భవిష్యత్తు కోసం స్కొడా ఆటో ఇండియా భారీ ప్రణాళికలు

ఫోక్స్‌వ్యాగన్ గ్రూపుకు చెందిన చెక్ రిపబ్లిక్ కార్ మేకర్ స్కొడా ఆటో భారత మార్కెట్లో తన స్థానాన్ని మరింత పదిలం చేసుకోవాలని భావిస్తోంది. తొలుత భారత్‌కు ప్రీమియం కార్ బ్రాండ్‌గా పరిచయం అయిన స్కొడా ఆటో ఇండియా ఫ్యాబియాతో చవక కార్ మార్కెట్లోకి కూడా ప్రవేశించింది. తాజాగా స్కొడా ఫ్యాబియాకు దిగువన ఓ చిన్న కారును ప్రవేశపెట్టి ఎంట్రీ లెవల్ కార్ మార్కెట్లో ధరల యుద్ధాని తెరలేపేందుకు స్కొడా ఆటో ఇండియా సిద్ధంగా ఉంది.

మార్కెట్లో వృద్ధి పరంగా స్థిరంగా కొనసాగుతున్న స్కొడా ఆటో ఇండియా, భవిష్యత్ ప్రణాళికల కోసం ఇండియన్ మార్కెట్లో రూ.300 కోట్లు వెచ్చించనున్నట్లు పేర్కొంది. ఈ మొత్తాన్ని ఉత్పత్తిని పెంచుకునేందుకు, లోకలైజేషన్ (స్థానికంగా విడిభాగాలను కొనుగోలు చేయటం) విస్తరించుకునేందుకు, కొత్త ఉత్పత్తులను మార్కెట్లోకి తీసుకువచ్చేందుకు స్కొడా ఆటో ఇండియా ఉపయోగించనుంది. 2018 నాటికి ప్రపంచ వ్యాప్తంగా 150 లక్షల కార్లను ఉత్పత్తి చేయాలని స్కొడా లక్ష్యంగా పెట్టుకుంది.