబై, చెన్నై, కలకత్తా మహా నగరాల్లో మాత్రం వాహన వృద్ధి స్థిరంగా ఉంది. చెన్నైలో 2011లో 2.26 లక్షల వాహనాలు రిజిస్టర్ కాగా, ఈ ఏడాది ఇప్పటి వరకూ1.91 లక్షల వాహనాలు రిజిస్టర్ అయ్యాయి. అలాగే, ముంబైలో 2011లో 2.27 లక్షల వాహనాలు రిజిస్టర్ కాగా, ఈ ఏడాది ఇప్పటి వరకూ1.60 లక్షల వాహనాలు రిజిస్టర్ అయ్యాయి. ఈ ట్రెండ్ ఇలానే కొనసాగుతూ పోతే భవిష్యత్తులో రోడ్లపై మనుషుల కన్నా వాహనాలే ఎక్కువగా దర్శనమిచ్చే అవకాశాలు కనిపిస్తున్నాయి. మీరేమంటారు?
Continue with Google