సుజుకి ఎస్-క్రాస్: సెడాన్-ఎస్‌యూవీల కాంబినేషన్

జపాన్ ఆటో దిగ్గజం సుజుకి మోటార్ కార్పోరేషన్ ప్రస్తుతం ప్యారిస్‌లో జరుగుతున్న 2012వ అంతర్జాతీయ మోటార్ ప్రదర్శనలో తమ సరికొత్త ఎస్-క్రాస్ క్రాసోవర్ కాన్సెప్ట్ కారును ఆవిష్కరించింది. ఇది క్రాసోవర్ సెగ్మెంట్లో సుజుకి నుంచి మార్కెట్లోకి రానున్న నెక్స్ట్ జనరేషన్ ఉత్పత్తి. సుజుకి ఎస్-క్రాస్ క్రాసోవర్ కాన్సెప్ట్ తక్కువ కర్భన ఉద్ఘారాలను విడుదల చేస్తూ, మంచి డ్రైవింగ్ డైనమిక్స్‌ను కలిగి ఉంటుంది. అధిక లగేజ్ స్పేస్, విశాలమైన ఇంటీరియర్స్ వంటి సౌకర్యాలను దృష్టిలో ఉంచుకొని కంపెనీ ఈ కాన్సెప్ట్ కారును డిజైన్ చేసింది.

మారుతి సుజుకి బెస్ట్ సెల్లింగ్ హ్యాచ్‌బ్యాక్ స్విఫ్ట్, పవర్‌ఫుల్ సి-సెగ్మెంట్ సెడాన్ ఎస్ఎక్స్4, ప్రీమియం సెడాన్ కిజాల నుంచి స్ఫూర్తి పొంది కంపెనీ ఎస్-క్రాస్ కాన్సెప్ట్‌ను తయారు చేసింది. ఇది మంచి ఆన్-రోడ్ డ్రైవ్ డైనమిక్స్, మైలేజ్, పెర్ఫామెన్స్‌లను ఆఫర్ చేస్తుంది. ఎస్-క్రాస్ కాన్సెప్ట్‌లో ఫోర్-వీల్ డ్రైవ్ ఆప్షన్‌ను కూడా సుజుకి అభివృద్ధి చేస్తోంది. రోజూవారీ అవసరాలు, వారాంతపు దూర ప్రయాణాలకు అనువుగా సుజుకి తమ ఎస్-క్రాస్ క్రోసోవర్ కాన్సెప్ట్ కారును తీర్చిదిద్దింది.

ప్రస్తుతం సుజుకి గ్లోబల్ మార్కెట్లలో ఎస్ఎక్స్4 క్రాసోవర్‌ను అందిస్తోంది. కాగా.. భవిష్యత్తులో ఈ నెక్స్ట్ జనరేషన్ ఎస్-క్రాస్ క్రాసోవర్ కాన్సెప్ట్ ప్రస్తుత ఎస్ఎక్స్4 క్రాసోవర్‌ను రీప్లేస్ చేయవచ్చని సమాచారం. ఇందులో డైనమిక్ లైన్స్, ఎల్ఈడి హెడ్‌లైట్స్, ఫాగ్ ల్యాంప్స్, టెయిల్ ల్యాంప్స్, స్పోర్టీ ఏరోడైనమిక్ డిజైన్, ఫ్లేర్డ్ వీల్ ఆర్చెస్, ఫ్రంట్ స్కిడ్ ప్లేట్, క్రోమ్ ఫ్రంట్ గ్రిల్, స్లీక్ రూఫ్ రెయిల్స్ వంటి ఫీచర్లు సుజుకి ఎస్-క్రాస్ కాన్సెప్ట్‌లో ప్రధానంగా చెప్పుకోదగినవి.

ఎస్-క్రాస్ కాన్సెప్ట్‌లో సుజుకి ప్లష్ ఇంటీరియర్స్‌ను పరిచయం చేసింది. అధునాత సాంకేతి పరిజ్ఞానాన్ని ఉపయోగించి సుజుకి ఈ కాన్సెప్ట్‌ను అభివృద్ధి చేసింది. సుజుకి ఎస్-క్రాస్ క్రాసోవర్ కాన్సెప్ట్ యొక్క ప్రొడక్షన్ వెర్షన్ 2013 ప్రారంభంలో యూరప్ మార్కెట్లో విడుదల కావచ్చని అంచనా. ఇటు సిటీ రైడ్‌కు అటు ఆఫ్-రోడ్ అడ్వెంచర్లకు అనువుగా దీనిని తీర్చిదిద్దారు. అయితే, ఈ సుజుకి ఎస్-క్రాస్ కాన్సెప్ట్ ఇప్పట్లో ఇండియన్ మార్కెట్లోకి వచ్చే అవకాశాలైతే కనిపించడం లేదు.

More from DriveSpark

View More

• 
  ఒక్కసారిగా కుప్పకూలిన కారు అమ్మకాలు.. 8 మంది కూర్చోవచ్చు, పైగా 23 కి.మీ మైలేజ్!
• 
  సెకండ్ హ్యాండ్‌లో అమ్మిన ఎగబడి కొంటారు.. బైక్ లాగా మైలేజ్, రూ.5.99 లక్షలు! సేల్స్‌ ఎన్నంటే
• 
  అయ్యయ్యో..! కస్టమర్లు రాక దోమలు కొట్టుకుంటున్న డీలర్లు.. మారుతి కారుకి కష్టకాలం!
• 
  పేద–మిడిల్ క్లాస్‌కు దేవుడు.. మార్కెట్లో నంబర్ వన్! ప్రతిచోటా ఈ కంపెనీ షోరూమ్‌ల ముందు భారీ క్యూ
• 
  ప్రతిరోజూ 635 డెలివరీలు.. రెండు కుటుంబాలను ఒక్కటి చేస్తుంది.. ఇండియాలో బెస్ట్ 7 సీటర్ ఇదే!
• 
  28 కిలోమీటర్ల మైలేజ్, సన్‌రూఫ్.. 8 లక్షల బడ్జెట్‌లో అద్భుతమైన ఎస్‌యూవీలు ఇవే
• 
  ఇండియా మోస్ట్ పాపులర్ కారును అతి తక్కువకే ఇస్తున్న మారుతి.. కారు కొనాలంటే ఎక్కువ మంది చెప్పేది ఇదే!
• 
  రోజూ వందల మంది క్యూ కడుతున్నారు! రూ.3.70 లక్షలకే కారు.. 34 కి.మీ మైలేజ్
• 
  అందరి ఇంటి పేరుగా మారిపోయిన కారు.. ఈ సారి చిన్న బ్రేక్.. కానీ కథ ఇంకా ముగియలేదు!